ئەنەکەسێ ل سەریدا قامشلۆ و سەرانسەرێ رۆژئاڤایێ کوردستانێ خوەپێشاندان ئەنجامدان. خوەپێشاندان گەلەک ئاشتیانە بوون و ب ئاوایەکێ سڤیل داخوازیێن جڤاکی، ب میتۆدەک دەمۆکراتیک داخواز کرن.
درووشمێن خوەپێشەندەران ئەڤە بوون:
نە ژ بۆ گرتنێ، ئازادی ژ بۆ گرتیان..
نە ژ بۆ بلندکرنا بوهایێ سۆتەمەنیێ..
نە ژ بۆ سەپاندنا باجان ل سەر وەلاتیان..
نە ژ بۆ بلندکرنا بوهایێ نانی..
خوەپێشاندەران ب ئاوایەکێ ئاشتیانە ئەڤ داخوازیە کرن و تشتەکێ کو نە د رێدا نەکرن. لێ بەشەک چەکدارێن پەکەکێ کو ل رۆژئاڤایێ کوردستانێ رۆژانە خەلکێ تەرۆر دکەن جارەکا دن ب ئاوایەکێ ھۆڤانە ئێریشێ خوەپێشاندانا کرن و ئالا کوردستانێ دراندن و ژ دەستێ خوەپێشەندەران دەرخستن و ئاڤێتنە ئەردێ.
گرۆپا چەکداری ل رۆژئاڤایێ کوردستانێ وەک گرۆپەکێ تەرۆرست تەڤدگەریت و دەستھلاتا خوەسەر نکاریت ل ھمبەر وان چ ھەلوەستەکێ نشان بدەت. ئەڤ گرۆپە راستە راست ب قەندلیلێ ڤە گرێداییە و رۆژانە جڤاکی و لایەنێن سیاسی و ھەڤالبەندێن وان تەرۆر دکەن و ھەر خرابیا ژ دەرڤەیێ ئەخلاقێ مرۆڤاتیێ ل ھمبەر ھەموەلاتیان دکەن.
گەلەک جارا دەما کورد ل بەشەک دی یێ کوردستانێ دا خوەپێشاندانا دکەن، ھێزێن ئاساییشا وەلاتێن داگیرکەر ئێریشێ خوەپێشاندانا دکەن. ئالیێن سیاسی دەملدەست وان رەخنە دکەن و ھەلوەستا وان شەرمەزار دکەن. تشتا ل رۆژئاڤایێ کوردستانێ دهێتە کرن ل دەرێ ھەموو پیڤانێن مرۆڤاتیێ نە تەرۆرەک ڤەکریە ل ھمبەر ھەموەلاتیان و یێن ڤێ دکەن ژ ھێزێن داگیرکەرا گەلەک خرابترە.
ئەڤ چەکدارێن تاری کو ب قەندیلێ ڤە گرێدایینە پێشەرۆژا رۆژاڤایێ کوردستانێ تاری دکەن. بلا کەسێن کو ھەڤالبەندیا پەکەکێ دکەن ل رۆژئاڤایێ کوردستانێ دلێ خوە خوەش نەکەن. دێ سبەھی تەرۆر بەرێ خوە دەتە وان ژی.
ئەو دەزگەھێن کو جارجارا ژ بۆ پشتگریا رۆژئاڤایێ کوردستانێ ژ بۆ پشگریا دەستھلاتا خوەسەر دەردکەڤن قادا پیدڤیە بکارن ڤێ ھەلوەست و کریارا کرێت ل ھمبەر خوەپێشاندەران ژی شەرمەزار بکەن. ئەڤ یەک پێوستیەک ئەخلاقی و سیاسی یە. ئەگەر ڤێ یەکێ نەکەن چ جوداھیەک د ناڤبەرا وان و گرۆپێن چەکدارێن تەرۆرست دا نینە.
خیانەت ل ھمبەر نەتەوەیەکێ ئەو کو؛ تو بکاری خوینا ھەموەلاتیەکی، نیشتیمان پەروەرەکێ برژینی سەر ئالایێ کوردستانێ.
ئەڤ گرۆپێن رێکێ ل یەکرێزیا کوردێن رۆژئاڤایێ کوردستانێ دگرن و دژمناتیا ھەموو نرخێن نیشتیمانی و وەلاتپەروەریێ دکەن.
ھەر ئالیەکێ کو رێزێ ل ئالایێ پیرۆزێ کوردستانێ دگریت پیدڤیە ب دەنگەک بلند ڤان بوویەرا و بەرپرسێن وان روورەش بکەت. گرتنا خەلکەکێ نیشتیمانپەروەر ل رۆژئاڤایێ کوردستانێ شەرما ھەری مەزن یا ھەموو دام و دەزگەھێن دەستھلاتا خوەسەرە. بلا کەسەک خوە نەخاپینیت، ئیرادا دەستھلاتا خوەسەر ل قەندیلێ یە.
قەندیل سەرۆکانیا تەرۆرکرنا خەلکێ رۆژئاڤایێ کوردستانێ یە. ئەو ئالی و کەسایەتێن ئیرۆ ل رۆژئاڤایێ کوردستانێ سیاسەتا قەندیل رێڤە دبەن یان ژی دبنە پالپشت ژ بۆ ڤێ سیاسەتا قرێژ ل دژێ ھەموو بوهایێن نەتەوی کار دکەن، دێ د پاشەرۆژێ دا ل ھمبەر نەتەوەیا کورد بەرپرسبن ژ بەر کو ئەو تاوانەکا نەتەوی دکەن.
