باییک دخوازیت ناکۆکیێن د ناڤا یەنەکێ دا کوور بکەت

باییک دخوازیت ناکۆکیێن د ناڤا یەنەکێ دا کوور بکەت

لۆقمان حەسەن ئەرتاش

ئیراق بەر ب ھلبژارتنەکا پێشوەخت دچیت و رۆژ ب رۆژ گەرماھیا بانگەشەیا ھلبژارتنێ ل کوچە و کۆلانێن ئیراقێ و ھەرێما کوردستانێ ژی دهێتە دیتن. د ھلبژارتنا سالا 2018ێ دا پەدەکێ 25 پەرلەمەنتەر ب دەست خستن و ل سەر ئاستا ھەرێما کوردستانێ بوو یەکەم و د پەرلەمەنتۆیا ئیراقێ دا بوو خوەدی رۆلەکێ گەلەکێ گرنگە. ووسا دیارە، دێ پەدەکە دیسان د ڤێ ھلبژارتنێ دا ل سەرانسەری ھەرێما کوردستانێ ببیتە حزبا یەکەم و زۆرترین دەنگان ب دەست بێخیت.

ھەرچەند کرێگرتیێن وەلاتێن داگیرکەر ل ناڤا کوردستانێ خواستن د سالا 2019-2020 و د دەستپێکا سالا 2021ێ دا ئارامیا کوردستانێ تێک بدەن لێ بەلێ ئەو خەیالێن وان نەھاتنە جی. ھەرچەند حەشدا شەعبی و ھەڤکارێن وێ خواستن ترسێ بێخن ناڤا خەلکی و ئێریشێن ب بالافرێن بێفرۆکەڤان پێک ئانین ئەو ژی بێ ئەنجام بوون.

مە، ھەموویان دیت حکوومەتا نەھەم یا مەسروور بارزانی ژ رۆژا دەست ب کار بووی ھەول ددەت داویێ ل گەندەلیێ بینیت و یاسایێن چاکسازیێ دەردکەت. یاسایێن چاکسازیێ، یەکخستنا ھێزێن پێشمەرگە، ھەولێن ب داویکرنا گەندەلیێ، رێکەفتنا لگەل بەغدایێ د وارێ ڤەگەرا پێشمەرگە ژ بۆ کەرکووک و خورماتوو و خانەقینێ و ژ ھەموویان ژی گرنگتر دیلۆماسیا سەرۆک بارزانی و سەرۆکێ ھەرێما کوردستانێ نیشانەیێن وێ یەکێ نە کو پەدەکە گارانتیا ئارامییێ یە ل ھەرێما کوردستانێ و ئەو دکارن سبەرۆژا کوردان بپارێزن، خزمەتگوزاریا ژ بۆ گەلێ کورد بکەن.

ل ئالیێ دی ھەڤسەرۆکێ کەجەکێ جەمیل بایک ژ بۆ ھلبژارتنا پێشوەختا ئیراقێ بانگا ئالیکاریێ و پشتەڤانیێ ل یەنەکێ کر. جەمیل بایک و پەکەکە کو رۆژانە دبنە سەداما بۆردوومانا گوندێن ھەرێما کوردستانێ، رۆژانە ئێریشی پێشمەرگەیان دکەن و دبنە سەدەما وێرانبوونا گوند و مالێن خەلکێ ب وێ داخویانیێ نە فایدە بەلکو زیانەکا مەزن بدەنە یەنەکێ.

جەمیل بایک ب وێ داخویانیێ دخوازیت ناکۆکیێن ناڤا یەنەکێ دا کوورتر بکەت و یەنەکێ بکەتە ئارمانجا ترکیێ دا کو ترکیا رۆژانە سنۆرێن سلێمانیێ ژی بۆردوومان بکەت.

یەنەکە گەلەک باش دزانیت زییانا پەکەکێ گەھاندیە وێ د تەمەنێ وێ دا چ کەسەکێ ئەو زییان نەگەهاندیە وی و دڤێت ب بالداری بەرامبەر پەکەکێ ھەلوەستەکێ وەربگرن و نەھێلن پەکەکە دەستێوەردانێ د کارێن وێ دا بکەت.

د دەمەکێ دا کو پەکەکێ بەریا 2 ھەفتەیان پشتەڤانیا خوە ژ بۆ لاھور جەنگی راگھاندبوو، نھا چاوا دبیت کو ئەو ببنە پشتەڤانێن بافل و قوباد تالابانی.

30/9/2021

پوستێن ھەمان بەش