یەک ژ رێڤەبر و سیاسەتمەدارێ بەرێ یێ پەکەکێ خدر یالچن (سەرھات دێرسم) ژ بەر نەخوەشیا کۆرۆنایێ ژیانا خوە ژ دەست دا. سەرھات دێرسم ل نەخوەشخانەیا کو ل ھەولێرێ بوو کۆچا داویێ کر.
خدر یالچن، کو د سالێن 1970یێ دا ل دێرسمێ تەڤلی پەکەکێ بوو، د 1980یێ دا چوو لبنانێ، و دووڤ را ژی ل ھەرێمێن وەکی مێردین، دێرسم و بۆتان ب سالان خەبات کر.
دەما کو عەبدوللا ئۆجالان ل سالا 1999ێ ھاتیە دەستەسەرکرن، سەرهات د ناڤ ئۆپۆزسیۆنا کو د ناڤ پەکەکێ دا ل دژی دانپێدانێن ئۆجالان د دەما ژێپرسینێ و گوھارتنا ستراتەژیا پەکەکێ دا پەیدا بووی جیهـ گرتبوو. وان ل سالا 2003یێ وەکی کۆما ئۆپۆزسیۆنێ خوە رێخستن کرن، سەرۆکاتیکرنا پەکەکێ یا ئۆجالان ل ئیمرالیێ رەد کرن و گاڤێن وی یێن سیاسی ژ بۆ بەرژەوەندیا دەولەتێ رەد کرن. د 2004ێ دا، ئەو بوو ئەندامێ کۆمێن کو ژ پەکەکێ دەرکەتین پشتی کو عەبدوللا ئۆجالان و پەکەکێ گەف ل ژیانا وان کری.
سەرھات دێرسم پشترا ژیانا خوە ل باشوورێ کوردستانێ بەردەوام کر. جەنازەیێ سەرھات دێرسمی یێ 66 سالی ژی دێ ل ھەولێرێ هێتە ڤەشارتن.
