رێخستنا په‌كه‌كێ ئیرۆ ژ ده‌ست دانا 5 چه‌كدارێن خوه یێن دن راگهاند كو ل باشوورێ كوردستانێ كه‌تنه به‌ر ئێریشێن ئارتێشا تركیێ.
هه‌په‌گێ ئیرۆ رۆژا دوشه‌می 11/10/2021ێ داخویانی دا و ژ ده‌ست دانا 5 گه‌ریلایان ل ده‌ڤه‌را ئاڤاشین راگهاند كو ل گۆری وێ كه‌تنه به‌ر ئێریشا ب چه‌كێ كیمیایی یێ قه‌ده‌غه‌كری یێ ئارتێشا تركیێ.
هه‌په‌گێ گۆتییه: گه‌ریلایێن وێ ل 5 ئۆكتۆبه‌را ئیسال 2021ێ ل ده‌ڤه‌را ئاڤاشینێ كه‌تنه به‌ر ئێریشان و جان دانه.
ژ ده‌ستپێكا ڤێ مه‌هێ ڤه، رێخستنا په‌كه‌كێ ته‌نێ ل باشوورێ كوردستانێ هه‌ری كێم نێزی 25 چه‌كدارێن خوه ژ ده‌ست دانه، په‌كه‌كێ ژی د داخویانیێن راگهاندنا شه‌هاده‌تا وان ده دگۆ: ئه‌و میلیتانێن هێژا یێن ئاپۆ بوون!!.
