باییک هەروەها راگههاندبوو کو نابیت ئێكهتی د ههلبژارتنان دا راستی شکەستنێ بهێت، ژ بەر کو دێ کوردستان لاواز بیت! ئەڤه ب کورتی داخویانییا باییک بوو ل سەر ههلبژارتنێن ئیراقێ و كاندیدێن ئێكهتیێ، لێ گەلۆ باییک ب ئاخفتن و ب کریار وەک یەک کر؟ بێ گومان نه.
باییكی ئاشكرا دهنگ بۆ ئێكهتیێ و ژێر ب ژێر بۆ نهوهی نوێ كۆم دكرن
ههر چهند کو باییک د چاپەمەنییا پەکەکێ دا داخواز ژ ئالیگرێن خوە کر دەنگی ب كاندیدێن ئێكهتیێ بدهن، لێ بەلێ، ژێر ب ژێر فەرمان ب ئالیگرێن خوە دا کو دەنگی ب كاندیدێن نهوهی نوێ بدهن.
چاڤکانیێن پێگەها «دارکا مازی» ل باشوورێ کوردستانێ ئاشكهرا کر، پێش ههلبژارتنێن ئیراقێ، پەکەکێ تەڤ ئالیگرێن خوە هایدار کرنە کو دەنگی ب كاندیدێن نهوهی نوێ بدهن و دەنگی ب كاندیدێن پەکەکێ و ئێكهتیێ نەدهن، پەکەکێ ب ڤی ئاوایی خواست وهسا خوەیا بکەت کو هاریکارییا ئێكهتیێ دکەت و دخوازیت ئێكهتی د ههلبژارتنان دا سەربکەڤیت، پەکەکێ دخواست ب داخویانیێن رێڤەبەرێ خوە جەمیل باییک وهسا خوەیا بکەت کو دکاریت بێی لاهور جەنگی ژی هەڤکارێ هەڤ بن، لێ د راستیێ دا وهسا نەبوو.
پەکەکێ پێش ههلبژارتنان، تەڤ ئالیگرێن خوە هایدار کرن کو دەنگی ب كاندیدێن نهوهی نوێ بدهن و ب كاندیدێن پەکەکێ ب خوە ژی نەدهن، ئەڤ بریار ژ بەر یەک ئهگهر ب تەنێ بوو، پەکەکێ دخواست ب ڤی ئاوایی وهسا بدەته نیشاندان کو وێ دەنگ ب ئێكهتیێ دایه، لهوما دەنگ ب كاندیدێن خوە ژی نەدان، ههر چهند کو ههژمارا ئالیگرێن پەکەکێ ل باشوورێ کوردستانێ كێمن و خوە نهشێن یەک كاندید ژی سەربێخن، لێ دیسا پەکەکێ داخویانی دا و وهسا دا خویاکرن کو ئالیگرێن وێ پر زێدەنە و دشێن هاریكارییا ئێكهتیێ بکهن.
