ئاژانسا رۆژ نیوس کو ل سلێمانیێ وەشانێ دکەت نووچەیەک بەلاڤ کر. لی گۆر ڤێ نووچەیێ لی دوھۆکێ 544 کەس بی چەکێن کیمیایی بریندان بوونە و ل نەخوەشخانەیەکا سەربازی یا ترکیا ل بامەرنێ تێنە دەرمانکرن. نوچەیێن رۆژ نیوس ووسا ھاتییە نیڤیساندن: “ڤان رۆژێن داوییێ 544 کەس ژ بەر کو چاڤێن وان سۆر بوونە و ل سەر پیستێ وان پەقێن ئاڤێ چێبوونە و گەلەک نەساخن ژ ئالیێ پەدەکێ ڤە ژ بۆی نەخوەشخانەیەکا بامەرنێ ھاتینە ڤەگوھەستین.” ھەمەن دەم نووچە دبێژیت کو پەدەکێ ژ بۆی ڤان کەسان گۆتییە کو ئەڤە جورەکێ نوو یێ مەترسیدارێ کۆرۆنایێ یە، ھندەک دختۆر ژ ترکیا ژ بۆ چارەسەریا ڤان نەخوەشان ئیناینە. رۆژ نیوس ئیدیعا دکەت کو ترکا چەکێن کیمیایی ب کار ئانینە و پارتی ژ بۆی کو ڤێ یەکێ ڤەشێریت نەخوەشان ئاشکەرا ناکەت.
مە وەک دارکا مازی دیڤچوونا ڤێ نووچەیا مەدیایا پەکەکێ کر دا کو بزانین راستە یان نە. د ئەنجامێ دا دییار بوو کو چ ئەسسەک ژ بۆی ڤێ نووچەیێ نینە. هەیا نها سێ کەس ژنەک، زەلامەک و کەچا وان پشتی تۆپبارانا ترکیێ گەلەک ب باندۆر بوونە. ڤێ رەوشێ د ناڤا مەدیایێ دا جیھ گرت و نووچە لسەر چێبوون. تەندوریستییا دوھۆکێ گەلەک لێکۆلین سەر کرن و د ئەنجام دا دەرکەت کو ئەڤ ماددە نەیێن کیمیای نە، بەلکو ژ زەختا تەقینێ، ھەمان دەم دا ژ دوکێلا وێ کارتێکرن ل ڤان سێ کەسان کریە.
هەیا نها دەرڤەی ڤان سێ کەسا هیچ کەسەک دی تووشی ڤێ چەندێ نەبوویە. ووسا دییارە کو پەکەکە بەس ژ بۆی رەشکرنا هەرێما کوردستانی ئەڤ نووچەیە ل سەر میزە ژ بۆی خوە نیڤیسییە. داکو ببێژیت پەدەکە خەلکی ناپارێزیت.
ھەمان دەم پەکەکی ئەڤ نووچە بەس ب زمانێ ترکی بەلاڤ کرییە، ژ بەر کو دەما خەلکێ باشوور بخوینیت ئەو دێ زانن کو ئەڤ نووجەیە نە راستە. واتە ئەڤ نووچەیە ژ بۆی خاپاندنا کوردێن باکورێ کوردستانێ ھاتییە نیڤیساندن.
ب ملەتی دکەنن
ژ بلی کو ئەڤ نووچەیە نە راستە و درەوەکا زیقە د ھەمان دەم دا سڤکاتیەکا مەزنە ل هەمبەر گەلێ کورد ژی. بەری هەر تشتەکێ سڤکاتیە ژ بۆی گەلێ دوھۆکێ و کانی ماسی ب خوە. ل جهەکێ وەک دوھۆکێ کو جڤاکەک گرێدایی خێزان و عەشیرەتێ یە چاوا 544 کەس بەرزە دبن و هیچ کەسەک ژی چ زانیاریان ل سەر وان نەزانیت. ھەمان دەم واتە خەلکێ کانی ماسی ڤێ چەندێ نزانن کو ل سەر لاشێ وان برین دەرکەڤن و ئەو بهێنە خاپاندن و حکوومەت بێژیتە وان برینێن کۆرۆنایێ نە؟ پەکەکە ب ڤی نووچەیێ خوە خەلکێ کانی ماسێ ب گشتی ب نەزان و های ژ خوە نە ددەتە ناسین. ل ناڤچەیەکا وەکو کانی ماسێ نە 544 کەس، ھەگەر 5 کەس ژی بەرزە ببن ھەرکەس دێ زانیت. ھەر گوندەکێ پەیێج یان ژی گرۆپێ خوە یێ سۆسیال میدیایێ ھەیە، ھەرکەسەک نە ژ تەلەفزیۆنێ تەنێ بەلکو ژ گەلەک ئالییان ڤە ژ نووچە و بوویەران ئاگەهدار دبن. لێ بەلێ راگاھاندنا پەکەکێ خەلکێ دوھۆک و کانی ماسێ ب ڤی رەنگی دایە نیشاندان کو ئەو ل سەر دەمێ ژیانا د شکەفتان دا مانە و کەسێ هاش کەسێ نینە.
ژ بەر ڤی سەدەمی، ئەڤ نووچە و نووچەیێن دی یێن وەک ڤی دەرەو ھەم سڤکاتیە ژ بۆ خەلکێ دوھۆکێ و کانی ماسی، کو دەرحەقێ وان دا تێنە چێکرن، ھەم ژی سڤکاتیەکە ب تەماشەڤانان کو پەکەکە ووسا هزر دکەت خەلک هەتا وی رادەی خەشیم و نەزانە کو باهوەر ب دەرەوێن بی ڤی رەنگی ئاشکەرا بکەت.
گەلۆ دەولەتا ترک دێ ب کیمیایێ هێرشێ کەت؟
دەڤلەتا ترک دەولەتەکا هندە بێ ویژدانە کو هەموو جاران دوخوازیت هێرشی سەر کوردان بکەت. گاز و چەکێن کیمیایی و گەلەک جورێن چەکا کو ھاتینە قەدغە کرن ژی ب کار تینیت و ئەو دێ ژ ڤێرە هێڤە ژی بکار ئینیت. لێ بەلێ پەکەکە شوونا کو ڤان تشتا ب دادگەها ناڤ نەتەوی و راستی بکەتە رۆژەڤ زیدەتر ژ بۆی ھەستیار کرنا لایەنگرێن خوە و ژ بۆی پرۆپاگاندایێ ب کار تیینیت. گەلەک جاران ژی تیشتێن نە راست ھاتنە گۆتن و نە ھاتنە ئیسپاتکرن ژی، ژبەر ڤێ یەکێ ژی دەولەتا ترک خوە بێ گونەهـ نیشاندا و ئیسپاتکر. واتە چەکێن کیمیای تەنێ یێن بوویە ئاموورەکێ پرۆپاگاندایێ د دەستێ پەکەکێ دا.
پەکەکێ ئەڤ نووچەیا کو تێدا ددبێژیت، 544 کەس ل باشووری کوردستانێ ب دەستێ ترکیا ب چەکێن کیمیای ھاتینە بریندارکرن بۆچی بەلاڤ کر. نە ژ بۆی کو تەشهیرێ ب دەولەتا ترک بکەت، بەلکو ژ بۆی کو تەشهیرێ ب حکوومەتا هەرێما کوردستانێ بکەت ل سەر مێزە چێکریە و بەلاڤ کریە. ھەگەر ئەم ل مەدیایا پەکەکێ بنێرین دێ بینین کو ھەر رۆژ پەکەکە سێ نووجەیێن درەو ل سەر هەرێما کوردستانێ بەلاڤ دکەت. و ھەر یەک ژ ڤان نووچەیێن درەو ژی ب زمانەکێ بەلاڤ دکەت.
نووچەیێن ب ڤی رەنگی ب تەنێ دوژمناتیکرنا گەلێ کوردە. تەنێ دربەکە کو پەکەکە ل گەلێ کورد ددەت.
