پەکەکە ل شنگالێ ب دەنگێن خەلکی وندا بوو..

پەکەکە ل شنگالێ ب دەنگێن خەلکی وندا بوو..

ل سەر رەوشا پەکەکێ ل باشوورێ کوردستانێ گەلەک نرخاندن چێبوونە. ب کورتاھی هەبوونا پەکەکێ ل باشوور ئاستەنگێن مەزن ل همبەر پێشڤەچوون و دەستکەفتیێن کوردستانێ پەیدا دکەت.

ژ بەری ھەر تشتەکێ دەولەتێن داگیرکەر پەکەکێ ژ بۆ ئارمانجێن خوە ب کار تینن و ب دەستێ چەکدارێن پەکەکێ ل باشوورێ کوردستانێ دبنە تەھدیدەک ل سەر ستاتوویا ل باشوورێ کوردستانێ ھەیی. ژ ئالیەک دی ڤە ھێزێن کوردستانێ و ئیراقی ژی پرانیا جارا پەکەکێ وەک کەرتەکێ ل ھمبەر ھەڤ ب کار تینن. دەما د ڤێ چارچۆڤێ دا پەکەکە بهێتە نرخاندن گەلەک ئالی پێتر دکارن راستیا خوە ل ھمبەر پەکەکێ ببینن و ل گۆرا وێ ژی تەھدیدا پەکەکێ یا ل سەر دەستکەفتیێن نەتەوی دکارن کێمتر بکەن، ھەتا ژ ھۆلێ ژی راکەن. یانی دیتنا ئالیێن سیاسی ل باشوورێ کوردستانێ د دەربارێ پەکەکێ دا گەلەک گرنگە و تەنێ نرخاندنەکا راستەقینە دکاریت زەرەر و زیانا پەکەکێ کو ل تەڤگەرا ئازادخوازا کوردستانێ ددەت کێم بکەت.

ل ئیراقێ و باشوورێ کوردستانێ ھلبژارتنێن پارلەمەنتۆیا ئیراقێ چێبوون. پەکەکێ ل شنگالێ ژ بۆ پارلەمەنتۆیا ئیراقێ کاندیدێن خوە دەستنیشان کرن و تەڤلی ھلبژارتنا بوو. ل دەڤەرێن دی یێن باشوورێ کوردستانێ ژی پشتگریا ھندەک ئالیێن سیاسی کر. د ئەنجاما ھلبژارتنان دا ھات دیارکرن کو، پەکەکە چ دەنگ دەستڤە نەئانین و ل شنگالێ شکەستنەک مەزن دەستڤە ئانی. پەکەکە ل شنگالێ ب پشتگریا حەشدا شەعبی دمینیت، مووچەیێن خوە د بن ناڤێ حەشدا شەعبی دا ژ حکوومەتا ئیراقێ وەردگریت و چەکدارێن پەکەکێ وەک میلیشیایێن حەشدا شەعبی نە. ئەگەر ھەتا ڤێ گاڤێ ئەڤ چەندە نەهێت دیتن و ماینا پەکەکێ ل باشوور بهێتە مەشرو کرن، ئەڤ یەک تەنێ ل گۆر داخوازێن دەولەتێن ھەرێمێ و ھێزێن دژاتیا دەستکەفتیێن نەتەوی دکەن دهێتە کرن.

د دەما پەۆپاگاندەیا ھلبژارتنان دا ژ بۆ پراڤاکاسیۆنێ چێکن رێ نەدا کو کاندیدێن پدکێ بچن ناڤا شنگالێ و پرۆپاگاندەیا خوە بکەن. مەدیا پەکەکێ ئەڤ یەک وەک “بەرخوەدانا گەل” دا نیشاندان و چەندین رۆژا ل دژێ پەدەکێ دەرەو بەلاڤ کرن. لێ د ئەنجام دا خەلکێ دەڤەرێ ب دەنگێن خوە بەرسڤا پەکەکێ دا و ئەو ئالیێن کو پەکەکێ پشتگریا وان دکرن ژی د دیرۆکا خوە دا شکەستنا ھەری مەزن دەستڤە ئانین.

بێ گومان ب گشتی نرخاندن و شرۆڤەیا ھلبژارتنێن باشوورێ کوردستانێ مژارەک گرینگە. پەدەکە سەرکەفتنەکا بەربچاڤ دەستڤە ئانی، لێ ئەڤ سەرکەفتن ل ھمبەر ئالیێن دی یێن سیاسی دەستڤە ئانیە. گەرەک سەدەمێن کێم بەشداریا خەلکێ یا ھلبژارتنا باش بهێتە نرخاندن و پەدەکە ڤێ یەکێ وەک کێماسیەکێ ل دار بێخیت و ڤێ کەماسییێ ژ ھۆلێ راکەت.

ئیرۆ ل باشوورێ کوردستانێ پەدەکە دەولەتبوونا کوردا دپارێزیت و ئەڤ رووئیا یا پیرۆز ژ بۆی خوە کریە ئارمانج. پەدەکە ھێزا سەرەکی یە و دەستھلاتە. ئەگەر گازندەکا خەلکێ ژ دەستھلاتێ ھەبیت، دڤێت پەدەکە ڤێ یەکێ گرینگ بنرخینیت و ڤان گازندا ژ ھۆلێ راکەت. ژ بەر کو د سەری دا پەکەکە ھندەک ئالیێن سیاسی دژتیا پەدەکێ و د کەسایەتا پەدەکێ دا دژاتیا دەستکەفتیێن نەتەوی و دەولەتبوونا کوردا دکەن. پەدەکە ھێزا خوە ژ خەلکێ کوردستانێ وەردگریت و نابیت چ جارا ڤی خەلکی و داخوازیێن وان پاشگوھ بکەت.

د ڤان ھلبژارتنا دا رێژەیا خەلکێ کو چوویی سەر سەندۆقا کێمە. پێویستە لێکۆلینەک تایبەت ل سەر ڤێ بهێتە کرن ستراتەژیا پەدەکێ یا ھلبژارتنێن پێشەرۆژێ یا پارلەمەنتۆیا کوردستانێ د ڤی چارچۆڤەی دا بهێتە دیار کرن.

پەدەکێ د ھلبژارتنێن پارلەمەنتۆیا ئیراقێ دا سەرکەفتنەکا مەزن دەستڤە ئانی و نابەیت ئەڤ سەرکەفتنە ببیتە سەدەمەک کو، پەدەکە خوە ب ئاوایەکێ جدی بەرچاڤ را دەرباس نەکەت. پەدەکە مالێ گەلێ و دڤێت ب ھەموو ئاوایی گوھ ل گەل و داخوازێن وان بگریت.

ھەتا کو پەدەکە سیاسەتەکا راستەقێنە رێڤە ببەت، ھێزێن کو دژاتیا وێ دکەن دێ ھەر توشی شکەستنێ بن.

نێرین/شرۆڤە/رۆژەڤاکورد

ن.فرات