ل باژارۆکێ بانە یێ رۆژھلاتێ کوردستانێ کۆلبەرەکێ کورد ژ ئالیێ پاسدارێن ئیرانێ ڤە ھات کوشتن و دو ژی ھاتن بریندارکرن.
مالپەرا مافێن مرۆڤ یا ھەنگاو راگەھاندیە، دوھی ئێڤاری ل دەڤەرا سینۆری یا چۆمان ل نێزیکی باژارۆکێ بانە ل پارێزگەھا سنەیا رۆژھلاتێ کوردستانێ، پاسدارێن ئیرانێ کۆمەک کۆلبەر دانە بەر گولـلەیان.
ل گۆری ئاگاھیان، د وێ ئێرشێ دا دو کۆلبەر بریندار بوون کو یەک ژ وان جانێ خوە ژ دەست دا.
ناڤێ کۆلبەرێ کو ھاتیە کوشتن، عادل عەلیپوور (19 سالی) و خەلکێ گوندێ سەرسول یێ بانە بوویە. ناڤێ یێ بریندار ژی یاسین ئەمینپوورە، ئەو ژی خەلکێ ھەمان گوندی یە.
ھەمان رۆژێ ل زۆزانا ھەنگەژال یا بانە ژی کۆمەک کۆلبەر راستی ئێرشا پاسدارێن ئیرانێ ھاتن.
د وێ ئێرشێ دا ژی کۆلبەرەکی کورد ب ناڤێ فەریدوون محەمەدی (33 سالی) و خەلکێ گوندێ گۆزلێ یێ بانە بریندار بوو.