بریارگاھا پەکەکێ ل دێرسمێ ھات ژناڤبرن

بریارگاھا پەکەکێ ل دێرسمێ ھات ژناڤبرن

وەزارەتا کارێن ناڤخوە یا ترکیێ ب داخوویانییەکی دا دییارکرن کو ل دێرسمێ ل شکەفتەکی دا 8 گەریلایان ژییانا خوە ژ دەست دایە. شکەفت ب تەمامی ھاتییە کۆنترۆل کرن.

ل گۆر داخوویانییا وەزارەتا کارێن ناڤخوەیی یا ترکیێ، ل چیایێن ناڤچەیا ئۆڤاچک یا سەر ب دێرسمێ ئۆپەراسیۆنەک ھاتە دەست پێ کرن. د ئۆپەراسیۆنێ دا 8 گەریلایان ژییانا خوە ژ دەست دان و یەک ژی دیل ھاتە گرتن. وەها دییارە کو ئەڤ شکەفتە بریارگاھا ئەیالەتا دێرسمێ یە. ژ بەر کو 5 ژ وان کەسێن ژییانا خوە ژ دەست داینە رێڤەبەرێن پایەبلند یێن پەکەکێ نە.

پشتی ئۆپەراسیۆنێ هێزێن ئەولەهییا ترکیێ دیمەنێن شکەفتێ و وێنەیێن کەسێن ھاتینە ژناڤبرن ژی بەلاڤ کرن. هەمان دەم ھات ئیدیعا کرن کو وان شکەفتەکا دی ژی پەیدا کریە و دۆرپێچ کریە دا کو ژناڤ ببەن.

ئەو کەسێن د شکەفتا دێرسمێ دا ژیانا خوە ژ دەست دانە و وەک رێڤەبەرێن ھەرێمێ تێن ناسکرن ناڤێن وان ب ڤی ئاوانە:

  • جیھان سۆیلەمەز ب کۆد ناڤێ “مونزور”.

  • میهریبان ئاتا، ب کۆد ناڤێ “ژیندا ژن”.

  • گوولدانە کارائەر ب کۆد ناڤێ “نودا کارکەر”.

  • هەسرەت ئوولگەر ب کۆد ناڤێ “رۆژین ئادیامان”.

  • چاگلا یەلەسەر ب کۆد ناڤێ “ڤەرۆز”.