تەڤاھیا سازی و دەزگەھێن حکوومەتا ئیراقێ ل دەڤەرا شنگال ژ ئالیێ پەکەکێ ڤە ھاتن گرتن.
چاڤکانیەکێ نێزیک ژ پەکەکێ ل شنگالێ ژبۆ کەنالێ K24 ێ دیار کر، ئیرۆ ب فەرمانا یەبەشێ، کو گرێدایی پەکەکێ یە، تەڤاھیا سازی و دەزگەھێن حکوومەتا ئیراقێ ل دەڤەرا شنگال ھاتن گرتن، تەنێ رێڤەبەریا پۆلیسان مایە.
سەرۆکێ شارەداریا شنگال، جەمیل سڤۆک ژی راگەھاندیە، ئیرۆ دانێ سپیدێ چەکدارێن پەکەکێ ئەم ئاگاھدار کرن کو دڤێت ئاڤاھیا شارەداریێ ڤالا بکەن و دەریێ وێ ژی بگرن.
جەمیل سڤۆک ھەر وھا گۆتیە، نھا کۆمەک چەکدارێن پەکەکێ ل بەر دەری نە دا کو ئەو فەرمان بهێتە جێبەجێکرن.
سەرۆکێ شارەداریا شنگالێ دایە زانین ژی، وان پەیوەندی ب جیگرێ پارێزگارێ نەینەوا سیروان رۆژبەیانی کریە و رەوش ژێ را گۆتیە، وی ژی بەرسڤ دایە و گۆتیە کو ھایا وان ژێ ھەیە و دێ ھێزەکا ئاسایشا نشتمانی یا ئیراقێ بشینن شنگالێ بۆ کۆنترۆلکرنا وێ کریزێ.
