سۆزدار ئاڤێستا، ئهنداما كهجهكێ ئیرۆ ل «ستێرك TV» ئاخڤی و نرخاندن ژ بۆ رهوشا شهنگالێ، هێرشا ل خانهسوورێ كر، وێ تشتهكێ نوو نهگۆت و وهكه ههرجار ژ سلاڤێ ههتا خاترخواستنێ تهنێ هێرشا پهدهكێ كر، وێ گۆت: «مهروان بهدهل ب دهستێ پهدهكێ هاتییه كوشتن»!!
سۆزدار ئاڤێستا، دهولهتا ترك ژ كوشتنا «مهروان» بێ سووچ و بێ گونههـ دیت و سووچ هاڤێت سهر پهدهكێ، ههروهها وێ ئهشكهره بانگا شهرێ ناڤخوه، شهرێ «ئێزدی – ئێزدی» كر و گۆت: «كرمێ دارێ نه ژ دارێ بیت، دار نا رزیت، یێن بهدهل ئێخباركری خائینن دڤێت هوون نههێلن ئهو بژین»، سۆزدارا ئهنداما كهجهكێ ب ڤی ئاوایی موخاتهبا گهلێ شهنگال و خانهسوورێ كر!!.
ئهڤ گۆتنا ئاڤێستایێ، دهێته وێ واتهیێ كو ل رۆژێن پێش مه، رێخستنا پهكهكێ دێ تاوانێن قهتلكرنێ ل ژێر ناڤێ خیانهت و سیخۆریێ ل شهنگالێ و خانهسوورێ ئهنجام دهت.
ل ڤێرێ پێویسته گهلێ ئێزدی ژ ئاڤێستایێ را ببێژیت: «رزیێ دیوان ب فسان گهرم نابیت»، هوون چ دبێژن بێژن، بێگۆمان ئێزدی باش دزانن كێ بهرێ بهدهل دا مرنێ، كێ ئهو ئێخبار كر و كی ل سهر مرنا بهدهل و یێن بهری بهدهل سیاسهتێ دكهت، ژ خوه دهولهتا ترك یا داگیركهر ب خوه و عهینی رۆژ گۆت مه بهدهل ههدهف كر، ئهڤجا چما هوون ڤێ روو رهشییا تركیێ د ڤهشێرن؟!
ما قهی بهدهل ل ههرێمێن پهدهكێ هاتییه ئارمانج گرتن كو هوون ببێژن ئهو ب دهستێ پهدهكێ هاتییه كوشتن؟!، ما قهی بهدهل و پێشهنگێن دن یێن ئێزدی وهكه ههوه ناڤ لێ كری كو بهری بهدهل هاتنه ئارمانج گرتن، مانه ههموو ل ههرێمێن ژێر دهستهلاتا پهكهكێ و یهبهشێ هاتنه ئارمانج گرتن و تهسفییه كرن؟ ئهڤجا وهكه چاڤێ رۆژێ خوهیایه كێ بهدهل ئێخبار كر و كێ بهرێ بهدهل دا مرنێ.
ل داویێ ژی پێویسته ئێزدی ژ سۆزدارێ بپرسن، ئهڤه چ تهسادوفه ههر كهسێ كو پهكهكێ ناڤێ پێشهنگ لێ كری، پاش دهمهكێ كێم ژ هێلا بالهفرێن بێ مرۆڤ یێن تركیێ دبیته ئارمانج؟!، ئهڤه چ تهسادوفه ههموو پێشهنگێن ئێزدی یێن كو پهكهكێ چێكرین، ل ههرێمێن پهكهكێ ب خوه دهێنه تهسفییه كرن؟! لهوما ئاڤێستا راست دبێژیت، ههگهر كرمێ دارێ ژ دارێ نهبیت، دار نا رزیت، ئانكو ههگهر پهكهكه وان ئێخبار نهكهت، ئهڤ پێشهنگ نابنه نێچیرا بالهفرێن بێ مرۆڤ!!