گرتیێ نەخوەش یێ ب ناڤێ عه‌بدولره‌زاق شویور کو به‌ری 28 سالان جەزایێ هەتا هەتایێ بۆ وی هاتبوو ده‌رێخستن، ژ بەر نەخوەشیێ د گرتیگەهێ دا ژیانا خوە ژ دەست دا.
ل گۆر زانیاریێن د مەدیایێن ترکیێ دا هاتنە بەلاڤ کرن، عه‌بدولره‌زاق شویور، خەلکێ پارێزگەها سێرتێ یا باکورێ کوردستانێ یە و د سالا 1993ێ دا ل باژارێ موگلا یێ ترکیێ ب سووچا «ئەندامتیا رێخستنا تەرۆرێ» هاتبوو دەستسەر کرن و جەزایێ هەتا هەتایێ گرتن ژ بۆی هاتبوو ده‌رێخستن.
ل گۆر زانیارییان، شویور پشتی گرتیگەهێن سێرت و دیلۆکێ، ل ڤێ داویێ بۆ گرتیگەها شاکران یا تیپا F یا ئیزمیرێ هاتییە ڤەگوهاستن و بەری 3 مەهان ب نەخوەشیا پەنچەشێرا جه‌گه‌رێ كه‌تبوو.
هەڤسەرۆکا کۆمەلەیا مافێن مرۆڤان تریێ ئەرەن کەسکن دوهی ب شەڤ ل سەر حه‌سابا خوە یا تویته‌رێ راگه‌هاند کو نەخوەشێ گران یێ ب ناڤێ عه‌بدولره‌زاق شویور د گرتیگەهێ دا ژیانا خوە ژ دەست دایە.
