پەکەکە نفشەکێ بێ ئەدەب پەروەردە دکەت

د ناڤا هەموو پارتیێن کوردان دا هندەک کەس هەنە کو دبیت پیچەکێ بێ ئەدەب بن، هیچ حیزبەکا کوردی ژ ڤێ یەکێ بێ پار نینە، ئاستا هەبوونا کەسێن بێ ئەدەب د پارتیەکێ دا بۆ پارتیەکا دی جودایە، دبیت هندەک کەسێن بێئەدەب د ناڤا پارتیەکێ دا هەبن لێ سووچا پارتیێ ب خوە د بێئەدەبیا وان ئالیگرێن وێ دا نەبیت، ئانکو ئەو لایەنگر ب فیترەتا خوە ووسانە، لێ د ناڤا پەکەکێ دا ئەڤ چەندە جودایە، هەموو کەسێن د ناڤا پەکەکێ دا بێ ئەدەب ژ لایێ پەکەکێ ب خوە ڤە ل سەر بێ ئەدەبیێ هاتینە پەروەردەکرن.

پەکەکە نە ب تەنێ جوانێن کورد بەلکو جوانێن عەرەب ژی ل دژی کورد و کوردستانێ فێری بێ ئەدەبیێ، فێری کەرب و کین و دژاتیا پیرۆزیێن کوردان دکەت، هەر تشتەکێ لە جەم وان بێ بوها دکەت، وان ووسا پەروەردە دکەت کو ژ بلی پەکەکێ و شەخسێ ئۆجالان هیچ تشتەک دی پیرۆز نینە، وان ووسا پەروەردە دکەت کو خەبەران ب خوەدێ و پێغەمبەران ژی بدەن، خەبەران ب سەرۆک و سەرکردەیێن کورد و کەسێن ولاتاپارێز، ب ئالا و دەولەتبوونا کوردان بدەن، ل همبەری ڤێ ژی ئۆجالان وەکە خوەداوەندەکێ ب وان ددەنە ناساندن، و ووسا ب وان ددەنە نیشاندان کو گەر ئۆجالان نەبیت دێ تەڤ جیهان تێک چیت، ئازادی و دیمۆکراسیا ل جیهانێ دا هەییی ب نەمانا ئاپۆ دێ ژناڤ چیت، پەکەکە هەول ددەت ئاپۆ وەکە خوەداوەندەکێ گریکی ب نفشێ نوو بدەتە قەبوولکرن.

گەر هوون ل وان سازیێن مەدیایی یین کو راستیا پەکەکێ ئیفشا دکەن بنێرن، دێ هەر تشت ژ بۆی وە خوەیا بیت، دێ هوون زانن ئەم چما ڤێ یەکێ دبێژین، ل سەر هەموو نڤیساندنێن ل سەر پەکەکێ هاتینە نڤیساندن دێ چەندین ئالیگرێن بێ ئەدەب یێن پەکەکێ بینی کو خەبەران ب نڤیسەر و برێڤەبەرێن وێ رووپەلێ یان کەنالی ددەن، ئەڤ چەندە د سۆسیال مەدیایێ دا ب تایبەتی گەلەک دهێتە دیتن. لایەنگرێن پەکەکێ وەکە لایەنگرێن هیچ حیزبەکا دی نینن، بێ ئەدەبیا ئەو دکەن، لایەنگرێن هیچ حیزبەکا دی ل همبەر کورد و کوردستانێ و سەرۆک و سەرکردەیێن کوردا ناکەن، ژ بەر کو ئەو ب ئاوایەکێ سیستەماتیک ل سەر خەبەر گۆتنێ و بێ ئەدەبیێ هاتنە پەروەردەکرن، ئەو مینا تووتیان لێهاتنە، هەر پەیڤ و ئاخافتنەکا بۆ وان هاتبیتە گۆتن، د بیردانکا وان دا جیهـ گرتیە و بێی هیچ کێماسیەک دوبارە دکەن.

پەکەکێ لایەنگرێن خوە ووسا پەروەردە کرینە کو هەر کەسێ نە لایەنگرێ پەکەکێ بیت خائین، سیخور و کرێگرتیێ دەولەتێن داگیرکارە، ووسا ب وان ددەتە زانین کو ب تەنێ ئاخافتن، گۆتن و کریارێن پەکەکێ ورێبەرێ وێ یێ زیندانکری راستن، ئەو رێبەرێ کو داخوازا لێبۆرینێ ژ داییکێن ترک کری، ئەو رێبەرێ کو دەما هاتیە گرتن گۆتی، داییکا من ژی ترکە، ئەز ژ بۆی خزمەتا ترکیێ ئامادە مە، دڤێت پەرلەمانێ باشوورێ کوردستانێ بهێتە خەرابکرن، دێ هەرێما کوردستانێ بیتە ئیسرائیلا دویەمین و…هتد.

د ڤێ ڤیدیۆیا کو ئەم دێ ل خوارێ نیشانی وە دەین دا دێ دو ئاخافتنێن مە هێنە ئیسباتکرن، یا یەکەمین ئەڤەیە کو وەکە مە پێش نها راگهاندی، 98% ژ وان چەتەیێن “جوانێن شۆرەشگەر” یێن کو پەکەکێ شاندین دەریێ سینۆری یێ سێمالکا جوانێن عەرەب بوونە، یا دویەمین ژی ئەڤەیە کو پەکەکە نفشەک بێ ئەدەب و دوور ژ چاندا کوردی پەروەردە دکەت.