ماھر حەسەن
د دەما ھەیی دا، پیدڤی ناکە کو مرۆڤ ئەوقاس ھەولدانا بکە ھەیا دو رێخستنێن نیزیکی هەڤ د بەربەریاتیێ و ھەولدانا چەوساندن و ترساندنێ و چاڤنەباریێ دا ژ ھەڤ جودا بکە. بنپێکرنێن بەردەوام یێن کو ناڤێ ھەر یەک ژ وان ل سەر ئەردی دیار دکە، گەلەک پرسێن کو تێن بیرا مرۆڤ ل سەر ڤان ھەردو رێخستنان (داعش، جوانێن ئاپۆچی یێن ب ناڤێ شۆرەشگەر) بەر ب یەک ئارمانجێ ڤە دبە، ئەو ژی ھلوەشاندنا دەستکەفتێن کوردی و ھەولدانا ھەرڤاندنا نەتەوا مە ب رامانا گولـلەبارانکرنا ل دژی کوردان و ئەڤ ژی ب ئینکارکرنا ھەموو بنپێکرنان و سەختەکرنا راستیێ ب دەرەوان، ب زکرەشی یان ژی چاڤسۆریا ژ کوردان دھلینن.
لێ تەڤگەرا جوانێن عەبدولا (جوانێن شۆرەشگەریێن عەبدولا ئۆجەلان) ژ ھەر تشتی مەترسیدارترە، ھندەک ژ ملەتێ مە هێژان باوەریا خوە ب پەکەکێ دئینن، و هێژان ژی ژ کۆنسەیا پەکەکێ لاڤا دکن کو ئەو دکارن چارەنووسا وان بگوھەرن. تێ زانین کو تەڤگەرا پەکەکێ ژ دەما دەرکەتنا ھۆلێ ھەتا ئیرۆ، خوە دسپێریت ئافراندنا فەرھەنگ و ڤەگۆتنێن دووری راستیێ و ھەر وەھا نە زەلالیا دیتنێ د دەربارێ کوردان دا. کەچ و خۆرتێن کورد ب ڤێ سیاسەت و کڕووبڕا ھۆڤانە و تشتێن وێ یێن خەراب ھاتنە خاپاندن.
د ڤێ دەما تایبەت دا، کو ھەرێما کوردستانا ئیراقێ پێویستی ب ھەولا ھەموو ھێزێن سیاسی و پێشخستنا مەکانیزمێن کاری ھەیە، ژ بۆ کو ھەموو کەس د چارچۆڤا دۆزا کورد دا کۆم ببن، داکو بکاریت خوە ژ ھەموو فشارێن ب مەبەست و ژ قەستی یێن ناڤچەیێ رزگار بکە. رێخستنا پەکەکێ ھێزا خوە بکار تینیت دا کو سنۆرێن د ناڤبەرا ھەرێما کوردستانا ئیراقێ و کوردستانا سووریێ دا گرتی بھێلیت، و گرانیێ بدەتە سەر چێکرنا ناکۆکیان د ناڤ وێ دا و ب پارە، بیر و پلانێن ئاژانسێن د ھوندرێ ھەرێما کوردستانێ دا بدەتە بھێز کرن ژ بۆ لاوازکرنا ھەر مەیلەکا کو دبیتە ئارمانجا رزگارکرنا کوردستانێ. ژ ئالیەکی دی ڤە دا کو ھەرێما کوردستانێ بکەڤیتە دەستێ حکوومەتا ناڤەندی و ژ ئالیەک دی ڤە زێدەکرنا گۆتارا مەدیایی و سیاسی و دەرەوان چێدکەت و ھەموو ئالیان ب خیانەتێ تۆھمەتبار دکەت و کۆمەک ھۆڤانە (ژ جوانن شۆرەشگەر) دشینیت سەر سنۆرێ ھەرێما کوردستانێ ب ئارمانجا تەڤلھەڤیا و ل سەر کارێن تایبەتی ژ شەوتاندن، ئێریشکرن و چاندنا خەیالان د ھشێن مرۆڤان دا ڤان جوانان کەدی دکە.
کورتیا کێرھاتی ئەوە کو مرۆڤ ببێژیت کو ئێدی کۆلەتیێ بەسە بۆ ئەندامێن پەکەکێ و ھەڤالبەندێن وێ، ب تایبەتی پێخواسێن وان یێن ل کوردستانا سووریێ، کو ل سەر مال و ملکێن ھەژار و بەلەنگازان دژین و ب تالان و دەرەوان دۆزا ملەتێ مە دکن.
