رێخستنا په‌كه‌كێ ئیرۆ وێنه‌یێن 5 زارۆكێن كوردان به‌لاڤ كرن كو ل سالا 2016ێ ل خاكوركێ ب ده‌ستێ عه‌سكه‌رێ ترك داینه كوشتن و ژ نوو ڤه مرنا وان راگه‌هاندییه.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا پێنجشه‌مبی 13-1-2022ێ داخویانی دا و تێدا ناسنامه‌یا 5 زارۆكان به‌لاڤ كرییه كو ل خاكوركێ ل باشوورێ كوردستانێ ب ده‌ستێ عه‌سكه‌رێ ترك هاتنه كوشتن.
ناڤێ ڤان زارۆكان وه‌هایه:
له‌یلا ئورون، ڤاهیەتتین گولیچیمەن، ئادەم بوورانکاز، چەتین ئەبەم، ئیشاک ساین.
هه‌په‌گێ وه‌كه هه‌ر جار، تام ئاگاهی ل ده‌ربارێ ڤان 5 زارۆكان دانه، لێ به‌لێ چ ئاماژه ب ته‌مه‌نا وان نه‌كر، ژ بۆ كو تاوانا ره‌ڤاندنا زارۆكان ل سه‌ر وێ ته‌سبیت نه‌بیت.
رێخستنا په‌كه‌كێ ژ بۆ چێكرنا شه‌رڤانان پشتبه‌ستنێ ل سه‌ر ره‌ڤاندنا زارۆكێن كوردان ژ هه‌ر چار په‌رچه‌یێن كوردستانێ دكه‌ت، ئه‌ڤ یێك ژ هێلا رێخستنێن ناڤنه‌ته‌وه‌یی و یێن پاراستنا مافێن زارۆكان ڤه هاتییه ته‌سبیت كرن.
د سالا رابووری دا، رێخستنا په‌كه‌كێ ب سه‌دان زارۆك د به‌رخوه‌دانا خوه یا ساخته دا دانه كوشتن، وه‌ختا شه‌هاده‌تا وان ژی رادگه‌هینیت، ب رووقایمی دهێت و دبێژیت: ئه‌و ملیتانێن ئاپۆ بوون، وان دخواست ئازاداییا فیزیكی یا ئاپۆ مسۆگه‌ر بكه‌ن.
