كێ ده‌رێ زیندانا حه‌سه‌كێ ڤه‌كر و دێ به‌رێ ته‌رۆریستان ده‌نه‌ كوده‌رێ؟

hasaka-isis-iran-pkk-iraq-kurdistan

3 رۆژن شه‌ر ل زیندانا «صناعه‌»‌ یا حه‌سه‌كێ كو مه‌زنترین زیندانا ته‌رۆریستێن داعشێ یه‌ ل سووریێ به‌رده‌وامه‌، ب سه‌دان ته‌رۆریست ره‌ڤینه‌ و هێژان نه‌هاتنه‌ ده‌سته‌سه‌ر كرن.

هه‌موه‌ختا به‌رده‌وامبوونا شه‌ری ل زیندانێ، گه‌لێ كورد ب تا‌یبه‌ت ل رۆژئاڤا و باشوورێ كوردستانێ ل به‌رسڤێن ڤان پرسان دگه‌ریت:

  • كێ ده‌رێ زیندانێ ڤه‌كر؟

  • بۆچی د ڤی ده‌می دا‌ ڤه‌كر؟

  • ئازادكرنا ته‌رۆریستان په‌یوه‌ندی ب ئه‌جێندایێن كیژان ده‌وله‌تا ئیقلیمی ڤه‌ هه‌یه‌؟

پرسا گه‌وهه‌ری ژی ئه‌ڤه‌یه‌‌:

دێ به‌رێ ته‌رۆریستان ده‌نه‌ كوده‌رێ؟

زیندانا سیناعه‌ چی یه‌؟

زێندانا «سیناعه‌» دكه‌ڤیته‌ تاخا گوێران ل باژارێ حه‌سه‌كێ، مه‌زنترین زیندانا ته‌رۆریستێن داعشێ یه‌ ل سووریێ، ب كێمی 5 هەزار ته‌رۆریست تێدا نه، ئه‌ڤ زیندانه‌ وه‌ك‌ بۆمبه‌كا وه‌ختكرییه‌، كه‌نگی بهێته‌ خواستن دێ هێته‌ ته‌قاندن.

به‌شا لێكۆلینێ یا پێگه‌ها «داركا مازی» ئاگاهیێن تایبه‌ت ل ده‌ربارێ زیندانا «سیناعه‌» ب ده‌ست ئێخستنه‌، ئه‌ڤ ئاگاهی به‌رسڤا وان پرسان دده‌ن‌ یێن كو ل ده‌ڤ خه‌لكی بێ به‌رسڤ ماینه‌.

ڤه‌كرنا ده‌رێ زیندانێ ئۆپه‌راسیۆنه‌كا‌ ئیستخباراتی بوو ‌

پاش شكه‌ستنا بلۆكا «هێزێن شیعه‌ یێن گرێدای ئیرانێ» د هلبژارتنێن ئیراقێ دا، ژ بۆ ئاسته‌نگكرنا ئاڤاكرنا حكوومه‌تا ئیراقێ، ته‌هران كه‌ته‌ د ناڤا هه‌ولێن مه‌زن دا‌، شكه‌ستنێن «بلۆكا نێزیكی ئیرانێ» د چێكرنا هه‌ڤپه‌یمانییان دا ‌ژ بۆ كو به‌شداری حكوومه‌تا نوو ببن، رێ ژ بۆ پلان B ڤه‌كر، پلان B ئانكو «هشیار كرنا ته‌رۆریستێن ل حه‌سه‌كێ نڤستی»!!.

دگه‌ل نێزیكبوونا ده‌ما ئاڤاكرنا حكوومه‌تێ و خوه‌یابوونا نه‌خشه‌رێ و ناسنامه‌یا حكوومه‌تا 4 سالێن پێش مه‌، یا كو دێ ژ هێلا بلۆكا «شیعی – سونی – كوردی» ڤه‌ هێته‌ برێڤه‌برن، ئیرانێ فه‌رمان ل «به‌ره‌یا مقاوه‌مێ» ل شه‌نگالێ و رۆژئاڤا كوردستانێ كر كو بانگا ته‌رۆریستێن نڤستی بكه‌ن و بێژنێ ئێدی نه‌ما هوون نڤستی بمینن.

هه‌ر كه‌س دزانیت‌ كو په‌كه‌كێ په‌یوه‌ندیێن ستراتیژی ل گه‌ل ئیرانێ هه‌نه‌ و ل سه‌ر ڤی بنگه‌هی ئیرانێ په‌كه‌كه‌ كرییه‌ د «به‌ره‌یا مقاوه‌مێ» دا و ل شه‌نگالێ په‌كه‌كه‌ ئه‌جێندایێن ئیرانێ بجهـ دئینیت.

په‌كه‌كێ فه‌رمانا ئیرانێ وه‌رگرت و هه‌ر د زوو دا‌ هێزا خوه‌ یا ل رۆژئاڤا ئه‌ركدار كر و رێ ژ بۆ ره‌ڤا زیندانا «سیناعه‌»‌ چێكر، زیندانا «سیناعه‌» ل ناڤچه‌یه‌كا ژێر ده‌ستهلاتا هه‌سه‌دێ و په‌كه‌كێ یه‌.

ب گۆتنه‌كا‌ دی، د مژارا ره‌ڤا ته‌رۆریستان دا‌، په‌كه‌كێ رۆلا سه‌ربازێ گوهدار گێرایه‌.

ته‌رۆریست دێ ب كوده‌رێ دا چن؟

هه‌گه‌ر مرۆڤ ب كورتی ل بوویه‌رێن دو مه‌هێن رابووری ل شه‌نگالێ و خه‌تا ناڤچه‌یێن كوردستانی بنێریت، دێ ب باشی خوه‌یا بیت كو ته‌رۆریستان پڕ جاران هێرش برن سه‌ر هێزا پێشمه‌رگه‌هان و ئارتێشا ئیراقێ و زیان ب هه‌ردو هێزان گه‌هاندن، ئیران ب هاریكارییا په‌كه‌كێ دخوازیت ته‌رۆریستێن حه‌سه‌كێ ده‌رباسی دۆربه‌را شه‌نگالێ، چیایێ قه‌ره‌چووغ بكه‌ت و ژ وێرێ ل ناڤچه‌یێن كوردستانی یێن نێڤبه‌را باشوورێ كوردستانێ و ئیراقێ به‌لاڤه‌ بكه‌ت‌.

ئیران دخوازیت ب ڤێ رێكێ هه‌م زه‌ختێ ل سه‌ر بلۆكا هێزێن نه‌گرێدای خوه‌ چێبكه‌ت، هه‌م ژی هه‌ولێن ئاڤاكرنا حكوومه‌تا نوو ئاسته‌نگ بكه‌ت، ئه‌ڤه‌ ژ بۆ ئیرانێ، لێبه‌لێ په‌كه‌كه‌ ژی دێ سۆدێ ژ ڤه‌گه‌را ته‌رۆریستان بۆ شه‌نگالێ بینیت‌، ژ به‌ر كو دێ به‌ره‌یه‌كێ دی یێ شه‌ر چێبیت و زه‌ختا ئارتێشا ئیراقێ یا ل سه‌ر په‌كه‌كێ ل شه‌نگالێ و چیایێ قه‌ره‌چووخ دێ كێم بیت و هه‌ر كه‌س دزانیت‌ كو ل چیایێ ناڤبووری باره‌گه‌هێن په‌كه‌كێ و نوقته‌یێن ته‌رۆریستان ل كێله‌كا هه‌ڤن.

كۆمارا ئیسلامی دخوازیت‌ ب ڤه‌كرنا ده‌ریێ زیندانا حه‌سه‌كێ و ڤه‌گوها‌ستنا ته‌رۆریستان بۆ خه‌تا نێڤبه‌را باشوورێ كوردستانێ و ئیراقێ، زه‌ختێ ل سه‌ر هێزا پێشمه‌رگه‌هان و هێزێن شیعی و سونی یێن كو دێ حكوومه‌تا نوو ئاڤا كه‌ن، چێبكه‌ت‌، دخوازیت ڤێ ئه‌زموونێ ئاسته‌نگ بكه‌ت، هێرشا سه‌ر باره‌گه‌ها په‌ده‌كێ یا ل به‌غدایێ، ئۆفیسا جێگرێ دوویه‌مین یێن سه‌رۆكێ پارلمه‌نتۆیا ئیراقێ ل كه‌ركووكێ، هێرشێن ل سه‌ر سه‌ركرده‌یێن سونی ژی به‌شه‌كا پلانێن ئیرانێ یێن ئاسته‌نگكرنا ئاڤاكرنا حكوومه‌تێ بوون كو ژ به‌را ڤه‌كرنا ده‌ریێ زیندانێ هاتن ژیان كرن.

پوستێن ھەمان بەش