ئۆفیسا سەرۆک بارزانی ب داخویانیەکێ راگھاند؛ ئیرۆ ب رێیا تەلەفۆنێ سەرۆک مەسعوود بارزانی و رێبەرێ تەڤگەرا سەدر موقتەدا سەدر رەوشا سیاسی یا ئیراقێ گۆتووبێژ کرن و ل سەر گرینگیا جڤینا ئالیێن ھەڤپەیمانیا سێ قولی ل ھەڤ کرن.
د داخویانیێ دا ھات راگھاندن کو ئیرۆ پێنچشەمێ 17ێ شوباتا 2022 سەرۆک مەسعوود بارزانی و سەرۆکێ تەڤگەرا سەدر موقتەدا سەدر ب رێیا تەلەفۆنێ پرۆسەیا سیاسییا ئیراقێ نرخاندن.
ھەر د ڤێ پەیوەندیا تەلەفۆنیێ دا بەحسا لبەرگرتنا پەنگاڤێن پێویست و ھەماھەنگیا ل ھەلوەستێن ھەڤپەیمانیا ستراتەژیا سێ ئالی یا د قۆناغا نھا دا کرن، ئەو ژی ب ناڤێ گەھشتنا ب پێکانینا حکوومەتا زۆرینەیا نیشتمانی.
د ڤێ پەیوەندیا تەلەفۆنیێ دا ھەر دو ئالی ل سەر پێویستیا جڤینا ھێزێن پێکھێنەرێن ھەڤپەیمانیا سێ قولی د رۆژێن پاشەرۆژێ دا ل ھەڤ کرن.
