راستیا گرەڤا برچیبوونێ یا مەزلووم داغ و رەمەزان ئەر
چاپەمەنیا پەکەکێ ھەری داوی راگھاند مەزلووم داغ و رەمەزان ئەر کو د 17ێ تیرمەھا 2019ێ دا ل ھەولێرێ ل خوارنگەھا هۆقەباز دا 3 دیپلۆماتکارێن ترکیێ کوشتبوون دەما 8 رۆژانە د گرەڤا برچیبوونێ دا نە. چاپەمەنیا پەکەکێ ژ بۆ کو بوویەرێ تراژدی بکەت چیرۆکێن ب کەیفا دلێ خوە چێکرن و راگهاند دادگەھا پەدەکێ ژ بەر کوشتنا سێ سیخورێن میتێ سزایێ سێدارەدانێ بۆ وان دو کەسان دەرکریە.
رۆژا 21ێ شوباتێ د وەشانا پەکەکێ یا ل سلێمانیێ ROJ NEWS دا هاتە ئیدیعا کرن کو رەوشا تەندروستیا مازلووم داغ و رەمەزان ئەر نەباشە و ھەتتا ئیدیعا کربوو کو خوین ژ دەڤێ وان ڤەرشیایە. د ھەمان دەمێ دا رۆژنامەیا پەکەکێ یا ب ناڤێ ANFێ، نووچەیەک ل سەرناڤێ «داخوازێن داغ و ئەر ھاتن قەبوولکرن، داوی ل گرەڤا برچیبوونێ ئانین»، پارڤە کر.
گرەڤا برچیبوونێ کو د 13ێ شوباتێ دا دەست پێ کربوو، د 20ێ شوباتێ دا ب داوی بوو. چاپەمەنیا پەکەکێ د ناڤا ڤان 7 رۆژان دا ب ھەموو ھێزا خوە ئەڤ بوویەرە مانیپولە کر و ھندەک ھەساسیەتێن گەلێ کورد ب کار ئانین. ب بەردەوامی راگهاند کو کەسێ د خوارنگەھا هۆقەباز دا ھاتیە کوشتن ئەندامێ میتێ یە و ھتد. ئیفادە ھاتن بکارئانین. ب راستی ژی د رۆژا بوویەرێ دا 3 کەس ھاتن کوشتن. داغ و ئەر وەک بکوژێن ڤان سێ کەسان هاتنە دەستەسەرکرن، ھاتن دادگەهکرن و سزایێ سێدارەدانێ بۆ وان هاتە دەرکرن. داغ و ئەر ل خوە مکور ھاتن کو چاوا بوویەر ئەنجام دایە.
مافناس و چاڤدێرێن سیاسی یێن ل ھەرێمێ دیار دکەن کو پەکەکە ب خستنا داغ و ئەر د رۆژەڤێ دا ل دژی ڤان ھەر دو کەسان کار دکەن. مەدیایا پەکەکێ ڤان ھەر دو کەسان سالێ چەند جاران تینە رۆژەڤێ و وەک بابەتێ پرۆپاگاندایێ ب کار تینن. ژ بەر کو ب یاسایێ دڤێت ئەڤ ھەر دو کەس بێنە ڤەگوهاستن بۆ ترکیەیێ یان ژی بریارا سێدارەدانێ یا د دەر بارێ وان دا بهێتە جێبەجێکرن.
ترکیێ د دەستپێکا چالاکیێ دا دەست ب ئینسیاتیفەکا مەزن کر کو ئەڤ ھەر دو کەسە رادەستی وان بێن کرن. بالیۆزێ ترکیێ یێ ل بەغدایێ رۆژا 11ێ ئیلۆنا 2019ێ ب فەرمی داخواز ژ سەرۆکوەزیرێ ئیراقێ عادل عەبدولمەھدی کر کو «داغ و ئەر» رادەستی ترکیێ بهێن کرن. داخوازا کو ژ بۆ ھەرێما کوردستانێ ھاتیە شاندن ژ ئالیێ حکوومەتا باشوور ڤە نەهاتە قەبوولکرن. پشت را ترکیێ گەلەک ھەول دا کو ڤان ھەر دو کەسان رادەست بکەت. لێ بەلێ ئەڤ کەسە نەھاتنە رادەستکرن.
چاڤکانیێن «دارکا مازی» راگھاندن کو گۆتنا بەرپرسێ گرتیگەھێ یا د مەدیایا پەکەکع دە هاتیە ڤەگەراندن کو تێدە دهێتە ئیدیعا کرن وی گۆتیە، “ئەم دێ تۆلا کوشتنا ئەندامێ میتعێ عۆسمان کۆسە ژ هەوە ڤەکەین” نە راستە. رایەدارێ ئاسایشێ گۆتیە، “د زیندانێ دا ئەندامێن داعشێ ھەنە کو ب دەھان پێشمەرگە شەھید کرنە، لێ چ تۆلهلدان ل همبەری وان نایێ کرن، کارێ مە نە دادگەهکرن و سزادانە. کەسێن بەرێ ھاتنە دادگەهکرن و سزایێ وان ھاتیە دیارکرن تێن جەم مە. ژ کەسەکێ کو بریارا سێدارەدانا وی هاتیە دەرکرن دێ چ تۆل هێتە ڤەکرن؟”
د یاسایا سزایێن ئیراق و ھەرێما کوردستانێ دا سزایێ سێدارەدانێ ھەیە. سزایێ سێدارەدانێ ژ بۆ کوشتن، ئیستسمارا زارۆکان و ھتد دهێتە دایین. ئەڤ سزا د دەمەکێ کورت دا بێی درەنگ تێنە جێبەجێکرن. سزایێ «مەزلووم داغ و رەمەزان ئەر» ھەتا نھا نەھاتنە بجھانین. کەسێن کو ھەرێمێ ناس دکەن، دبێژن کو سەدەما جێبەجێنەکرنا سزایێ ڤان دو کەسان نێزیکاتیا ھەستیارا ھەرێما کوردستانێ یە و دڤێت پەکەکە ب دیتنا ڤێ نێزیکاتیێ دەست ژ ڤێ بوویەرێ بەردەت و بوویەرێ نەکەتە بابەتێ پرۆپاگاندایێ.
ژ بۆ خواندنا گۆتارا کو بەرێ ل سەر ڤێ مژارێ ل سەر مالپەرا مە ھاتیە نڤیساندن ڤی لینکی کلیک بکە: https://darkamazi.net/archives/1018191
