«قهی ما باشتر نابیت ههگهر پهكهكه شهنگالێ ژی ژ بۆ خودانێن وێ ڤهگهرینیت و شهنگالییان ب دهست ههڤ نهدهته كوشتن؟ بۆچی پهكهكه ل شهنگالێ مایه ل دهمهكی كاندیدێ وان د هلبژارتنا ئۆكتۆبهرا 2021ێ دا كو ب ههڤبهشی ل گهل حهشدا شهعبی بهشدار ببوو، نهشیا 600 دهنگان ژی ب دهست بێخیت»؟.
حامید گهوههری ههروهها ل دهربارێ رۆژئاڤا وهلات دبێژیت: «چاوا چێدبیت پهكهكه دهستوورێ بدهته ئارتێشا تركیێ ل سهر خاكا رۆژئاڤا كوردستانێ بهلاڤ ببیت و ههموهخت رێ ژ بۆی ئارتێشا سووریێ چێبكهت كو ل قامشلۆ و حهسهكێ بارهگههان ژ بۆ خوه چێبكهن، لێ بهلێ دهستوورێ نادهته پێشمهرگهی ل باشوورێ كوردستانێ پلانێن خوه یێن سهربازی جی ب جی بكهت»؟
هوون چاوا ژ ڤێ فهلسهفێ فێم دكهن؟
پرسا سهرهكی ل گۆری حامید گهوههری ئهڤهیه: «بۆچی هندهك كورد ب ناڤێ كوردایهتیێ پشتگریێ ددهنه ڤان پیلانێن پهكهكێ و چاڤێ خوه ل راستیێ و بهرژهوهندیێن نهتهوهیی دگرن؟ ههروهها هاندانا پهكهكێ دكهن كو پرسگرێكان ل باشوورێ كوردستانێ كووتر لێ بكهت»؟.
ل داویێ ژی حامید گهوههری گۆتییه: «پهكهكێ باكورێ كوردستانێ ئێخسته ژێر دهستێ دژمن و رۆژئاڤا ژی ب وی دهردی بر، ما دبیت كو ههژمارهك ژ كوردێن رۆژهلات و باشوور ژ ڤان راستییان بێ خهبهر بن»؟
