چاپەمەنییا په‌كه‌كێ، هەول ددەت هێرشا ئیرانێ یا كو ب مووشەکێن بالیستی ل سەر هەولێرێ كری رەوا بکەت، زێده‌باری قەلەمشۆرێن مەدیایا جڤاکی، په‌كه‌كه د مەدیایا خوە یا فەرمی ژی دا هەولدانەکا مەزن ژ بۆ رەواکرنا هێرشا ئیرانێ ئه‌نجام دده‌ت.
ژ بەر کو په‌كه‌كە كارڤه‌دانێن خه‌لكێ باشوورێ کوردستانێ باش دزانیت، ئه‌و هەول ددەت کوردێن پارچەیێن دی ژی رازی بكه‌ت کو مافێ ئیران بوو هێرشا هەولێرێ کری، د ڤێ دەربارێ دا ئیرۆ د رۆژنامەیا «خوەبوون» یا په‌كه‌كێ دا گۆتارەک هاته وەشاندن.
د داخویانیا «نیاز حەمید» یا د رۆژنامەیا خوەبوون دا، پەیڤێن داخویانیێ بۆن جهێ كارڤه‌دانا کوردان
نیاز حه‌مید د داخویانیبا خوە دا گۆت: «د کۆربەندا ئانتالیایێ دا کو سەرۆکێ هەرێما کوردستانێ نێچیرڤان بارزانی ژی تێدا بەشدار ببوو، ئەردۆگان دەربارێ هەولێرێ دا بریار دا، ل گۆر ڤێ بریارێ «هەولێر دێ بیته ناڤەندا مۆسادێ».
داخویانیا نیاز حه‌مید وه‌هایە: «د ڤێ جڤینێ دا رێككه‌فتن هاته كرن کو باژارێ هەولێرێ ببیته ناڤەندا مۆسادا ئسرائیلێ، خه‌لكێ ئیرانێ و خه‌لكێ باشوورێ کوردستانێ وەک ئاژانێن مۆسادێ ل دژی کۆمارا ئیرانێ بهێنه ب کار ئینان، ژ ئه‌نجاما ڤێ رێككه‌فتنێ باژارێ هەولێرێ دێ بیته ناڤەندا شەرێ د ناڤبەرا ئیسرائیل و ئیرانێ دا، ئەڤه ژی دێ كارتێكرنێ ل گەلێن ده‌ڤه‌رێ كه‌ت، مە ئەڤ یەک دیت دەما کو ئیرانێ بارەگەهێن ڤەشارتی یێن مۆسادێ ل هەولێرێ وەک کو ئیرانێ دگۆت، تۆپباران کرین».
ل گۆری نیاز حه‌مید، ئیرانێ زوو ب ڤان ئاگاهییان زانییه و د دو رۆژان دا ل ڤان بارەگەهان دایه.
نیاز حه‌مید چاوا ئەڤ ئاگاهییه ب ده‌ست ئێخستن؟
نیاز حه‌مید ناڤەکه کو د مەدیایا په‌كه‌كێ دا گه‌له‌ك دهێته دیتن، خەلکێ سلێمانیێ پاشەرۆژا نیاز حه‌میدی باش دزانن، بێی کو ئەڤ کەسه كاره‌كی ژی بكه‌ت، لێ ئه‌و گه‌له‌ك ده‌وله‌مه‌نده، نیاز حه‌مید ژ ئالیێ خه‌لكێ سلێمانیێ ڤە وەکە سیخوورێ ئیرانێ دهێته ناس كرن، ب راستی ژی هندەک رەوشەنبیرێن سلێمانیێ کو مە نه‌رینا وان ژ بۆ نڤیساندنا ڤان رێزان وه‌رگرت، حه‌نه‌ك کرن و گۆتن: «نیازی ئەڤ ئاگاهییێن ناڤدەولەتی روونشتی ل قەهوەخانەیا ناڵی بهیستینه»!!.
نیاز حه‌مید کو ب سالانە ب بێدەنگی کارێ سیخۆریێ دکر، د شەرێ داعشێ دا ئەڤه کەس هاتە پێش، ب تایبەتی د چاپەمەنییا په‌كه‌كێ د، نیازێ کو چ سیفه‌ت نینن، په‌كه‌كێ ئه‌و وەک پسپۆرێ رۆژهلاتا ناڤین، نڤیسکار و چاڤدێرێ سیاسی پێشکێشی رایا گشتی کر.
ئەڤ زه‌لامێ بێ سیفات تەنێ دشێت گۆتگۆتکێن قەهوەخانێ ڤه‌گێریت، ژ بەر ڤێ یەکێ شرۆڤەیا حه‌مید بەریا هەر تشته‌كی نیشاندده‌ت کو تشتێن دهێنه گۆتن سیناریۆیەکا بێ بنگه‌هه، لێ ژ ئالیێ دی ڤە ئه‌ڤ شرۆڤه ئاشکەرا دکەن کو نیاز حه‌مید ل دژی کوردستانێ یە و ژ بۆ ئیرانێ کار دکەت.
نیاز حه‌مید بەریا نها ژی داخویانیێن وه‌ها بەلاڤ کربوون، ب تایبەتی مژارا زینێ وەرتێ دا كو دخواست ژ ئالیێ په‌كه‌كێ ڤە بهێته داگیر کرن، وی ل سەر مەدیایا جڤاکی هەولدانەکا مەزن دا کو زینێ وەرتێ یا كو ژ بۆ ئیرانێ گرنگیەکا لەشکەری هه‌یه، ژ بۆ په‌كه‌كێ بمینیت.
ب راستی ئەم دزانین نیاز حه‌مید کەسەکه ئیرانێ ب دیاری دایە په‌كه‌كێ و نە کەسەکێ گرنگە، هەتا تێ گۆتن کو «كتك پچووکە، لێ دلێ مرۆڤی ژێ رادبیت» نیاز حه‌مید ژی تام وه‌هایه، ئەو بچووکە، گۆتنێن وی ژی پووچن، لێ دیسا ژی دلێ مرۆڤی رادکەت، وی ژی ب ڤان گۆتن و هەولێن خوە پەسەند کر کو ئەو جەحشێ ئیرانێ یە.
پرسگرێكا دی ژی ئەوە، مەدیایا په‌كه‌كێ یا كو ژ بۆ رەواکرنا هێرشا ئیرانێ تەڤدگەرە و نووچەیێن خایین به‌لاڤ دكه‌ت، ب ڤی ئاوایی هات دیتن كو رۆژنامەیا ژێرا دبێژن «خوەبوون»، ئانكو «ب سەرێ خوە بوون» نه خوەبوونە، به‌لكو کنجرا ئیرانێ یە، ژ نها و پێڤە ئەم دێ د هەموو مەدیایا په‌كه‌كێ دا نووچەیێن ب ڤی رەنگی ببینین.
په‌كه‌كە رێهه‌ڤالێ ئیرانێ یێ ستراتەژیکە، له‌وما ژی ئیرانێ ئەو ئەرکدار کرییە، ئەرکا په‌كه‌كێ هێرشێن ئیرانێ یێن ل سەر کورد و کوردستانێ رەوا کرنە، ژ بۆ ڤێ ژی چاپەمەنییا په‌كه‌كێ ئەڤ دەمەکێ درێژە زه‌ندێن خوە هلدانە، مەدیایا په‌كه‌كێ ئەڤ دەمەکێ درێژە ل سەر مێزێ ئانالیزان دکەت کو ل ئیراقێ حکوومەتا «سه‌دری-کوردی-سوننی» نەهێته ئاڤاکرن، چ هێرشێن ل سەر هەرێما کوردستانێ ناکەته رۆژەڤ، ب راستی نە په‌كه‌كە و نه ژی رێخستنێن وێ یێن وەک هه‌ده‌پێ هێرشا ئیرانێ یا ل سه‌ر هەولێرێ کو سڤیل کربوون هەدەف، ب سەردەڤکی ژی شەرمەزار نەکر، چاپەمەنییا په‌كه‌كێ ب وەشانا خوە هەول دا مژارێ وەک خوەپاراستنا ئیرانێ نیشان بدەت.
د مەها بۆری دا مەدیایا په‌كه‌كێ راگه‌هاندبوو کو نێچیرڤان بارزانی رێکەفتنەکا گازێ یا 50 سالی ل گەل ترکیێ ئیمزا کرییە و راستی هێرشێن ئیرانێ هاتییە، په‌كه‌كە هەر رۆژ ل سەر گازا کو نە دەلیل و نە ئیسبات و نه ژی بۆریەکا وێ گازێ هەیی، نووچەیێن درەو چێدکەت، ئەڤ کار هەموو ژ بۆ خوه‌شكرنا زه‌مینه‌سازییا هێرشێن ئیرانێ بوو.
هات ئیدیعا کرن کو ئیرانێ د سباتا بۆری دا ل ئەسفەهانێ ژ بۆ كو شەرێ مەدیایێ ل هەرێما کوردستانێ خورتر بکەت، هنده‌ك كارمه‌ندێن مەدیایا یه‌نه‌كێ پەروەردە کرینە، خوه‌یایە د ناڤ کەسێن کو هاتینە پەروەردەکرن دا، كارمه‌ندێن مەدیایا په‌كه‌كێ ژی هەنە، چاپەمەنییا په‌كه‌كێ رۆژنیۆز یا كو ل سلێمانیێ وەک ئۆفیسا ئاژانسا نووچەیان یا فەرمییا ئیرانێ ئێرنایێ وەشانێ دکەت، ب راستی ژی نە خەلەتە کو مرۆڤ مەدیایا په‌كه‌كێ ب تایبەتی ژی رۆژنیۆزێ وەک ئاژانسا نەفەرمی یا دەولەتا ئیرانێ د ناڤ کوردان دا ببینیت و ب ناڤ بکەت.
