Skip to content
ئالدار دیسا زڕی
ئالدار خه‌لیل، ئه‌ندامێ كۆنسه‌یا رێڤه‌به‌ر یا په‌یه‌دێ، باسكێ په‌كه‌كێ یێ رۆژئاڤا كوردستانێ، ئیرۆ بۆ مه‌دیا په‌كه‌كێ ئاخڤی، وه‌كه هه‌ر جار وی تشته‌ك ژبلی هێرشا سه‌ر په‌ده‌كێ و مالباتا بارزانی نه‌گۆت.
ب ده‌ستپێكرنا ده‌مسالا بهارێ یا هه‌ر سال، مه‌دیا په‌كه‌كێ دچیته جه‌م ئالدار و هه‌ڤدیتنێ ل گه‌ل دكه‌ت، مه‌دیا په‌كه‌كێ دزانیت چ قاس ئیشێ ئالدار د بهارێ دا زه‌حفه، مه‌دیا په‌كه‌كێ وه‌ختا پێویستییا وێ ب رووقایمی و بێئه‌خلاقیێ هه‌بیت، ژ قود‌ره‌تا ره‌بێ عاله‌مێ ئالدار ته‌رجیح دكه‌ت!.
ئالدار خه‌لیل كو ب «ئالدارێ ته‌عمیرچی» د ناڤ په‌كه‌كێ دا تێ ناس كرن، ئیرۆ ژ بۆ ئاژانسا ئانفێ یا په‌كه‌كێ ئاخڤی، وی د 7 خۆله‌ك و 7 چركه‌یێن ساعه‌تێ دا، 15 جاران ئێریشا په‌ده‌كێ و 2 جاران ئێریشا مالباتا بارزان كر، ب یێك په‌یڤ ژی باس ل ره‌وشا رۆژئاڤا كوردستانێ و ره‌وشا وێ پا‌رچه‌یا وه‌لات نه‌كر، وی د هه‌موو ئاخافتنا خوه دا ناڤێ په‌ده‌كێ و ئاكه‌پێ ب هه‌ڤره ئانی و دگۆت په‌ده‌كێ قه‌ده‌را خوه ب تركیێ و تفاقا ئاكه‌پێ و مه‌هه‌پێ ڤه گرێدایی یه.
قه‌ده‌را په‌ده‌كێ و قه‌ده‌را په‌یه‌دێ
ئالدار خه‌لیل كو ب كادرۆیه‌كێ بێ سیفات و بێ نرخ د ناڤ په‌كه‌كێ دا تێ حه‌ساب كرن، ل جهێ كو باس ل ره‌وشا گه‌لێ رۆژئاڤا بكه‌ت و باس ل رووره‌شییا خه‌تا سیاسه‌تا پارتییا خوه بكه‌ت یا كو پاش 11 هه‌زار شه‌هید و 22 هه‌زار برینداران ژ كه‌چ و جوانێن رۆژئاڤا، ژ نوو هاتییه قه‌ده‌را رۆژئاڤا ب حافز ئه‌سه‌د و كۆچكێ وه‌له‌دێ وی ڤه گرێدایی یه، ئه‌و هاتییه توهمه‌تێن بێ بنگه‌هـ بۆ په‌ده‌كێ و حكوومه‌تا باشوور چێدكه‌ت، هاتییه و دبێژیت په‌ده‌كه و ئه‌نه‌كه‌سه ل گه‌ل تركیێ د ناڤ تفاقه‌كێ دا نه و دخوازن به‌رخوه‌دانا ئازادییا گه‌ل ب قه‌دینن.
ئالدار خه‌لیل كو ئیرۆ ب روو قایمی باس ل به‌رخوه‌دانێ و نرخێن نه‌ته‌وی دكه‌ت، هه‌مان ئالداره یێ كو ل بهارا سالا رابووری پێشمه‌رگه‌هێن كوردستانێ ب چه‌ته ناڤ كرین، هه‌مان ئالداره ژی یێ كو ل بهارا سالا 2015ێ ل به‌ر چاڤێن هه‌موو دنیایێ د به‌رسڤا پرسا كه‌نالا «ئه‌ل عه‌ره‌بییه» دا گۆتی: «ئه‌ز ده‌وله‌تا كوردی ناخوازم، ده‌وله‌تا كوردی پاشڤه‌رووی یه».
رێخستنا په‌كه‌كێ كو سیاسه‌ته‌كه دیكتاتۆر ل رۆژئاڤا كوردستانێ د مه‌شینیت و رێ ب چ پارتی و رێخستنێن دی ناده‌ت هه‌گه‌ر ل گۆری وێ ته‌ڤ نه‌گه‌رن، تام ب قاسی رژێما به‌شار ئه‌سه‌د، وه‌لاتپارێزێن كورد ده‌سته‌سه‌ر كرنه و ئیشكه‌نجه دانه، ئه‌ندامێن پارتیێن كوردستانی ب زه‌یتا داخ كری شه‌وتاندنه، ئالدار و پارتییا ئالدار ب ده‌هان جاران ئێریشا باره‌گه‌هێن پارتیێن كوردی ل رۆژئاڤا كرنه، كادرێن وان ته‌رۆر كرنه، لێ ئه‌و ژ نوو ڤه هاتییه و زماندرێژیێ ل سه‌ر په‌ده‌كێ و مالباتا بارزان دكه‌ت.
چما ب بهیستنا ناڤێ په‌ده‌كێ ئالدار شه‌مبۆز دبیت؟
هه‌ر چه‌ند ڤینا گه‌لێ رۆژئاڤا كوردستانێ ژ بۆ باشوورێ كوردستانێ و پارتیێن وێ یێن نه‌ته‌وی زێده دبیت، هێستریا په‌یه‌دێ دگریت و دكه‌ڤیته لڤ و ته‌ڤگه‌رێ، ئێریشا باره‌گه‌هێن پارتیێن كوردی دكه‌ت، كادرێن وان ده‌سته‌سه‌ر دكه‌ت و ل سه‌ر بلندكرنا ئالایێ كوردستانێ ب كه‌ڤران ل سه‌رێ جوانان دده‌ت، ئۆفیسێن مه‌دیایا باشوور بێده‌نگ دكه‌ت، ئه‌ڤ هه‌ولێن په‌یه‌دێ ژ بۆ وێ یه‌كێ نه كو باشوورێ كوردستانێ ل به‌ر چاڤێن گه‌لێ رۆژئاڤا نه‌جوان و نه‌شرین بكه‌ت.
ل ڤان دو سالێن داویێ گه‌لێ رۆژئاڤا باش فێم كرن كو خه‌تا په‌ده‌كه ل سه‌ر دمه‌شیت چ قاس نه‌ته‌وی یه و چ قاس ده‌ستكه‌فتی ژ بۆ باشوورێ وه‌لات چێكرنه، تگه‌هشتن كو باشوور چ قاس ژ بۆ رۆژئاڤا گرنگه، ئێریشا جوانێن شۆره‌شگه‌ر ل سه‌ر ده‌ریێ سێمالكا، میناكا هه‌ری زه‌لاله وان فێم كر په‌كه‌كێ ژ بۆ چ ئارمانجێ ئێریشا سێمالكا كر و چاوا خوا‌ستن ب رێیا برسیكرنا گه‌لێ رۆژئاڤا، رووره‌شییا باشوور نیشانی وان بده‌ن.
ل همبه‌ری ڤێ گه‌لێ رۆژئاڤا په‌یه‌ده و په‌كه‌كه ژی باش ناس كرن، تێگه‌هشتن ئه‌و چ قاس دژه كورد و چ قاس وان زرار ل كوردان خستییه، هه‌روه‌ها تێگه‌هشتن كو وان بازرگانی ب خوینا كه‌چ و كوڕێن وان كر و ل داوییا داوی قه‌ده‌را وان ب حافز ئه‌سه‌د ڤه گرێدا.
ب كورتی گۆتنه‌كا كوردان هه‌یه دبێژیت: «مرۆڤ كوریه‌ك هه‌به، بار ل ئه‌ردێ نامینه»، دێ بێژی پێشیێن كوردان ئه‌ڤ گۆتن ب ئالدار و په‌كه‌كێ گۆتییه، ژ به‌ر كو «ئالدار كوریه‌ك هه‌یه، له‌وما بارێ په‌كه‌كێ ل ئه‌ردێ نامینه»، مه‌دیا په‌كه‌كێ دزانیت ل ده‌مسالا بهارێ ده‌م ده‌ما ئالداره، دزانیت ئیشێ ئالدار نه شیرۆڤه و نرخاندنێن سیاسی نه، دزانیت ژی داخویانیێن ئالدار عه‌ینی زڕینا كه‌رێ چۆلێ نه، ب ئیحتیماله‌كا پڕ مه‌زن ل بهارا سالا بهێت 2023ێ، ئالدار دێ جاره‌كا دی ل مه‌دیا په‌كه‌كێ ده‌ركه‌ڤیت و شه‌مبۆزییا خوه ژ بۆ رێخستنا خوه په‌كه‌كێ ئیسبات كه‌ته‌ڤه.
