پەکەکە جارەکا دن دەرەو و سەناریۆیێن نوو ئاڤا دکە کو ھەم ئێریشێ دەستکەفتیێن باشوورێ کوردستانێ بکە و ھەم ژی سەدەمەکێ ژ بۆی ونداکرن و چەوتیێن خوە ببینیت.
ANF د نووچەیەکا خوە دا دبێژیت کو دەولەتا ترک و پەدەکە خوە ئامادە دکەن کو ئێریشێ پەکەکێ بکەن.
ANF د نووچەیا خوە دا وەھا دبێژیت:
“چاڤکانیێن هەرێمی دەستنیشان کر کو یەکینەیا ھێزێن زێراڤان یا کو ژ بۆ ئێرشێ ھاتیە ئامادەکرن، د بن فەرمانداریا لۆرکان مووتاحێ ژ مووسلێ دایە. چاڤکانی ئیدیعا کر ژ بۆ کو زەمینە ژ بۆی ئێرشێ بهێتە ئامادەکرن ئەڤ پلانە ھاتیە دانان:
1- کوشتنا ھندەک پێشمەرگەیێن پەدەکێ
2- تەقاندنا بۆریا پەترۆلێ یا ژ باشوورێ کوردستانێ دچیتە ترکیایێ
3- تەقاندنا وەسایتەکێ ل وێ ھەرێمێ کو سڤیل تێ دق نە.”
ANF نکاریت چاڤکانیا خوە ئاشکەرا بکەت ژ بەر کو چ چاڤکانی نینە و دەرەوا دکەت. یا دن «قادا مەدیا» چیە و ل کوودەرێیە؟ ئەگەر ئارمانجا پەکەکێ نە تێکبرنا دەستکەفتیێن کوردستانێ بن، قادا پەکەکێ ل باکورێ کوردستانێیە. نھا ھاتیە رادەیەکی ھێدی پەکەکە دەما دهەلنگڤیت دڤێت شەرێ پەدەکێ بکەت و ھەروەھا ژ بۆ ڤێ یەکێ ل گۆرا خوە زەمینەکێ ئاڤادکە. زەمنەیەک بێ بنگەھ و ل سەر دەرەوان ھاتی ئاڤاکرن.
لێ مخابن دو چەوتیێن مەزن دبنر سەدەمێ ڤان ھەلوەستێن دژمنایەتییا پەکەکێ. ھەر جارێ پەکەکە ژ بۆ ھەلوەستێن خوەیێن دژێ ھەموو نرخ و دەستکەفتیێن کوردا دهێتە رەخنەکرن. لێ دو سەدەمێن بنگەھین ھەنە کو، دبنە هاریکارێن ھەلوەستا پەکەکێ.
یەکەمین ئەوە کو، ئالیێن سیاسی، مەدیا و ئالیێن راستەراست دبنە ئارمانجا ئێریشێن پەکەکێ، ھەلوەستا پێوست د دەما خوە دا ناستینن و بەحسا راستیا پەکەکێ ناکەن و دەرەوێن پەکەکێ ئاشکەرا ناکەن. بێ گومان مرۆڤ دکاریت گەلەک بەرفرەھی بەحسا سەدەمێن ڤێ بێ ھەلوەستیا ل ھمبەر پەکەکێ بکەت. لێ جارەکا دن پێوستە بالا ڤان ئالیێن کو ناڤێن وان دبوورن بێ کشاندن دا کو ئەو سەرخوە ڤە بهێن و راستیا پەکەکێ ببێژن و ببنە خوەدی ھەلوەست. ئەگەر ڤێ یەکێ نەکەن بڤێت نەڤێت دبنت هاریکارێن ئێریشێن پەکەکێ و بێ حەمدا خوە شەرێ خوە ب خوە دکەن.
دویەمن ژی ئەو کو، پرانیا ھەڤالبەندێن پەکەکێ و یێن رێیا وان دشۆپینن، چ جارا ل ھمبەر چەوتیێن پەکەکێ نابنە خوەدی ھەلوەست. پەکەکە، مەدیا پەکەکێ و ھەرکەسەک دەردۆرا پەکەکێ چ بکەت و چ ببێژیت ژ بۆ وان راستیە. موومکینە پرانیا ڤان کەسان ژ بۆ بەرژەوەندیێن خوە بێ دەنگ دمینن، لێ گەلەک ژ وان ژ سەدەما ئالیێن کو خالا یەکەم دا ھاتنە بەحسکرن بێ دەنگ دمینن جەسارەتەکی ددەتە وان و ئەو ھەر گۆتنا پەکەکێ راست دحەسبینن و ل گۆرا وێ ژی تەڤدگەرن.
شریکاتیا چەوت و کریارێن پەکەکێ نە ب تەنێ ئەوەن کو، مرۆڤ د ناڤا رێزێن پەکەکێ دا جھ بگریت. ئەوێن ژ دەرڤەیێ پەکەکێ دەما بێ ھەلوەستبن، ل ھمبەر کریارێن دژی دەستکەفتیێن کوردا دەنگ نەکەن و ئەو مەدیا ژ دەرڤەی پەکەکێ دکەڤیتە دخزمەتا پەکەکێ دا ژی تاوانبارن و خزمەتا چەوتیێن پەکەکێ ل ھمبەر دەستکەفتیێن کوردستانی دکەن.
پکک خوە ئامادە دکەت کو، د چارچۆڤەیا پرۆژەیێن ئیرانێ و ملیسێن شیعە دا و ھەروەھا ب هاریکاریا «حەشدا شەعبی» ئێریشێ پەدەکێ بکەت.ھەر کوردەک نشتمانپەروەر ڤێ یەکێ گەلەک ب زەلالی دزانیت و دبینیت. لێ گەلۆ ئەو سیاسەتا کو، ب ئاوایەکێ زەمینەکێ ژ بۆ دژمناتیا پەکەکێ ئامادە دکەت، ھندەک دام و دەزگەھێن وان پرۆپاگاندەیا پەکەکێ بەردەوامی دکەن، ژ بۆ چ خوە کریە ئارمانج ناهێتە زانین. یان سیاسەتەک گەلەک کوور ھەیە کو، مرۆڤ تێ ناگەھیت، یان ژی خەمساریەکا مەزن قادا سیاسەتا وان دیل گرتیە.
27/3/2022
رۆژەڤا کورد
