سیاسەتا پەکەکێ دەرەو و خاپاندنە

ocalan-ataturk-hdp-turkey

د ھەموو قادان دا، دەما یەک دەرەوەکێ دکەت و ئەو دەرەو بێ بەرسڤ بمینیت راستی وندا دبیت و دەرەو جھێ راستیێ دگریت. دبیت رۆژەکێ ئەو دەرەو ئاشکەرا ببیت، لێ ھنگێ چ بھایێ راستییێ ژی نامینەیت.

سیاسەتا کو پەکەکێ رێڤە دبەت ل سەر دەرەو و خاپاندنێ ھاتیە ئاڤاکرن. ئەڤ یەک ژ ئالیێ ناڤەندەکا تایبەتڤە دهێتە رێڤەبرن. د ڤێ ناڤەندێ دا داگیرکەر سەردەستن و ب فەرمانا سیناریۆیێن دەرەو تێخنە رۆژەڤێ دا. لێ ئێدی بەرسڤدانا ڤان دەرەوان بوویە پێوستیەک کو پێدڤیە رۆژانە بێ کرن. پەکەکە نھا گەفا ھەری مەزنە ژ بۆ دەستکەفتیێن کوردستانی.

ئیرۆ ھەموو ھەولدانێن خوە دکەن کو، ل باشوورێ کوردستانێ ھێڤیێن گەلێ کورد تێکبەبن. ژ بۆ ڤێ یەکێ ژی پلانێن دژمنێن کوردستانێ، ئالیێن کو ژ دەولەتبوونا کوردستانێ دترسن جھ دکەن، بنگەھێ ئافراندنا دەرەوێن پەکەکێ دا ئەڤ یەک ھەیە .

پرانیا جاران دهێتە گۆتن کو دڤێت بەرسڤا دەرەوێن پەکەکێ بێنە دایین ، دا کو راستی بهێتە فام کرن. ل باشوور پەکەکە ب ھەموو ئاوایی ل گۆرا پلانێن ئیران و ترکیا تەڤدگەریت و د ڤێ چارچۆڤێ دا شەرێ پەدەکێ دکەت، مخابن ھندەک ئالیێن سیاسی ل باشوور ژ بۆ ناکۆکیێن ھەیی پەکەکێ ل ھمبەر ھەڤ ب کارتینن. لێ د بنگەھێ خوە دا پەکەکە مفا ژ ڤان ئالیان دبینیت و شەرێ ئالیێن دەولەتخواز دکەت. پێوستیەک ھەیە کو پەدەکە ھەر جارێ بەرسڤا دەرەوێن کو پەکەکە د دەربارێ وان دا دکەت بدەت.

دبیت مرۆڤ بێژیت: ما پەدەکێ چ کار نینە ھەما بەرسڤا دەرەوێن پەکەکێ بدەت؟ راستی گەلەک نەئاسانە کو مرۆڤ بەر دەرەوێن پەکەکێ ڤە راوەستیت. لێ د ھەمان دەمی دا پێوستە راستیا ھەیی ژ بۆ گەلێ کوردستانێ بهێتە دیارکرن. ئەڤ شیان و مەجالێ پەدەکێ ھەیە.

ژ ئالیەک دی ڤە ل رۆژئاڤایێ کوردستانێ داخویانیێن بەرپرسێن پەیەدێ د دەربارێ ئەنەکەسێ و تایبەتی ژی پەدەکێ دا، گەلەک بالکێشن. لێ مخابن پرانیا جاران ئەنەکەسە و پەدەکە بێ دەنگ دمینن.

ژ بۆ ئەڤ یەک زەلالتر بهێتە تێگھاندن، دێ بەحسا داخویانیەکا ھەڤسەرۆکا تەڤ-دەمێ رووکەن ئەحمەد کەین. ئەحمەد د ھەڤپەیڤینەکا خوە د ANFێ دا بەحسا رەوشا رۆژئاڤایێ کوردستانێ ( ل گۆرا وان باکورێ سوریێ) دکەت و دبێژیت: “رێخستنیێن مینا ئەنەکەسێ و پەدەکێ تشتەک نەمایە کو بدەنە جڤاکێ. ئەنەکەسە خوەدی وێ ھێزێ نینە کو باندۆرێ ل رۆژئاڤا و باکور-رۆژھلاتێ سوورییێ بکەت، ھێزا خوەیا برێخستنکرنا جڤاکێ نینە. ل گۆری داخوازێن دژمنێ گەلێ کورد تەڤدگەریت و ب ڤی رەنگی ل ناڤا گەل پرۆپاگاندایێ دکەت. ژ بۆ جڤاکێ بێباندۆر و بێ ئیرادە بکەت پرۆپاگاندایێ دکەت. ب دیتنا مە ژ دەرڤە دهێتە برێڤەبرن. ژ بەر کو بنگەھەکێ ئەنەکەسێ نینە کو بکاریت ڤێ سیاسەتێ ب تەنا سەرێ خوە بکە. د ئاستا ھەری بلند دا ھەڤکاریێ لگەل دەولەتا ترک دا دکەن. دڤێت گەلێ مە ب ڤێ یەکێ بزانیت. ئەگەر گەلێ مە ب راستیا پەدەکێ و ئەنەکەسێ بزانیت، دێ پرۆپاگاندیا وان ژی بێباندۆر بیت. ئەنەکەسە ژ بۆ عەفرینێ دبێژیت “عەفرین نھا بهەشتە”. ل عەفرینێ رۆژانە دەست داڤێژن ژنان، ژن تێنە رەڤاندن. زارۆک ل دبستانان ب فیشەکێن چەتەیان تێن کوشتن. ئالا دەولەتا ترک ل دبستانێن عەفرینێ ھاتیە دالقاندن، ل عەفرینێ دار تێنە برین. کو دەرا وێ بهەشتە؟ ئەنەکەسە پرۆپاگاندایا چ دکەت؟ بنگەھەک نینە کو ئەڤ پرۆپاگاندا ئەنەکەسێ ب سەر بکەڤیت، جڤاک ئێدی ژێ باوەر ناکەت. ژ بەر کو ئەنەکەسێ و پەدەکێ ژ بۆ جڤاکێ تشتەک نەکرنە. ئەگەر جڤاکا مە خوە ب خورتی ب رێخستن بکەت دێ پرۆپاگاندایێن ئەنەکەسێ و پەدەکێ ژی پووچ ببن.”

گەلۆ بەرسڤا ڤان دەرەوان نە پێوستیەکە. ئیرۆ د ڤێ رەوشا کو پەیەدە ل ھمبەر ئەنەکەسێ و پەدەکێ میتۆدێن تەرۆرستی ب کارتینە و چ مافێ ژیانێ ژ بۆ وان ناسناکەت و ھەروەھا ھەموو نرخێن مرۆڤاتیێ بنپێ دکەت و شەرێ ئەنەکەسێ دکەت دا، بلا رەفەراندومەک بهێتە کرن دێ گەلێ کورد ل رۆژئاڤایێ کوردستانێ پێتر ژ 70% پشتگریا خوە ژ بۆ بارزانیەتێ بدەنە دیارکرن. ڤێ رێبازێ چ جارا د ناڤا کوردێن رۆژئاڤایێ کوردستانێ دا نە پەکەکە ونە ژی ماموستایێن وان نکارن تێکببەن. ژ بۆ ڤێ یەکێ پێدڤیە بەرسڤا دەرەوێن پەکەکێ بهێتە دایین.

ھەڤسەرۆکا تەڤ-دەمێ ب خوە باش دزانیت تشتا کو دبێژیت نە راستە ، ژ بەر کو ئەو ب خوە ژی باوەر ژ گۆتنێن خوە ناکەت.

ژ ئالیەک دن ڤە ھەڤسەرۆکا تەڤ-دەمێ بەعسا کۆنگرەیا نەتەوی دکەت. راستی ئەگەر د ئەدەبیاتێن سیاسی دا فەدی کرن ھەبیت پێدڤیە پەکەکە و ھەموو دووڤکێن وێ شەرمێ ژ خوە بکەن و چ جارا بەعسا کۆنگرەیێ نەتەوی نەکەن. بەرێ خوە بدەنێ ل گۆری رووکەن ئەحمەد، ژ بۆ تێکبرنا سیاسەتە نەتەوی کۆنگرەیەک نەتەوی پێویستە.

رووکەن ئەحمەد ژ بۆ کۆنگرەیا نەتەوی دبێژیت: ب تایبەتی وەکە تەڤ-دەمێ پێویستیا مە ل رۆژئاڤا ب ئاڤاکرنا کۆنگرەیا نەتەوەیی ھەیە. کۆنگرەیا نەتەوەیی دێ نە تەنێ گەلێ کورد پارێزیت، د ھەمان دەمێ دا دێ بیتە چاڤکانیا سوودوەرگرتنێ ژ بۆ رۆژھلاتا ناڤین. دێ یەکیتیا عەرەبان، سوریانیان، چەرکەزان، ترکمەنان و ھەموو گەلان چێکەت. ب ڤێ کۆنگرەیێ ئەم دێ کۆنسەپتا ل سەر رۆژھلاتا ناڤین تێک بەین. ب ڤی رەنگی ئەم دێ داویێ ل ھەڤکاریا پەدەکێ-دەولەتا ترک بینن.

پەکەکە وەک کو عەڤدلا ئۆجالان دبێژیت، ئەو رێ نادەن دەولەتەک کوردی بهێتە ئاڤاکرن و دێ کوردان ھەموویان ئێخنە د خزمەتا دەولەتا ترک دا. ئەڤ ئارمانجە پەکەکێ و ئۆجالان ب خوە گەلەک ڤەکری گۆتیە. ڤێجا یێن وەک رووکەن ئەحمەد ،تەنێ زرنایا ئۆجالان لێ ددەن.

رۆژەڤاکورد

پوستێن ھەمان بەش