ژ ئێزدیەکێ شەنگالێ بانگەوازیەک ژ بۆ تەڤ ئێزدیان

pkk-sinjar-yazidi

یەک ژ ئێزدیێن شەنگالێ ب رێیا پێگەها «دارکا مازی» نامەیەک ڤەکری ژ بۆ تەڤ ئێزدیان دشینە و تێدا بانگ ل ئێزدیان دکە کو ژ وێ خەوا کو تێدانە هشیار ببن و راستیا پەکەکێ ب چاڤێن خوە ببین.

نامە ب ڤی ئاوایە:

هەموو درۆشمێن پەکەکێ دەربارا رزگارکرنا کوردستانێ و ئالیکاریکرنا ئێزدیان ب درەو دەرکەتن و تەڤ کریارێن وێ بەرەڤاژی گۆتنێن وێ دەرکەتن، ل شوونا دەنگێ دۆزا گەلێ کورد بگەهینە جیهانێ دەست ب کارێن تەرۆریستی کر و زیانەک یەکجار مەزن گهاند هەر چار پارچەیێن کوردستانێ و رایا گشتی یا جڤاکا ناڤدەولەتی دەربارا پرسگرێکا گەلێ کورد ب ئاوایەکی خەراب گوهەرت.

ل شوونا هەول بدە تاوانا مەزنا دژی ئێزدیان هاتی کرن ب جینۆساید بدەت ناسکرن، بەرێ کەسێن ئێزدی یێن د ناڤا رێزێن خوە دا کارێن خراب، ژ بۆ رەشکرنا وێنەیێ ئێزدیان و تێکه‌لکرنا وان د ناڤا کارێن خوە یێن تەرۆریستی دە نەک دژی داگیرکەرێن کوردستانێ بەلکو دژی ئەزموونا دەستهلاتداریا باشووری کوردستانێ، ل شوونا هەول بدە ب ئالیکاریا هێزێن پێشمەرگە شەنگالێ ڤەگەرینە هەمبێزا کوردستانا دایک ڕابوو ئالیکاریا ئیرانێ و حزبوللا حەشدا شەعبی کر ژبۆ دابڕینا شەنگالێ ژ هەرێما کوردستانێ، و بەهانە ژبۆ ترکیا دروستکرن داکو بەردوام ئێرشی شەنگال و هەرێما کوردستانێ بکە.

ب ڤی ئاوایێ کو نها ب هەرێما کوردستانێ و شنگالێ وخەلکێ وێ تەڤ دگەرە، پەکەکە بوویە گرێیەک پەنجەشێرێ و ئێش و ئازارەکا یەکجار مەزن دگهینە گەلێ مە، لەوما ل سەر تەڤ کەسێن ب پرۆپاگەندێن پەکەکێ هاتنە خاپاندن پیدڤی دکە ب زووترین دەم دەڤ ژ ڕێزێن وێ بەردن و ب دەنگەکی بلند کریارێن وێ یێن تەرۆریستی شەرمەزار بکن.

ل دەما کو داعش ئێرش کری سەر شنگالێ و ل دەما هاتنا پەکەکێ، خەلکێ مە دگۆ، راسته (خوین نابە ئاڤ) لەوما ئەو ل هاوارا مە هاتنە، مە فێم نەدکر پەکەکێ ژی دخواست ملک و مالێ ئێزدیان یێ ژبەر داعشا مایی تالان بکە و ل سەر ئەندامێن خوە پارڤە بکە و ب سەر گوند و کۆمەلگەهان دا بگرە و ئەو چیایێ کو ب درێژاهیا دیرۆکێ ب کەلها بەرخوەدانێ دهات ناسکرن کر جیهێ چاندنا مادەیێن هشبەر و چوونا وی چییا ژ بۆ ئێزدیان حەرام کر،  پەکەکێ ب دەهان کوڕ و کەچێن شەنگالێ تەڤلی رێزێن خوە کرن و پشترا ئەو کەچ و کور دان کوشتن دا کو مالباتا وان ب خوە ڤە گرێ بدن، پەکەکێ ب سەدان زارۆکێن ئێزدی خاپاندن و رەڤاندن چیا دا کو وان بکن پووش و دار ژ بۆی ئاگرێ شەرێ خوە یێ بێ مفا و قازانج.

پەکەکێ زرارەک هەری مەزن گهاندیە ڕەوشت و تیتال و عورف و عادەت و رێورسمێن ئێزدیان، ژ بۆ ئسیبات کرنا ڤێ یەکێ ژی رۆلا خه‌رابا کانالێ وان یێ تەلەفزیۆنی یێ ب ناڤێ چرا تیڤی ل پێش چاڤێن تەڤ خەڵکی یە.

نها و پشتی تەڤ کار و کریارێن وان یێن قرێژ خوەیا بووی و ژ بۆ خەلکێ دیاربووی کو پەکەکە داردەستێ دژمنێن ئێزدیان و تەڤ کوردستانیانە و دخوازن پێتر خەلکێ د ناڤا گەمارا خوە دا نقووم بکن و هەر کەسێ ب دەست وان کەت ببن زنارێن مرنێ و پالەکێ ل وان بدن و وان بکوژن، ل سەر مە هەموویان پێدڤی دکە ببن فاکتەرێن خێرێ ژ بۆ هشیارکرنا خەلکێ خوە یێن کو هێژان ل با پەکەکێ نە و باهوەر ژ دەرەوێن پەکەکێ دکن، داکو ئیرۆ پێش سبە رەفێن وان ب جی بهێلن ودەست ب ژیانەک نوو بکن.

ب کورتاسی، کار و کریارێن پەکەکێ یێن ل کوردستانێ ب گشتی و یێن ل شەنگال و چیایێ وێ د ڤان دەمێن رابۆری دا کرین باشترین بەلگە نە کو پەکەکە چێکریا دەستێ دوژمنێن کوردە، پەکەکە دارێ د دەستێ دوژمنێن کوردستانێ دا یە و هەڤسارێ وێ د دەستێ داگیرکەرێن کوردستانێ دا یە، لەوما پێویستە چ کەس ب درەو و درویشمێن وێ یێن ساختە نەیێ خاپاندن.

پوستێن ھەمان بەش