هێزێن ترکیێ، سانترالا ئەلکتریکێ و هەردو باژارۆکێن تل تەمر و زرگان ل باکورێ رۆژئاڤایێ باژارێ حه‌سه‌كێ یێ رۆژئاڤایێ کوردستانێ تۆپباران کرن.
ل گەر چاڤکانیێن خوەجەهی، ئیرۆ 22ێ گولانا 2022ێ، هێزێن ترکیێ بنگەهەکێ ئەلکتریکا باژارۆکێ تل تەمر و گوندێن دەردارە، تل شەنان، تل جومعا، ئایێبش و هەروه‌ها گوندێن تل ئەل-وەرد و خربت شەییر، ل باژارۆکێ زرگانێ یێ باکورێ رۆژئاڤایێ حەسەکێ تۆپباران کرن.
مەدیایا نێزیکی رێڤەبەریا خوەسەرا دیار كرییه، هێزێن ئارتێشا ترکیێ گوندێ ده‌داره یێ باکورێ ناڤچەیا تل تەمرێ، تل شەنان یێ ئاسوورانێ ل باکور رۆژهلاتێ تل تەمرێ، تل جومعا یێ ئاسوورانێ ل رۆژئاڤایێ ناڤچەیێ، گوندێ خەیبشێ ل باشوور رۆژئاڤایێ ناڤچەیێ و ستاسیۆنا ئەلکتریکی یا تل تەمرێ، تۆپباران كرنه.
20ێ گولانێ ژی، هێزێن ترکیێ گوندێن دەردارە، ئەل-قەبر ئەل-سەخیر، قوبوور ئەل-قەراجنە و ئەل-شێخ عەلی یێن د ناڤبەرا هەردوو باژارۆکێن تل تەمر و زرگانێ دا ل باکورێ رۆژئاڤایێ باژارێ حه‌سه‌كێ یێ رۆژئاڤایێ کوردستانێ تۆپباران کربوون.
