«داركا مازی» یه‌كه‌م بوو كوشتنا «ئه‌حمه‌د رووبار» راگهاندی

ehmed-rubar

د ئێریشا مه‌خموورێ ده‌ كو دو رۆژان به‌رێ هاتبوو ئه‌نجام دایین، ئه‌ندامه‌كێ كۆنسه‌یا هه‌په‌گێ یێ ب ناڤێ ئه‌حمه‌د رووبار و شۆفێرێ وی یێ ب ناڤێ رۆژگه‌ر هاتبوون كوشتن، ئیرۆ ژ نوو ڤه‌ ناسنامه‌یێن وان هاتن راگهاندن.

پێگه‌ها داركا مازی ل رۆژا 21 ڤێ مه‌هێ د نووچه‌یه‌كه‌ خوه‌ یا تایبه‌ت دا ناسنامه‌یا ئه‌حمه‌د رووبار ئه‌ندامێ كۆنسه‌یا هه‌په‌گێ ئه‌شكه‌ره‌ كر بوو، وه‌ختا بالافره‌كه‌ بێ فرۆكه‌ڤان یا ئارتێشا تركیێ ئه‌و ل گه‌ل شۆفێرێ وی ل مه‌خموورێ هه‌ده‌ف كری.

مه‌همه‌ت ئاردۆگان یێ ب كۆدناڤێ ئه‌حمه‌د رووبار وه‌كه‌ فه‌رماندارێ په‌كه‌كێ یێ قادا مه‌خموور – كه‌ركووك و سلێمانیێ بوو، ئه‌و ل 21 ڤێ مه‌هێ كه‌ت به‌ر ئێریشا تركیێ.

ئه‌حمه‌د رووبار كی یه‌؟

ئه‌حمه‌د رووبار ژ شێنیێن بایه‌زیدێ ئا باكورێ كوردستانێ یه‌، ئه‌و ل سالا 1991ێ ته‌ڤلی رێخستنا په‌كه‌كێ بوویه‌ و ب درێژاهییا ڤان سالان ده‌ ئه‌رك د رێخستنێ ده‌ وه‌رگرتنه‌، ئه‌ندامێ كۆنسه‌یا له‌شكه‌ری یا په‌كه‌كێ بوو كو ب ناڤێ هه‌په‌گه‌ تێ ناس كرن.

هه‌ری داوی د رێڤه‌به‌رییا له‌شكه‌ری یا كامپا مه‌خموورێ ژی ده‌ ئه‌رك وه‌رگرتبوو و وه‌كه‌ فه‌رماندارێ هه‌په‌گێ یێ مه‌خموور – كه‌ركووك و سلێمانیێ بوو.

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami