پێتری 100 چه‌كدارێن عه‌ره‌ب چه‌كێن خوه‌ ئاڤیتن و ده‌ست ژ په‌كه‌كێ بەردا

پێتری 100 چه‌كدارێن عه‌ره‌ب چه‌كێن خوه‌ ئاڤیتن و ده‌ست ژ كۆمێن گرێدای په‌كه‌كێ بەردا

رێخستنا په‌كه‌كێ ب سه‌دان ته‌رۆریست و كه‌ڤنه‌ چه‌كدارێن داعشێ د ره‌فێن خوه‌ و كۆمێن گرێدای خوه‌ دا‌ ل شه‌نگالێ ئه‌ركدار كرنه‌، شه‌رێ نیسانا ئیسال یێ ل نێڤبه‌را ئارتێشا ئیراقێ و یه‌به‌شێ دا‌، ئه‌ڤ یێك ئیفشا كر.

د شه‌رێ نیسانا ئیسال دا‌ كو ل نێڤبه‌را ئارته‌شا ئیراقێ و چه‌كدارێن «ئێزیدخانێ و یه‌كینه‌یێن به‌رخوه‌دانا شه‌نگالێ یه‌به‌شێ» یێن گرێدای په‌كه‌كێ دها ده‌ستپێكربوو، ب ده‌هان چه‌كدارێن عه‌ره‌ب چه‌كێن خوه‌ ئاڤێتن و شه‌رێ ئارتێشا ئیراقێ نه‌كرن.

چاڤكانیێن پێگه‌ها «داركا مازی» ل باشوورێ كوردستانێ ئه‌شكه‌ره‌ كر، ل رۆژا 24 نیسانا ئیسال 2022ێ كو ل وێ ده‌مێ ئارتێشا ئیراقێ ژ بۆی ده‌رخستنا په‌كه‌كێ و كۆمێن گرێدای وێ ب سه‌ر شه‌نگالێ و ده‌ردوورا وێ دا‌ گرت بوو، پێتری 100 چكدارێن عه‌ره‌ب یێن سه‌ر ب رێخستنا په‌كه‌كێ ڤه‌، چه‌كێن خوه‌ ئاڤێتن و رازی نه‌بوون شه‌رێ ئارتێشا ئیراقێ بكن.

ل گۆری ئاگاهیێن د ده‌ستێ مه دا‌، كه‌سێ ب ناڤی «سیدار قامشلۆ – 33 سال» كو ژ رۆژئاڤا كوردستانێ یه‌ و به‌رپرسێ به‌شا ته‌كنیكی یا لیوایا «ماهر ئه‌لته‌یاوی» یه كو باره‌گه‌ها وێ لیوایێ ل ناڤچه‌یا «ئوم زیبان» و باره‌گه‌ها فه‌وجێ ل ناڤچه‌یا «به‌نی سه‌بعه»‌ یا گرێدای شه‌نگالێ یه‌‌، ل 24 نیسانێ چه‌كدارێن عه‌ره‌ب یێن د كۆمێن چه‌كدار یێن رێخستنێ دا‌ ئاگەهدار کرن کو کی ژ وان ناخوازه‌ شه‌رێ ئارتێشا ئیراقێ بكه‌، دكاره‌ ده‌ست ژ ره‌فێن رێخستنێ به‌رده‌، لێ دڤێ چەکا خوە دەینە و پاشان هەرە مالێ.

پاش ڤێ ئاگاهداریێ، پێتری 100 چه‌كدارێن عه‌ره‌ب چه‌كێن خوه‌ ئاڤیتن و ده‌ست ژ كۆمێن گرێدای په‌كه‌كێ یێن وه‌كه‌ یه‌به‌شێ و ئێزیدخانێ  به‌ردان.

چاڤكانیێن مه‌ هه‌روه‌ها ئه‌شكه‌ره‌ كرن ب تەنێ كه‌ڤنه‌ چه‌كدار و ته‌رۆریستێن داعشێ و هه‌ر وها چه‌كدارێن كو ژ هێلا دادگه‌هێن ئیراقێ ڤه‌ ب سووچا ته‌رۆرێ داخواز كری، د رێزێن كۆمێن چه‌كدار یێن په‌كه‌كێ ده‌ ل شه‌نگالێ مان، و ئەو ئامادەنە ل دژی ئارتێشا ئیراقێ شەر بکن.

ل گۆری ئاگاهیێن كو ژ چاڤكانیێن هه‌رێمی یێن شه‌نگالێ هاتنه‌ ب ده‌ست خستن، رێخستنا په‌كه‌كێ ب سه‌دان ته‌رۆریستێن داعشێ د رێزێن خوه‌ ده‌ ئه‌ركدار كرنه‌ و هه‌ر چ كاره‌كی قرێژێ ل دژی كورد و كوردستانێ هه‌یه‌ ب وان دده‌ ئه‌نجام دایین.

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami