دارکا مازی سالا دەرباسبوویی کوشتنا وی ئاشکەرا کربوو، پەکەکێ نھا

دارکا مازی سالا دەرباسبوویی کوشتنا وی ئاشکەرا کربوو، پەکەکێ نھا

د داخویانیا کو ل سەر ناڤێ کۆمیتەیا پشتگریا مالباتێن شەھیدێن پەکەکێ ھاتیە دایین دا ھاتە ئیدیعاکرن کو «سەلمان بۆزکر» د ئێریشا ھەوایی یا ل سەر ھەرێمێن پاراستنا مەدیایێ دا ژیانا خوە ژ دەست دایە. لێ «سەلمان بۆزکر» د 5ێ خزیرانا 2021ێ دا ل کامپا پەنابەران یا مەخموورێ د ئێریشا بالەفرێن بێ پیلۆت یێن ترکیێ دا ژیانا خوە ژ دەست دا.

پشتی کوشتنا «سەلمان بۆزکر» ژ ئالیێ پەکەکێ ڤە چ داخویانی نەھاتن دایین. «مەجلیسا گەل» یا مەخموورێ راگھاند کو د ئێریشێ دا 2 سڤیل بریندار بوونە، مرنا سەلمان بۆزکر ژی ڤەشارت. پەکەکێ رۆنکرن نەدا کا چما پشتی سالەک ل سەر بوویەرێ دەرباس بووی ژ نوو کوشتنا ڤی فەرماندارێ خوە ئاشکەرا دکە.

ھەروھا ل گەل «سەلمان بۆزکر» ئەندامەکێ دن یێ پەکەکێ کو ھەتا نھا ناڤێ وی ژ ئالیێ پەکەکێ ڤە نەھاتیە ئاشکەراکرن ژیانا خوە ژ دەست دا. ھات ئیدیعاکرن کو کەسێ ژیانا خوە ژ دەست دای ئەندامێ رێڤەبەرییا کامپا مەخموورێ یە و ژ ئەورۆپایێ یە.

بوویەرا ئارمانج کرنا «در. حووسێن» ئانکو «سەلمان بۆزکر» ژ بال سێ جوانێن مەخمووری یێن کو د کامپێ دا ژییان دکر ھاتبوو پلان کرن. وێ دەمێ مالپەرا مە ل سەر ڤێ مژارێ گۆتارەک وەشاند و بوویەر راڤە کر، ئەڤە ژی لینا وێ گۆتار یە: https://darkamazi.net/archives/1026707

ل کامپا مەخموورێ د ناڤا 4 سالێن داوی دا گەلەک ئێریشێن بالافرێن بێ پیلۆت ھاتنە کرن. د ڤان ئێریشان دا رێڤەبەر یان ژی گەریلایێن پەکەکێ ژیانا خوە ژ دەست دان. ھەری داوی «محەمەد ئەردۆگان» ب ناڤێ کۆد «ئەحمەد رووبار» د 21ێ گولانێ دا ژ بەر ئێریشا بالەفران ژیانا خوە ژ دەست دا. ل سەر ڤێ مژارێ پەکەکێ ژی داخویانیەک بەلاڤ نەکر.

ھەموو ئێریشێن بالەفرێن بێ پیلۆت یێن ترکیێ ل کامپا مەخموورێ ب ئیستیخباراتا ژ ناڤا پەکەکێ تێن کرن. تەڤی ڤێ یەکێ ژی پەکەکە ھەر تم حکوومەتا ھەرێما کوردستانێ و ھێزێن پێشمەرگە ئارمانج دکە.

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami