نە پەکەکە ل دژی ترکیێ یە و نە ژی ترکیا دخوازە پەکەکە نەمینە

eli-ewni-pkk-turkey-kck

ئەندامێ سەرکرداتیا پەدەکێ، عەلی عەونی ل سەر شەر و خرابکاریێن پەکەکێ و ترکیێ ل ھەرێما کوردستانێ ژ بۆ باس نیوسێ ئاخڤی و گۆت، پەکەکە چ تشتەکێ بۆ دۆزا کوردا ناکە و چ چارەیەکێ ژ بۆ پرسگرێکا کورد و ماف و داخوازیێن کوردان ناخوازە. بەرەڤاژی، دەما مرۆڤ ل بەرنامەیا پەکەکێ دنێرە دبینە کو پەکەکە تەنێ دخوازە کورد ل ھەر چار وەلاتێن داگیرکەر زێدەتر بندەست ببن.

عەلی عەونی ھەر وھا گۆت، زێدەتری 400 گوند ل دەڤەرا بەھدینان ژ بەر شەرێ پەکەکێ ھاتنە ڤالاکرن. ھایا من ژێ ھەیە ل بنارا قەندیل و دەڤەرێن دن ژی ھەمان تشت ھەیە. سەبەبا تەڤاھیا ڤان کاڤلکاریان، پەکەکەیە. پەکەکە ترکیێ قۆناغ ب قۆناغ دکشینە ناڤ کووراھیا خاکا ھەرێما کوردستانێ. ترکیا ب ڤی رەنگی رووبەرەک مەزن ل ھەرێما کوردستانێ داگیر دکە. ئەڤ ژی خزمەتەکا مەزنە کو پەکەکە پێشکێشی ترکیێ دکە.

وی ئەندامێ سەرکردەتیا پەدەکێ ئانی زمان، نە ترکیا دخوازە پەکەکە نەمینە و نە ژی پەکەکە ل دژی ترکیێ یە. بەلکی مەسەلە دژاتیکرنا کورد و کوردستانێ یە. باشە پەکەکە چما خەبات و شەرێ خوە نابە باکورێ کوردستانێ و تەنێ ل ڤر زیانێ دگەھینە جۆتکار و خەلکێ باشوور؟!

عەلی عەونی ل سەر رێکەفتنا شنگالێ ژی گۆت، ئیرادەیا ئیراقێ د دەستێ وەلاتەکێ دن دایە و د مژارا پاقژکرنا شنگالێ دا ژی رووراست نینە. حکوومەتا ئیراقێ دخوازە شنگال د دەستێ پەکەکێ دا بمینە و ئەڤە ژی د بەرژەوەندیا وەلاتەکێ ھەرێمییە. دا کو بکارن ژ ور دەرباسی سووریا و لوبنانێ ببن. ئەڤە ژی بەھانەیان ددە ترکیێ دا کو شنگالێ بۆردوومان بکە و خەلکێ شنگالێ دەربدەر و ئاوارە ببن. لێ پێدڤییە رێکەفتنا شنگالێ بهێتە جێبەجێکرن، ژ بەر کو چ ئالتەرناتیفەک دن نینە.

پوستێن ھەمان بەش

گەلۆ هەپەگە کەتیە قۆناغا دویەمینا شەرێ ل دژی پێشمەرگە؟

pkk-kani mase-peshmarga-hpg