رووپەلا کوردێن خۆراسانێ د مەدیایا جڤاکی یا فەیسبووکێ دا داخویانیەک پارڤە کرییە و تێدا ئاشکەرا کرییە، پەکەکە ب رێیا گرووپەکا ب گومان یا ب ناڤێ پەژاکێ، دخوازە جوانێن کورد بخاپینە و وان ژ بۆی بەرژەوەندیێن خوە چەکدار بکە.
کوردێن خۆراسانێ ئەڤ داخویانی ژ بۆ رووپەلا «دارکا مازی» شاندییە.
داخویانییا کوردێن خۆراسانێ ب ڤی ئاوایی یە:
ژ بۆ تەڤ هەڤالێن ئەزیز
مە گەلەک جاران دیار کرسیە کو ئارمانجا مە خزمەتکرنا چاند، کولتوور و زمانێ کوردێن خۆراسانێ یە.
مخابن ئەڤە دەمەکە گرووپەکا ب گومان یا ب ناڤێ پەژاک یا سەر ب پەکەکێ ڤە، ب رێیا مەدیایا جڤاکی پەیوەندیێ ب جوانێن مە دکە دا کو بەشداری وێ کۆمێ ببن و وان ببەن شەرێ سووریێ و وان بکوژن دا کو بگھن ئارمانجێن خوە یێن خەراب ل ده‌ڤه‌رێ.
ئەم بانگ ل گەلێ ھەرێمێ ب تایبەت جوانێن لەھەنگێن کورد دکن کو ب درووشمەیێن پووچ یێن ڤێ کۆمێ نەخاپن.
ژ بۆ مە شەرەفە کو ئەم ل ھەموو جیھانێ خزمەتا گەلێ خوە یێ کوردێ ئەزیز بکن.
لێ ڤێ کۆمێ چ پەیوەندی ب کوردبوونێ ڤە نینە، به‌لكو ئه‌و تۆره‌كا مافیایی و رەڤاندنێ یە کو ژ ئالیێ دژمنێن گەلێ کورد ڤە ھاتییە چێکرن و پلانکرن.
ل سەر ناڤێ کوردێن دلۆڤان یێن خۆراسانێ
