تەدەکە-تەڤگەرێ جڤینا خوە یا سوێدێ ئەنجام دا

TDK-Tevger-darkamazi

تەدەکە-تەڤگەرێ جڤینا خوەیا سوێدێ د 19 خزیرانا 2022یێ دا، ل ستۆکھۆلمێ ئەنجامدا. جڤین د بن ئالایێ کوردستانێ، ب سروودا نەتوەیی یا ئەی راقیب و رێزگرتنا ژ بۆ پاکرەوانێن کوردستانێ ھاتە ڤەکرن.

پشتی قەبوولکرنا رۆژەڤا جڤینێ، نامەیا ھەڤالێن وەلات و کۆمیتەیا ئەورۆپایێ یا تەڤگەرێ ھاتە خوەندن. د جڤینێ دا، ل گۆری خالێن رۆژەڤێ ئاگاداری ل سەر خەباتێن ناڤ وەلات، دەرڤەیی وەلات و خەباتا ھەڤکارییا ناڤبەینا سێ پارتی و رێخستنان، پاک، پەسەکە و تەدەکە-تەڤگەرێ ئاگاھداری ھاتن پێشکێشکرن. ل سەر رەوشا ڤان خەباتان گۆتووبێژ و نرخاندنێن بەرفرەھ و بەرھەمدار ھاتن کرن.

جڤینا سوێدێ، پرسا یەکتی و ھەڤکارییێن ل سەر خەتا نەتەوەیی و دەمۆکراتیک، وەکە پرسەکە سەرەکەیا تەڤگەرا رزگاریخوازییا نەتەوەیی یا باکورێ کوردستانێ نرخاند. د ڤی واری دا، جڤینێ بال کشاند سەر گرینگییا خەبات و ھەولدانێن ھەڤبەشیێن ناڤ پاک، پەسەکە و تەدەکە-تەڤگەرێ و دیار کر کو د ڤی واری دا، چ بکەڤیتە سەر ملێن رێخستنا تەدەکە-تەڤگەرێ یا سوێدێ، ئەو دێ ئەنجامدەن.

ھەر وەھا جڤینێ، ل سەر گرینگییا خەباتا ڤەژاندن و گەشکرنا خەباتا تەدەکە تەڤگەرێ راوەستییا؛ ئەرک، بریار و پێشنیارێن کۆنفەرانسا ئەورۆپایێ یا تەدەکە-تەڤگەرێ ب گرینگی نرخاند. د ڤێ چارچۆڤێ دا، جڤینێ دیار کر کو ئەو دێ ھەرێما سوێدێ یا تەدەکە-تەڤگەرێ ژ بۆ ئەنجامدانا بریار و پێشنیارێن کۆنگرەیا ئەورۆپایێ، ھەول بدە و بخبتە.

جڤینا سوێدێ ب ئاوایەکی بەرفرەھ ل سەر رەوشا خەباتێن سیاسی، جڤاکی، چاندی و رێخستنییێن کوردێن سوێدێ راوەستییا و ب ئاوایەکی گشتی بال کشاند سەر گرینگییا رۆلا خەباتا کوردێن ئەوۆپایێ و سوێدێ. د جڤینێ دا، ب تایبەتی ل سەر پرس و پرسگرێکێن مالبات، زارۆک و جوانێن کوردێن ل سوێدێ ھاتە راوەستاندن و ژ بۆ خەبات و چالاکییێن د ڤی واری دا پێشنییار و رێیێن چارەسەرییێ ھاتن پێشنیارکرن. د ئەنجامێ نرخاندن و گۆتووبێژێن ل سەر رەوشا سوێدێ، جڤینێ پرۆگرام و نەخشەرێیا خەباتێن رێخستنا تەدەکە-تەڤگەرێ یا سوێدێ تەسپیت کر و د ڤی واری دا کۆمیتەیا سوێدێ دەستھلاتدار کر.

د جڤینێ دا ھاتە دیارکرن کو پیدڤیە رێخستنا تەدەکە-تەڤگەرێ یا سوێدێ، ب دۆست، ھۆگر و کەسایەتییێن سیاسی و وەلاتپەروەر؛ ب پارتی، رێخستن و دەزگەھێن نەتەوەیی و کولتوری را پەیوەندییێن خوە خورتتر و گەشتر بکە. پێدڤیە رێخستنا تەدەکە-تەڤگەرێ یا سوێدێ نە وەکە رێخستنەکا کلاسیک تەڤبگەرە و خەباتێن خوەیێن سیاسی، دەمۆکراتیک و کولتوری تەنێ ب ئەندامێن خوە ڤە سینۆردار نەکە؛ ھەر وەھا پیدڤیە ئەو ب دۆست و ھۆگرێن خوە را ژی کار و خەباتێن جھێرەنگ بکە و نەرین و پێشنییارێن وان بدە بەر چاڤان.

جڤینا سوێدێ یا تەدەکە-تەڤگەرێ، ب ھلبژارتنا کۆمیتەیا سوێدێ و وەگرتنا ھندەک بریارێن گرینگ ب داوی ھات.

بژی خەبات و تێکۆشینا ژ بۆ وەلاتەکێ سەربخوە، مللەتەکی ئازاد و جڤاتەکا دەمۆکرتاتیک!

بژی خەبات و تێکۆشینا ژ بۆ یەکتی، ھەڤکاری و ھەڤاھەنگییا ل سەر خەتەکا نەتەوەیی، دەمۆمراتیک و کوردستانی!

تەدەکە- تەڤگەرکۆمیتەیا سوێدێ 

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami