پۆلات جان داخوازا په‌نابه‌ریێ ل فرانسایێ دكه‌

polat-can-paris-hsd-qsd-pkk-mazloum-abdi-qandil-kck

جێگرێ سه‌رۆكێ به‌رێ یێ هه‌سه‌دێ «پۆلات جان» كو چه‌ند مه‌هان به‌رێ ژ رۆژئاڤا كوردستانێ ده‌ركه‌ت بوو، نها ل وه‌لاتێ فرانسایێ داخوازا مافێ په‌نابه‌ریێ كرییه‌.

پێگه‌ها «داركا مازی» وه‌كه‌ یه‌كه‌م سازییا مه‌دیایی نووچه‌یا ره‌ڤیانا پۆلات جان ژ رۆژئاڤا و ناكۆكیێن وی یێن ب رێخستنا په‌كه‌كێ ره‌ پارڤه‌كربوو.

«داركا مازی» ل رۆژا 23 نیسانا ئیسال 2022 ئه‌شكه‌ره‌ كربوو كو ل سه‌ر ڤه‌خوه‌ندنا قه‌ندیلێ پۆلات جان چه‌ند مه‌هان به‌رێ ده‌رباسی باژێرێ سلێمانیێ یێ باشوورێ كوردستانێ ببوو، ژ بۆ كو ژ ور بچه‌ قه‌ندیلێ، «داركا مازی» ل وێ ده‌مێ، ئاگاهی ده‌ربارێ پیلانا په‌كه‌كێ یا ژ بۆی پۆلات پارڤه‌نه‌كربوو، ته‌نێ هنه‌ك ژ سه‌ده‌مێن ده‌ركه‌تنا وی ژ رۆژئاڤا ئه‌شكه‌ره‌ كربوون.

داركا مازی هین بوو كو رێخستنا په‌كه‌كێ بریارا تاسفیه‌ كرنا پۆلات جان ده‌رخستبوو و ژ به‌ر ڤێ ئه‌و ڤه‌خوه‌ند بوو قه‌ندیلێ، لێ به‌لێ پۆلات وه‌ختا گهیشتی سلێمانیێ ل ور ب ڤێ پیلانا په‌كه‌كێ دزانه‌، لۆما ئه‌و ژ ور دچه‌ ده‌وله‌تا ئیماراتێ.

چاڤكانیێن پێگه‌ها «داركا مازی» ئه‌شكه‌ره‌ كربوون‌، پاش مایینا پۆلات جان یا چه‌ند مه‌هان ل ده‌وله‌تا ئیماراتا ئه‌ره‌بی، ئه‌و نها گهیشتیه‌ ده‌وله‌تا فرانسایێ و ل ور مافێ په‌نابه‌ریێ خوه‌ستیه‌.

ئیرۆ ژی هات راگهاندن كو پۆلات جان یێ كو ئه‌ركا هه‌ماهه‌نگارێ نێڤبه‌را هێزێن هه‌سه‌دێ و كوالیسیۆنا ناڤده‌وله‌تی ژی هه‌بوو، وی په‌یمانه‌ك ل گه‌ل كوالیسیۆنا ناڤده‌وله‌تی ئیمزه‌ كربوو كو ئێدێ وێنه‌یێن ئۆجالان و په‌كه‌كێ ل رۆژئاڤا و ناڤچه‌یێن ژێر ده‌ستێ رێڤه‌به‌رییا خوه‌سه‌ر نه‌یێن بلند كرن.

ل سه‌ر ڤێ ئیمزه‌یا پۆلات جان، په‌كه‌كێ له‌كۆلین ده‌ستپێكر و هه‌ر زوو بریارا تاسفیەکرنا پۆلات دا و پۆلات ڤه‌خوه‌ند قه‌ندیلێ، لێ به‌لێ پۆلات ل سلێمانیێ ب ڤێ پیلانا قه‌ندیلێ دزانه‌، لۆما ژ ور دچه‌ ئیماراتێ و خوه‌ خه‌لاس دكه‌.

پوستێن ھەمان بەش