به‌رپرسه‌كێ پایه‌بلندێ په‌كه‌كێ و هه‌سه‌دێ ره‌ڤیایه ئیماراتێ
«پۆلات جان» كادرۆیێ پایه‌بلند یێ په‌كه‌كێ و ئه‌ندامێ هه‌ماهه‌نگكار یێ هێزێن سووریه‌یا ده‌مۆكراتیك ب هێزێن كوالیسیۆنا ناڤده‌وله‌تی ره، ژ به‌ر ده‌ركه‌تنا ناكۆكییان ل نێڤبه‌را وی و مازلووم عه‌بدی ره‌ڤیایه ئیماراتێ.
چاڤكانیێن پێگه‌ها «داركا مازی» ئه‌شكه‌ره كر، پۆلات جان ب فەرمانا کۆنسەیا پەکەکێ ل چیایێ قەندیلێ و د بن گڤاشێن «باهۆز ئەردال» دە ب نهێنی دەرباسی باشوورێ کوردستانێ بوویه و ده‌مه‌ك بوو ل باژارێ سلێمانیێ د ما، لێ به‌لێ نكاری ژ ور ده‌رباسی قه‌ندیلێ ببه.
چاڤكانیێن مه ده‌ستنیشان كر، پۆلات بێی هایدارییا مازلووم عەبدی ب ئاوایەک نهێنی دەرباسی باشوورێ کوردستانێ بوویە و چوویە سلێمانیێ داکو هەرە چیایێ قەندیلێ، لێ به‌لێ پاش کو پۆلات دەمەکی ل سلێمانیێ دمینە و پەکەکە وی دەرباسی قەندیلێ ناکە، ژ نەچاری پێوەندیێ ب «مەزلووم عەبدی» دکە و ژ وی رە دبێژە: «ئەڤ دەمەکە ئەز ل سلێمانیێ داکو دەرباسی قەندیلێ ببم، لێ بەلێ ت فەرمان و تەعلیمات و نزیکاتیەک ژ من رە نایێ».
ل سەر ڤێ یەکێ پۆلات جان داخوازا تەعلیماتان ژ مازلووم عەبدی دکە، لێ ژ بەر کو پۆلات ب نهێنی و بێی هایدارکرنا مازلووم دەرباسی باشوورێ کوردستانێ بوویە، مازلووم پر هێرس بوویە و نەرازیبوونا خوە ژ پۆلات رە دیار کرییە و ژ وی رە راگهاندییە، «ژ بەر کو تو بێی دەستوورییا من دەرباسی باشوور بوویی، ئەز نەئامادەمە ت موداخەلەیا ڤێ مژارێ بکم».
هەر وها چاڤکانیێن مە تەکەز کر، پشتی ڤێ یەکێ مازلووم عەبدی، پۆلات جان ژ ئەرکا وی وەکە هەماهەنگکارێ هێزێن سووریا دەمۆکراتیک ب هێزێن کوالیسیۆنا ناڤدەولەتی رە دوور خستییە، ژ ئالیێ خوە ڤە پۆلات جان ژی ژ ڤێ هەلوەستا مەزلووم عەبدی عاجز بوویە و پرسگرێکێن هەری کوور د نێڤبەرا وان دە دەرکەتنە.
چاڤکانیێن مە هەر وها تەکەز کر، ل سەر ڤێ پرسگرێکێ پۆلات جان عاجز بوویە و ل مەها کانوونا دویەمین یا ئیسال 2022ێ چوویە دوله‌تا ئیماراتا عەرەبی و هەیا نها ئامادە نەبوویە ڤەگەرە.
