گرووپه‌كا له‌شفرۆش ل باژارێ دێركێ ئاشكه‌ره بوو، ئیستخباراتا یه‌په‌گێ ئه‌و ژ بۆی خاپاندنا كه‌چ و جوانان ئه‌ركدار كریه و ب رییا گرتنا دیمه‌نێن وان یێن ڤیدیۆ، وان ته‌هدید و نه‌چاری كارێ له‌شفرۆشیێ دكه.
چاڤكانیێن تایبه‌ت یێن «داركا مازی» ل رۆژئاڤا كوردستانێ ئاشكه‌ره كرن، گرووپه‌كه له‌شفرۆشان كو ژ هن كه‌چێن ب ره‌گه‌ز عه‌ره‌ب و جوانان پێكهاتیه ل باژارێ دێركێ ئاشكه‌ره بوو، ئه‌ڤ گرووپ گرێدای ئیستخباراتا یه‌په‌گێ، باسكێ له‌شكه‌ری یێ په‌كه‌كێ یه و ب ته‌علیماتێن وێ كار دكه.
ده‌ستنیشان كر، یێك ژ كه‌چێن ڤێ گرووپێ ب ناڤێ «مه‌ها» تێ ناسكرن، ژ شێنیێن گوندێ تل عه‌لۆ یێ چل ئاغا یه و وه‌كه به‌رپرسا گرووپا له‌شفرۆشان تێ ناسكرن، ئه‌و ل سینۆرێ رمێلانێ كارێ خاپاندنا كه‌چان و نه‌چاركرنا وان بۆ له‌شفرۆشیێ دكه.
چاڤكانیێن مه دیار كرنه، دو برایێن «مه‌هایێ» ئه‌ندامێن ئاساییشا په‌یه‌دێ نه و هه‌والگیرییا یه‌په‌گێ خانیه‌ك ل دێركێ ژ بۆی وێ دابینكریه.
ل گۆری ئاگاهیێن ده‌ستێ مه، یێك ژ كه‌چێن دن یێن وێ گرووپێ ب ناڤێ «مونا» تێ ناسكرن، ئه‌و ژ عه‌ره‌بێن دێركێ یه، وێ دیار كر كو مه‌ها یا سه‌رپرشتا گرووپێ ژ هێلا ئیستخباراتا یه‌په‌گێ ڤه بۆ خاپاندنا كه‌چان هاتیه ئه‌ركدار كرن و گۆت: «هن جوانێن ژ رێخستنێن ئیستخباراتێ ژ بۆ گرێدانا پێوه‌ندییان ب كه‌چان ره تێن ئاراسته كرن و ئه‌ڤ جوان كه‌چان وێنه دكن و پشتره ب وان وێنه و دیمه‌نان كه‌چ تێن ته‌هدید كرن و بۆ كارێ له‌شفرۆشیێ تێن نه‌چار كرن».
هه‌روه‌ها ئاشكه‌ره كر، ل رۆژێن رابووری كه‌چه‌كا ب ناڤێ «ماندلینا» كو ژ شێنیێن گوندێ گركه‌ندال یێ دێركێ یه، بوویه قوربانییا ڤێ یارییا قرێژ، پشتی كو مه‌هایێ جوانه‌كێ عه‌ره‌ب ژ بۆی گرێدانا پێوه‌ندییان و كشاندنا دیمه‌نێن وێ یێن ڤیدیۆ ئه‌ركدار كری و گۆت كو نها مه‌ها ب رییا وان دیمه‌نان گه‌فان ل ماندلینایێ دخوه كو ته‌ڤلی كارێ بێ ره‌وشتیێ ببه.
ئاگاهیێن مه ته‌كه‌ز كرنه كو ته‌ڤ كه‌چێن كو بوونه قوربانیێن ڤێ گرووپێ، ب هه‌مان ئاوایی ژ بۆی خاپاندنا جوانان تێن ئاراسته كرن و ئه‌ڤ جوان و زلام دكه‌ڤن بن كۆنترۆلا ئیستخباراتا یه‌په‌گێ.
