دوران کالکان ل ئیمرالیێ ب عهبدوللا ئۆجالان رە ھەڤدیتن کر
* وێنه ب ژیرییا دهستكرد هاتییه چێكرن
دەرکەت ھۆلێ کو عهبدوللا ئۆجالان ل ئیمرالیێ ب پێنج سەرکردەیێن پهكهكێ رە، کو ژ ئالیێ دوران کالکان و سابری ئۆک ڤە دھات برێڤەبرن، ھەڤدیتن پێک ئانییە.
ب پێڤاژۆیا کو ب ھلوەشاندنا پهكهكێ ژ ئالیێ عهبدوللا ئۆجالان ڤە د 27ێ سباتا 2025ێ دە دەست پێ کری، د ناڤبەرا پهكهكێ و دەولەتا ترکیێ دە ترافیکەکا بالکێش یا دانوستاندنان دەست پێ کر. ئەڤ دەمەکە دەستێ کی د بەریکا کێ دایە نە دیارە.
کورد ژ ڤان جڤینێن ڤەشارتی یێن ل سەر چارەنووسا خوە (کوردان) بێخەبەرن. داخویانیێن پهكهكێ د چار مەھێن داوی دە، کو ئیدیعا دکن “ب سەرۆک ئاپۆ رە ھەڤدیتن چێنابن، پێڤاژۆ راوەستیایە”، دەرەو دەرکەتن. دەرکەت ھۆلێ کو ئۆجالان و رێڤەبەرییا پهكهكێ ل ئیمرالیێ گەلەک جاران ھەڤدیتن پێک ئانینە.
کی بەشداری ھەڤدیتنان بوویە؟
ھاتە راگھاندن کو ئۆجالان د 2-3یێ سباتێ دە ل ئیمرالیێ ب رایەدارێن پهكهكێ دوران کالکان (عەباس تورک)، سهبری ئۆک، ھێلین تورک (نیلووفەر چۆبان)، راپەرین دێرسم (ئۆزلەم ئالپاسلان)، بشار قۆسەر (ئەھمەت یلدرم) رە ھەڤدیتن پێک ئانییە.
یانی شاندەیا سەرکردەیێن پهكهكێ 2 رۆژان ل ئیمرالییێ مانە و قەیدێن ئاخافتنێن وان یێن ب ئۆجالان رە د چاپەمەنیێ دە ھاتن وەشاندن. ئەمێ ڤان دەستنڤیسێن کو ژ 41 رووپەلان پێک تێن ب سەرنڤیسان بەرھەڤ بکن و د رۆژێن پێش دە ب سەرناڤێ “دارکا مازی” بوەشینن.
شاندە چاوا چوو؟
ل گۆری ئاگاھیێن مە، ئەو شاندە ب بالافرەکە ڤەشارتییا کو ژ ئالیێ ترکیێ ڤە ھاتبوو شاندن بوو بالافرگەھا سلێمانیێ ژ ور چوونە ترکییێ. بالافر ل بالافرگەھا باژارێ بورسایێ داکەتیە و ژ ور شاندە چوویە ئیمرالیێ.
ب راستی، دەولەتا ترکیێ ھەتا نھا گەلەک شاندە ژ رۆژئاڤا و سلێمانیێ برنه ترکیێ.
گەلۆ شاندەیێن دن ژی چوونە ئیمرالیێ؟
دارکا مازی یەکەم چاپەمەنی بوو راگھاند کو سەرکردەیێن پهكهكێ چوونە ئیمرالیێ و ب ئۆجالان رە جڤیانە. ھەر چەند پهكهكێ و دەردۆرا وێ یا نێزیک وێ دەمێ نووچەیێن مە رەد کرن ژی، راستی ھێدی ھێدی دەرکەت ھۆلێ.
دارکا مازی د خزیرانا سالا بۆری دە جارا یەکەم نڤیساند کو بەسێ ھۆزات و سهبری ئۆک چوونە ئیمرالیێ.
د نووچەیەکێ دە کو مە د 5ێ گولانێ دە وەشاند بوو، مە راگھاند کو شاندەیەک کو ناڤێن وەکی دوران کالکان و هێلین ئومید تێ دە نە، چوویە ئیمرالیێ.
مە د 9ێ گولانێ دە ژی راگھاند کو مهزلووم عهبدی و ئیلھام ئەحمەد ل ئیمرالیێ ب ئۆجالان رە ھەڤدیتن پێکئانینە.
ل گۆری ئاگاھیێن کو نھا د دەستێ مە دە نە، دوران کالکان د داوییا خزیرانێ دە، ژ بلی سباتێ، جارا دویەمین چوویە ئیمرالیێ. ھەر وھا، جەمیل باییک د ھەفتەیا دویەمین یا تەباخێ دە چوویە ئیمرالیێ. وەکی دارکا مازی، ئەمێ د دەمەک نێزیک دە ل سەر ڤان ھەر دو ئاگاھییان داخویانیەکێ بەلاڤ بکن.
نۆتێن ھەڤدیتنان ل گەل دارکا مازی ھەبوون لێ وان نەوەشاندن
ب راستی، وەکی گرووپا دارکا مازی، نۆتێن ھەڤدیتنێ یێن دوران کالکان ب ئۆجالان رە د سباتێ دە ژی ھەبوون. لێبەلێ، مە ژ بۆ زەلالکرنا پێڤاژۆیێ، وەشاندنا وان گونجاو نەدیت.
لێبەلێ پاشێ، دەزگەھێن دن یێن مەدیایێ ئەو وەشاندن. نۆتێن ھەڤدیتنێ ھەم ژ ھێلا دەولەت و ھەم ژی ژ ھێلا ئالیێن د ناڤ پهكهكێ دە کو ژ پێڤاژۆیێ نەرەحەتن، ژ مەدیایێ رە ھاتن شاندن و دەشیفرە کرن.
ژ بلی چیرۆکێن ئۆجالان ب کەچان رە مەلەڤانگەھێ دە، و گۆتنا ئۆجالان ژ دوران کالکان رە، “من دگۆت قەی دژمن توو شاندی ناڤا مە”، ئەڤ نووچەیێن ماگازینی ئەمێ د رۆژێن پێش دە پلانێن کو وان د دەربارێ ھەرێما کوردستانێ و دژی رێبازا سییاسی یا بارزانی دە چێکرنە بەش ب بەش بەلاڤ بکن.
