هات نووكرن – رێزان جاوید به‌رپرسێ پایه‌بلندێ په‌كه‌كێ هات كوشتن
«رێزان جاوید» رایه‌دارێ په‌كه‌كێ و فه‌رماندارێ پایه‌بلندێ پارتیا ژیانا ئازاد پژاكێ، باسكێ په‌كه‌كێ یێ رۆژهلاتا كوردستانێ، د ئێریشه‌كێ ده كو ئیستخباراتێن هه‌ردو ده‌وله‌تێن تركیه و ئیرانێ ئه‌نجامداییه، هات كوشتن.
بالافرێن بێمرۆڤ یێن ده‌وله‌تا تركیێ ل 6 ته‌باخا ئیسال 2022ێ ئۆتۆمبیله‌ك ل تاخا پیشه‌سازی یا باژارێ قامشلۆ یێ رۆژئاڤا كوردستانێ هه‌ده‌ف كر، د ئه‌نجاما ڤێ ئێریشێ ده 5 كه‌س هاتبوون كوشتن، یێك ژێ ئه‌ندامێ رێڤه‌به‌رییا پارتیا ژیانا ئازاد پژاكێ یووسف مەحموود رەبانی یێ كۆدناڤێ «رێزان جاوید» بوو.
ل گۆری ئاگاهیێن كو نه‌رینگه‌ها سووری یا مافێن مرۆڤان به‌لاڤكرنه، ئیستخباراتێن ده‌وله‌تێن تركیه و ئیرانێ ئۆتۆمۆبیلا رێزان جاوید ژ ده‌ما ده‌ركه‌تنا وی ژ عاموودێ د شۆپاند و پشتره وه‌ختا گهایه قامشلۆیێ، بۆمبه لێ باراندن.
ده‌ربارێ كوشتنا رێزان جاوید، دەستەیا هوندرین یا هەرێما جزیرێ راگهاند، د ئێرشا ترکیێ یا رۆژا 6ێ تەباخێ ل سەر تاخا پیشەسازی یا باژارێ قامشلۆ دە، فەرماندارەکی پژاکێ هات کوشتن.
دەستەیا هوندرین یا هەرێما جزیرێ دەربارێ ئێرشێن ڤێ داویێ یێن دەولەتا ترکیێ ل سەرانسەرێ هەرێمێن رۆژئاڤایێ کوردستانێ و هەرێمێن رێڤەبەریا خوەسەر دە کۆنفەرانسەکە رۆژنامەڤانی ل دار خست.
هەڤسەرۆکێن دەستەیا هوندرین یا هەرێما جزیرێ کەنعان بەرەکات و حەمرین عەلی د کۆنفەرانسێ دە دیار کرن، ئارتێشا ترکیێ د دەما داوی دە ئێریشێن خوە ل سەرانسەری هەرێمێ زێدە کرنە.
ئاشکەرە کر ژی، ئەندامێ رێڤەبەریا پارتیا ژیانا ئازاد یا کوردسانێ پژاکێ یێ ب ناڤێ یووسف مەحموود رەبانی و كۆدناڤێ «رێزان جاوید» کو ب سەردانەکێ هاتبوو هەرێمێ، د ئێریشا ئارتێشا ترکیێ یا ل سەر تاخا پیشەسازی دە هاتیە کوشتن.
درۆنەکە ترکیێ رۆژا 6ێ تەباخێ ئۆتۆمۆبیلەک د ناڤا قامشلۆ بۆمبەباران کربوو و ل گۆر داخویانیەکە هه‌سه‌دێ، د ئەنجامێ دە 4 کەس هاتن کوشتن کو د ناڤا وان دە 2 زارۆک هەبوون.
دەستەیا هوندرین، دەولەتێن گارانتۆرێن ئاگربەستێ و ب تایبەت رووسیا و هەڤپەیمانیا ناڤدەولەتی یا ل دژی داعشێ د بەر ڤان ئێریشان دە بەرپرس دبینە و بانگ ل رێخستنێن ناڤنەتەوەیی، نەتەوێن یەگرتی، ئەنجوومەنا ئاسایشا ناڤدەولەتی و رێخستنێن مافێن مرۆڤان کر، رێگریێ ل ڤان ئێریشان بکن و قەدەخەیا فرینێ ل هەرێمێ فەرز بکن.
رێزان جاوید كی یه؟
ل سالا 2003ان تەڤلی رێخستنێ بوو.
ب دەم درێژی ل چاپەمەنییا پژاکێ دما.
ھەردەم وەک جاسۆسەکێ د ناڤا ھەڤالێن خوە دا ناکۆکی چێدکرن و ھەڤالێن خوە راپۆری ژۆر دکرن.
د ناڤ پژاکێ دا ببوو چاڤدێرێ کۆنسەیێ.
پشتی دەمەکێ د کۆنگرەیا 2008ان ده ل دۆلا شەھید ھارۆن ل قەندیلێ، پەکەکێ ژ بۆ ھلبژارتنێ د لیستا کۆنسەیێ دا جی دانێ، لێ نەھاتە ھلبژارتن.
دیسان ژ تەرەفێ کۆنسەیێ پشتی دەمەکێ ئەو ئێخستنە د ناڤ رێڤەبەریێ ده.
ل سالا 2014ان ده جڤینێن حزبێن کوردستانی ژ بۆ ئامادەیی یێن کۆنگرەیا نەتەوه‌یی ل ژێر سەرۆکتیا «مەسعوود بارزانی» دە، ئەو ژی د گەل «سەبری ئۆک» و دەستەیا د وێ جڤینێ دا ب تەمسیلا پژاکێ جی گرت.
ژ بۆ كو په‌كه‌كه «رێزان جاوید» ل به‌ر چاڤێن شه‌رڤانان مه‌زن بكه، ژ ئالیێ سەرۆکێ کەجەکێ ڤە هاتە شاندن ژ بۆ رێڤەبەرییا حەفتەنینێ ژبۆ كو پشتره ببێژن د ناڤا شه‌ر ده مایه.
رێزان جاوید وه‌كه گه‌له‌ك ژ رێڤه‌به‌رێن په‌كه‌كێ دبێژن وی دوژمن ب دووربینێ ژی نه‌دیت بوو، لێ به‌لێ ژ به‌ر خزمه‌تێن وی یێن جاسووسیێ ژ بۆی كونسه‌یا په‌كه‌كێ، رێخستنێ ئه‌و بلند كر.
