وەزیرێ رەوشەنبیری و لاوان جڤاکناس ئیسمایل بەشیکچی ڤەخوەندە حەلەبجەیێ

وەزیرێ رەوشەنبیری و لاوان جڤاکناس ئیسمایل بەشیکچی ڤەخوەندە حەلەبجەیێ

وەزیرێ رەوشەنبیری و لاوان یێ ھەرێما کوردستانێ حەمەی حەمەسەعید د پێوەندیەکا تەلەفۆنی دا کەسایەتێ ناڤدار و جڤاکناس ئیسمایل بەشیکچی ڤەخوەندە باژارێ حەلەبجەیێ.

حەمەی حەمەسەعید د پێوەندیا تەلەفۆنی دا رەوشا تەندروستیا ئیسمایل بەشیکچی پرسی و پەسنێ خزمەتێن وی یێن نەمرێن ژ بۆ ناساندنا ژیانا سیاسی و دیرۆکا تەڤگەرا رزگاریخوازا کوردستانێ دا.

حەمەسەعید د پێوەندیێ دا ئیسمایل بەشیکچی ڤەخوەندە حەلەبجەیێ، دا کو سەردانا پارێزگەھێ بکە و ژ نێز ڤە مۆنومێنتا ھەلەبجەیێ، ناڤەندێن ھونەر و رەوشەنبیریێ ببینە و سەردانا سروشتا جوانا ھەورامانێ بکە.

ل ھەمبەر ڤێ ڤەخوەندنێ، ئیسمایل بەشیکچی تەڤی سپاسیێ، کێفخوەشیا خوە ژ بۆ ڤەخوەندنێ نیشان دا و ھێڤیا خوە ئانی زمان کو د دەرفەتەکە ھەری نێز دا ڤێ سەردانێ پێک بینە.

پوستێن ھەمان بەش