گرووپێن چەکدار ل عەفرینێ دو کەچێن کورد رەڤاندن

گرووپێن چەکدار ل عەفرینێ دو کەچێن کورد رەڤاندن

گرووپێن چەکدارێن ئۆپۆزیسیۆنا سووریێ یێن کو لگەل ئارتێشا ترکیێ دا ھەرێما عەفرینێ داگیر کرنە، 2 کەچێن کورد ژ گوندێ «میرکان» یێ سەر ب «مابەتا» رەڤاندن.

ژێدەرەکی ژ باژارێ عەفرینێ راگھاند، ئیستخباراتا ترکیێ و گرووپێن چەکدار دو کەچێن کوردێن ب ناڤێ «میدیا فەتحی جدی» یا 39 سالی و «لینا فەتحی جدی» یا 37 سالی ژ گوندێ میرکان یێ مابەتایێ سەر ب ھەرێما عەفرینێ، ب تۆھمەتا پێوەندیا وان یا بەرێ یا لگەل رێڤەبەریا خوەسەر دا رەڤاندنە.

ل گۆر ھەمان چاڤکانیێ، بەریا رەڤاندنا ھەردو خوشکان، بابێ وان فەتحی جندی کو تەمەنێ وی 55 سالییە، ژ ئالیێ ھەمان گرووپان ڤە ھاتبوو گرتن و پشتی رۆژەکێ ژ ستاندنا پارەیان ژ مالباتا وی، ھاتبوو بەردان.

ژ دەما داگیرکرنا عەفرینێ ژ ئالیێ ئارتێشا ترکیێ و گرووپێن چەکدارێن سەر ب وێ ڤە د ئادارا 2018ێ دا، زێدەتر ژ 8 ھەزار کوردێن عەفرینێ ھاتنە رەڤاندن و ھەتا نھا چارەنڤیسا ھەژمارەکا مەزن ژ وان نایێ زانین.

ل گۆر چالاکڤانێن عەفرینێ، گرووپێن چەکداران یێن سەر ب ترکیێ ڤە ب ئارمانجا کو کوردێن عەفرینێ نەچار ببن دەست ژ جھ و وارێ خوە بەردن و کۆچبەر ببن یان ژی پارە، فدیە و باجان ژ وان بستینن، وەلاتیان درەڤینن و ئێشکەنجە ددن.

پوستێن ھەمان بەش