ترکیێ دەردۆرا گوندەکێ شارباژێر بۆمبەباران کر

فرۆکەیێن بێفرۆکەڤانێن ترکیێ دەردۆرا گوندێ شێخەلمارێن یێ سەر ب ناڤچەیا شارباژێرا پارێزگەھا سلێمانیێ بۆمبەباران کرن.

ل گۆر زانیاریان، فرۆکەیێن بێفرۆکەڤانێن ترکیێ چەکدارێن پەکەکێ ل نێزیکی گوندێ شێخەلمارێن کرن ئارمانج.

ھەتا نھا چ زانیاریەکا فەرمی دەربارێ زیانان دا نەھاتیە بەلاڤکرن.

ل گۆر زانیاریێن دژە تەرۆرا کوردستانێ، دوھ سێشەمێ 4ێ جۆتمەھا 2022یێ، د دەمژمێر 14:35 دا درۆنەکا ئارتێشا ترکیێ ل ناحیا زەلانا سەر ب ناڤچەیا شارباژێرا ل پارێزگەھا سلێمانیێ ئۆتۆمۆبیلەکا چەکدارێن پەکەکێ کریە ئارمانج، د ئەنجامێ دا دو چەکدارێن پەکەکێ ھاتنە کوشتن و چەکدارەک ژی بریندار بوویە.