مۆببینگا په‌كه‌كێ یا ل سەر کەسێن کو چالاکیا مێرسینێ رەخنە کری دەوام دکە، ڤێ جارێ ژی جەمیل بایک ئاخڤی: «ئاخافتنێن تێن کرن ئاخافتنێن ڤالانە و بێئەخلاقینە»!
یەک ژ دامەزرینەرێن په‌كه‌كێ و هەڤسەرۆکێ کۆنسەیا رێڤەبەرا كه‌جه‌كێ جەمیل بایک، ل سەر نیقاشێن پشتی ئێریشا مێرسینێ هاتن کرن، گەفێن توند کرن، بایک ژ تەلەڤیزیۆنا په‌كه‌كێ ستێرک تی ڤی ره گۆت، «ئەڤ خەتا خوەپاراستنێ یە، کەس نکارە زماندرێژیێ ل ڤێ خەتێ بکە، دڤێ هەر کەس راست نێز ببە و بئاخڤە، ژ بلی ئەنجامێن چالاکیێ یێن ژ بۆ گەلێ کورد و گەلێن ترکیەیێ دەرخستی، هەموو ئاخافتن ئاخافتنێن ڤالانە».
ژ رێڤەبەرێن په‌كه‌كێ دووران کالکان بەریا نها ئاخافتنەکە توند کربوو و گەف ل دەمیرتاش خوار بوو.
مۆببینگا په‌كه‌كێ یا ل دژی سیاسەتمەدارێن باکورێ کوردستانێ دمەشینە
گۆتنا مۆببینگ ئێدی بوویە گۆتنەک سیاسی، مۆببینگ ب واته‌یا «بێزار کرن، وه‌ستاندن و تەسیلم گرتنا کەسه‌كی یان ژی تەڤگەرەکێ، ئێریشا نەفسی، سیاسی و دۆرپێچ كرنێ» دهێت، راستی ژی تیشکا کو په‌كه‌كە ل سەر سیاسه‌تا لیگال پێک تینە مۆببینگە، ژ بەر کو دخوازە قادا سیاسی یا باکور یەکجاری تەسلمیی وێ ببه.
په‌كه‌كە دخوازە ل باکورێ کوردستانێ قادا سیاسی یا لیگال ب تەنا سەرێ خوە برێڤە ببە و قەبوول ناکە کو کەس ب ناسنامەیا خوە یا تاکەکەسی سیاسەتێ بکە، هەمی کەسێن هاتنە دەستنیشان کرن، ب ئەشکەرە ئان ژی نەپەنی تێنە قەوتاندن، کەسێن وەکی ئۆسمان بایدەمیر و لەیلا زانا ژی تێن بێباندۆر کرن.
په‌كه‌كە ب دژوارییا دەڤکی سیاسەتمەدارێن لیگال مۆببینگ دکە، په‌كه‌كە یا کو ب بەردەوامی گەفان ل جڤاکێ دخوە، نرخ و شەهیدان ژ بۆ زەختا دەروونی ب کار تینە، وان چاڤترساندی دکە، دبێژە ئەم ناهێلن هوون وەرن هلبژارتن و تەجریدێ ددە، هەموو جوداهیان بێدەنگ دکە، ب تایبەت مەدیایا جڤاکی و مەدیایا پارتیا خوە د ڤی واری دە ئەکتیڤ ب کار تینە.
په‌كه‌كە یا کو بەرێ گەلەک جاران ئەڤ یەک کربوو، ب تایبەتی ژی پشتی ئێریشا شەڤا 26ێ ئیلۆنێ یا ل مێرسینێ ل دژی پۆلیسان هات کرن، ب ئێریشکارییەکی توند بەرسڤ دا وان کەسێن کو ئەڤ چالاکی رەخنە کرن.
پشتی ئێریشا پۆلیسانا ل مێرسینێ نیقاشێن هاتن کرن
پشتی ئێریشا ل دژی بنکەیا پۆلیسان یا ل مێرسینێ، کو باسکێ لەشکەریێ په‌كه‌كێ هه‌په‌گێ چالاکی گرتبوو سەر خوە، جەمیل بایک ب ئاوایەکی ڤەکری و بێی ناڤ ئانین، بەرسڤ دا داخویانیێن دەمیرتاش و هه‌ده‌پێ.
هەروه‌ها جەمیل بایک گۆت: «کەسێن وێ چالاکیێ رەخنە دکن، دخوازن بچووک، ئەرزان و بێ باندۆر و بەرۆڤاژی بکن، چما ل دژی سیاسەتا دەولەتا ترکیێ یا ل سەر گەلێ کورد، گەریلا برێڤە دبە و کیمیەویێ و بۆمبەیێن نوکلەری یێن تاکتیکی ب کار تینە، دەرناکەڤن، چما ژ دەولەتا ترکیێ، ژ دەستهلاتا ئاکه‌پێ/مه‌هه‌پێ رە نابێژن کو سیاسەتا هوون دکن سیاسەتا سووچێ یه، هوون سووچێ دکن و دخوازن هەر کەسی ژی بکن شریکێ خوە».
جەمیل بایک وها ده‌وام کر: «یێن کو دبێژن بلا شەر نەبە، بلا شیدەت نەبە، وێ چاخێ لازمە ڤێ ژ دەولەتا ترکیێ بخوازن، ئەگەر کو «سارا و رووکەن» ل مێرسینێ ئەو چالاکیا مەزن کرین، لازمە هەر کەس ل سەر وێ بفکرە و ژ خوە رە ئەنجامان دەرخینە، راست نێزی مەسەلەیێ ببە، چما ئەڤ چالاکی یە پێشکەت، سەدەم چیە؟، ل دژی زلما دەولەتا ترک سەکنین، تشتا کو کرنه ئەڤە: ئەو خەتەکە، خەتا خوەپاراستنێ یە، کەس نکارە وسا زماندرێژی ل سه‌ر ڤێ خەتێ بکە، پێویستە هەر کەس راست نێزیک ببە و راست بئاخڤە، ئاخافتنا دەرڤەیی ڤێ چالاکیێ، ئەنجاما وێ نەتەنێ ژ بۆ گەلێ کورد، ژ بۆ گەلێ ترکیێ چێکری ژی وێ ببینن، ئەو ئاخافتنێن دن هەموو ڤالانە، پێویستە هەر کەس ل پێشبەری ڤێ خەتێ و چالاکیێ بێئیمانیێ و بێوژدانیێ نەکە».
