بەری 2 رۆژان سیهویەکەمین سالڤەگەرا کوشتنا یەکەمین سیاسەتمەدارێ کورد عهبدولحهمید زیباری بوو کو ل چیایێ کورمێنج (عەفرینێ) ژ ئالیێ پهكهكێ ڤە هات قەتلکرن.
پهكهكێ 31 سالان بەرێ ل عهفرینێ سیاسەتمەدارەکێ کورد ژ بەر رەخنەیێن وییێن ل سەر رێخستنێ قەتل کر، ئەڤ کوشتن یەکەمین جینایەتا سیاسی یا پهكهكێ بوو ل عهفرینێ.
عەبدولحەمید زیباری کوردەکێ عهفرینی یە، زیباری کوردەکێ وەلاتپارێزە کو د مالباتەکە وەلاتپارێز دە ژ داییک بوویە، کەسەکە کو ژ بچووکاتیا خوە ڤە ژ بۆ تەڤگەرێن کوردستانی خەبات کریە، پشترا وی د رێڤەبرنا پارتیا کوردی یا ب ناڤێ پارتیا ئەلوەحدە، ئانكو یەکیتی دا جهـ گرت، ژ بۆ کو گەل نەکەڤە بن باندۆرا ئاسیمیلاسیۆنا “تەعریبا” عەرەبان، ب ئهلف و بێ یا کوردی ل سەر دیرۆکا کوردی پەروەردە د دا و پشتگری ل پەروەردەیا زمانێ کوردی دکر.
وی د سالا 1991ێ دا ل عهفرینێ چالاکی و شێوازێ خەباتا پهكهكێ رەخنە کر، گەل ژی رەخنەیێن وی مجد دگرت، مژارێن رەڤاندنا زارۆکان، چێکرنا ناکۆکی و جودابوونا د ناڤا گەل دا د ناڤا رەخنەیێن زیباری دا بوون.
عهبدولحهمید زیباری، پشترا ژی رەخنە ل تێکلیێن پهكهكێ و دەولەتا سووریێ گرتن، زیباری گۆت، «پارتیەک کو سەرۆکێ وێ ل شامێ د بن پاراستنا ئەسەد دایە، نکارە و نابە گەلێن ل رۆژئاڤا، عهفرینێ ب رێخستن بکە، ژ بەر کو تەنێ خزمەتا ئهسهد دکە». زیباری بەریا هنگێ ژی تێکلیێن پهكهكێ و رەژیما سووریێ رەخنە دکرن.
پهكهكه ژ بەر زێدەبوونا ڤان رەخنەیان ژ ئالیێ رایا گشتی ڤە نەرحەت بوو، ژ بەر ڤێ سەدەمێ د 10ێ جۆتمەها 1991ێ دا دەما ل گوندێ مەملا یێ گرێدایی ناڤچەیا راجۆ یا عهفرینێ، ل باخێن زەیتوونا دخەبتی ژ ئالیێ پهكهكێ ڤە هات قەتلکرن.
مینا هەر جارێ پهكهكێ گۆت چ ئەلەقەیا من ب ڤێ جنایەتێ نینە و قەبوول نەکر، لێ پشترا ب دانپێدانێن هن ناڤێن کو ژ پهكهكێ ڤەقەتیایی کوژەرێن ڤێ بوویەرێ زەلال بوو، پهكهكێ ئەڤ جنایەت کر بوو.
پشتی کوشتنا زیباری ژی، پهكهكێ توندیا خوە یا ل دژی فکر و رەخنەیێن موخالف بەردەوام کر.
پهكهكێ د دیرۆکا خوە یا 40 سالی دا گەلەک کەسایەتێن سیاسی کو پێشییا خوه وەکە ئاستەنگی دیتنە کرنە ئارمانچ و ئەو ب شێوازێن جوربەجور کوشتنە، ل چار پارچەیێن کوردستانێ جینایەتێن سیاسی پێک ئانینە.
پهكهكێ ب کوشتنا کوردان دەست ب خەباتا خوە یا سیاسی و لەشکەری کریە، وێ دەمێ هەیا نوکە ئەڤ کریارێن دژه-کورد ب زێدەبوون بەردەوام دکن.
د سالێن داوی دە ب تایبەتی ل رۆژئاڤا گەلەک جینایەتێن سیاسی هاتن کرن، هەر وها کەسێن وەکە رێڤەبەرێ ئاساییشا گشتی یا سەرێ زێری ل باشوورێ کوردستانێ غازی سالح ئالیخان ژی قەتلکرن.
