بریکارێ وەزارەتا پێشمەرگە: مە لگەل ھەڤپەیمانان پلانەک ژ بۆ یەکخستنا ھێزێن پێشمەرگە دارشتیە

ریکارێ وەزارەتا پێشمەرگە سەربەست لەزگین راگھاند، ژ بۆ چاکسازی و یەکخستنا ھێزێن پێشمەرگە، وان لگەل ھەڤپەیمانان پلان دانینە.

سەربەست لەزگین دیار کر: “مە لگەل ھەڤپەیمانان پلان دانیە ژ بۆ چاکسازی و یەکخستنا ھێزێن پێشمەرگە. “

لەزگین دەستنیشان کر: “ھێزێن 70 و 80 ب خوەرێکخستنێ ڤە مژوولن، دا کو ڤەگوھێزن سەر وەزارەتا پێشمەرگە.

ھەروھا گۆت: “یەکخستنا ھێزێن پێشمەرگە زێدەتر ھەڤپەیمانان ھان ددە کو ھەڤکاریا ھەرێما کوردستانێ بکن. ل گۆر پلانا کو ھاتیە دانین، ھەتا چار سالێن بێ، دڤێ ھەموو ھێزێن پێشمەرگە د چارچۆڤەیا وەزارەتا پێشمەرگە دا ببن یەک.”

بریکارێ وەزارەتا پێشمەرگە ئەشکەرە کر: “پێوەندیا مەیا باش لگەل تیمێن ھەڤپەیمانان ھەیە، ھێزێن ھەڤپەیمانان ژ ئالیێ شێور، پەروەردەھی و راھێنانێ ڤە بەردەوامن د ھەڤکاریکرنا ھێزێن پێشمەرگە دا، ھەروھا رۆلا وانا سەرەکە ھەیە د جیبجیکرنا پرۆسەیا چاکسازیێ د ناڤ ھێزێن پێشمەرگە دا.”