فەرماندارێ گشتی یێ ھەسەدێ مەزلووم عەبدی د ھەڤپەیڤینەکێ دا دیار کر و گۆت: “توورێن دیالۆگێ یێن ب شامێ رە ئەنجامێن ئەرێنی نەدان. ھەسەدە نایێ بەلاڤکرن. ئەم ل ھەمبەر ئاساییکرنا سووریا-ترکیێ ھشیاریێ ددن. درۆنێن ئەنقەرێ سەرکردەیێن ھەری باشێن ھەسەدێ دکن ئارمانج.”
فەرماندارێ گشتی یێ ھەسەدێ مەزلووم عەبدی د ھەڤپەیڤینەکا لگەل شەرو ئەلئەوسەت دا، ھشیاری دا ل سەر ئاساییکرنا بەرفرەھا ناڤبەرا ئەنقەرە و شامێ و دا زانین، ب سالانە پێوەندیێن ئەولەھیێ د ناڤبەرا ھەر دو ئالیان دا بەردەوامن و ئەشکەرە کر: “نھا د ناڤبەرا وان دا بەحسا ئاساییکرنا بەرفرەھ دهێت کرن. ژ بۆ ئەنقەرەیێ، نۆرمالیزەکرن ب شەرتێ دەرسینۆرکرنا پەنابەرێن سووریەیێ و تێکبرنا فۆرمولا رێڤەبەریا خوەسەریا دەمۆکراتیک ل باکورێ رۆژھلاتێ سووریەیێ یە. بەحسا مۆدەلەکا لھەڤکرنێ دکن کو پێشەرۆژا کۆمێن لەشکەری یێن د بن ئالا ئارتێشا ترک دا تەڤدگەرن دیار تێ کرن.”
مەزلووم عەبدی دەستنیشان کر، ئەڤ نێزیکاتیە “بەرژەوەندیێن ئەنقەرەیێ نیشان ددە و ژ بۆ پاشەرۆژ و ئیرادەیا سووریەیێ مەترسیێن مەزن دحەوینە” دبێژە (ئاساییکرن) دێ ژ چێکرنا چارەسەریەکا سیاسی یا جدی دوور بە.”
عەبدی دیار کر، ئەو ڤێ یەکێ پر جدی دگرن و د دەربارێ ڤێ دا ھندەک تەدبیران دگرن و وھا ئاخڤی: “پەیمانەکا وھا ئیرادەیا گەلێ مەیێ کو ب سالانە ل دژی تەرۆرێ شەر دکە و ب لەھەنگی ئاخا خوە دپارێزە دکە ھەدەف. ئەز بەحسا ناڤەرۆکا پەیمانێ ناکم کو پەنابەرێن سووریێ ژ بەر سەدەمێن سیاسی بکار تینن ژی.”
ھەروھا عەبدی گۆت: “دڤێت ئەم گەلێ سووریێ ب ھەموو بەشێن خوە رە ھشیار بکن کو ل ھەمبەر ئاساییکرنەکا وھا د ناڤبەرا شام و ئەنقەرەیێ دا ل بەر خوە بدن.”
د بەردەوامیێ دا عەبدی دا زانین، پرانیا وەلاتێن کو د مژارا سووریەیێ دا جھ دگرن د وێ باوەریێ دا نە کو ئۆپەراسیۆنەکا لەشکەری یا موحتەمەلا ترکیەیێ یا ل دژی رۆژئاڤا دێ گەلێ سووریەیێ بێزار بکە.
مەزلووم عەبدی ئەشکەرە کر، ئارتێشا ترک 70 ئێریشێن ھەوایی یێن ب درۆنا ل سەر پێشەنگێن لەشکەری یێن ھەری باشێن ھەسەدێ کو د دو سالێن داوی دا ل دژی داعشێ شەر دکە کرنە ھەدەف.
عەبدی گۆت: “ب نێزیکبوونا ھلبژارتنێن ترکیەیێ رە، ئەردۆگان ھەول ددە رایا گشتی یا ترکیەیێ ژ قەیرانێن گرانێن ژ بەر پۆلیتیکایێن خوە دەردخینە، ب کەتنا شەرێن زێدەتر و نێزیکبوونا کۆمێن رادیکال رە، پرسگرێکێن وان بەر ب دەرڤە ڤە بکشینە.”
عەبدی دەستنیشان کر کو د ناڤبەرا شام و ھەسەدێ دا گەلەک گەرێن دیالۆگێ ھەبوون، لێ چ ئەنجامەکا بەربچاڤ نەھات بدەستخستن. ژ ھێلا لەشکەری ڤە نە موومکنە کو ھەسەدێ ب ئاوایەکی بەلاڤ بکن و دبێژە: “ئەڤ ھێز ژ بۆ پاراستنا خاکا سووریێ ب بەردەوامی ل قادێ کار دکن. د ھەمان دەمێ دا خوەدی ئاڤاھیەک رێخستنی یا جودا نە. د بەرژەوەندیا گەل و ئاخا خوە دەیە کو ئەم ڤان ھێزان و نەپەنیا وان بپارێزن و پشتگریێ بدن وان.”
فەرماندارێ گشتی یێ ھەسەدێ دەستنیشان کر، نەناڤەندی یەک ژ کەتنا چارەسەریا سیاسییە و ئاماژە ب وێ یەکێ کر کو حکوومەتا سووریێ دیفاکتۆ نەناڤەندی تەڤدگەرە دەما کو رووبروویێ مەترسیا ھلوەشینێ بوو.
ھەری داوی عەبدی دیار کر، ھەتا چارەسەریەکا سیاسی نەیێ دیتن، نە ئەمەریکا و نە ژی رووسیا ب ئاوایەکی مەنتقی نکارن ھەبوونا خوەیا ل سووریەیێ بدۆمینن و گۆت: “دڤێت ئەم بانگ ل ڤان ئالیان بکن کو ببن گارانتۆرێن چارەسەریا سیاسی یا ب موزاکەرە و زەختێ ل سەر راوەستاندنا دەستوەردان و داگیرکەریا دەرڤە ل سەر ئاخا مە بکن.”
