ت کەس تونە کو ژ پەکەکێ ڤەقەتە و ب دەهان سەرپێهاتیێن نەخوەش د مەژیکێ خوە دە هلنەگرتبن، گەر ژ ترسا پەکەکێ نەبە دبە چیرۆکێن ووسا نەخوەش ژ ڤان کەسانە بهێن بهیستن کو مرۆڤ نکارە خوە ل بەر بگرە، لێ شەرما ژ جڤاکێ و ترسا ژ پەکەکێ رێ ل ڤان کەسانە دگرە سەرپێهاتیێن خوە ژ گەل رە ڤەگێرن داکو گەل راستیا پەکەکێ فێم بکە.

رووپەلا دارکا مازی، د ڤێ نڤیسا خوە دە وێ باسی سەرپێهاتیا یەک ژ گەریلایێن ڤەقەتیایی ژ پەکەکێ بکە، سەرپێهاتیەک ئەوقاس دل ب ئێش و نەخوەش و دوور ژ چاند و کلتۆرا کوردان کو مرۆڤ شەرم ژ خوە دکە باس بکە، لێ ل سەر داخوازا گەریلایێ ئەڤ یەک ب سەری هاتی و ژ بۆی پەردەلادانا ل سەر روویێ پەکەکێ ئەمێ ڤێ سەرپێهاتیێ ژ شۆپینەرێن خوە رە پارڤە بکن.

یەک ژ گەریلایێن پەکەکێ یێن کو ژ ڤێ رێخستنێ ڤەقەتیایە د نامەیەکی دە ژ «دارکا مازی» رە باسی وان تاوانان دکە یێن د ناڤا پەکەکێ دە دەرحەق وی دە هاتنە کرن، ناڤێ ڤی گەریلا «ع.س» ئەو دبێژە ژ بۆی پاراستنا ژیانا خوە و ژ بەر کلتۆر و چاندا کوردان یا دوور ژ ڤان کارێن دەرحەق وی دە هاتنە کرن، ناخوازە ناڤێ وی ب تەمامی وەرە ئەشکەرەکرن.

سەرپێهاتیا «ع.س» یا د ناڤا پەکەکێ دە ب کورتی ب ڤی ئاوایە:

ئەز ژی وەکە جوانێن دن یێن کورد کو پەکەکێ ژ دوور ڤە ناس دکن، ژ بەر عەشقا کوردستانێ و ئازادکرنا کوردستانێ تەڤلی رەفێن پەکەکێ بووم، ئەز پر کێف خوەش بووم کو کاریم تەڤلی رەفێن پەکەکێ ببم، لێ پشتی هن مەهێن کێم کو ئەز د ناڤا پەکەکێ دە مایم و من راستیا پەکەکێ فێم کری و ب دەهان تاوانێن پەکەکێ ب چاڤێ خوە دیتین، ئەز پووشمان بووم و من فێم کر ئەز بەر ب رێیەکە شاش چوومە، پەکەکە نە ئەو رێخستنا کوردییە یا کو من د مەژیکێ خوە دە وێنەیەک ژێ چێکری، پەکەکە نە ژ بۆ ئازادیا کوردستانێ بەلکو ژ بۆی بندەستکرنا کوردان و تەپەسەرکرنا بزاڤێن وان یێن نەتەوی ژ ئالیێ میتا ترکیێ ڤە هاتیە چێکرن، پەکەکە جەهەنەمەکە ژ بۆی هەر کوردەکی.

تەمەنێ من هێژان نەگهیشتبوو 18 سالان دەما ل هەرێما شەدادێ یا رۆژئاڤا کوردستانێ د یەکینەیا گەرۆک یا «شەهید زەلال» دە ئەز راستی دەست درێژیا سەکسی هاتیم، بەلێ، د پاییزا سالا 2017ێ دە ل شەدادێ دو چەکدارێن یەپەگێ یێن ب کۆد ناڤێن «عەگید رۆژهلات و قەندیل هەولێر»دەست درێژیا سەکسی ل سەر من کر، من نەکاری ڤێ یەکێ نە ژ هەڤالێن خوە رە و نەژی ژ بەرپرسیارێن خوە رە ببێژم، ژ بەر کو قەت نەدهات باوەرکرن شەرڤانەک «کوڕ» راستی کارەکی ب ڤی ئاوا وەرە، ژ نەچاریا خوە من ئەڤ تاوانا دەرحەق من دە هاتیە کرن ڤەشارت، لێ چیرۆکا من ل ڤڕ ب داوی نەبوو، بەلکو ئەڤ بوو دەستپێکا کابووسا من یا د ناڤا پەکەکێ دە.

ل سالا 2018ان ل ئاکادمیا «شەهید حسین ماهر» یا هێزێن تایبەت یێن پەکەکێ کو دکەڤە گوندێ «درگنێ» یێ دەڤەرا نهێلیان ل باشوورێ کوردستانێ، دیسا ئەز ژ ئالیێ چەکدارەکی هێزێن تایبەت یێن پەکەکێ راستی دەستدرێژیا سەکسی هاتم، ناڤێ ڤی چەکدارێ پەکەکێ کو دەست درێژیا سەکسی ل من کری «یوجەل» بوو ئەو ژ «بەیت ئەل شەباب» و ژ هۆزا گۆیی بوو، دیسا من جورئەت نەکر ڤێ یەکێ ژ بەرپرسێن خوە رە ببێژم.

من ژ دو هەڤالێن خوە یێن ب ناڤێ «هەردەم قوسەر و قەرار ئامەد» بهیست کو ل سالا 2018ان «یوجەل» دەست درێژیا سەکسی ل سەر گەریلایەکی دن ژی کربوو. هێزێن تایبەت یێن پەکەکێ کو «یوجەل» ژی د ناڤ دە جی دگرت ب کارێ کوشتنا وان کسان رادبوون کو ئێریشی چەکدارەکی پەکەکێ کربە یان یەک ژ وان کوشتبە، من بهیست کو ل سالا 2021ان ل دەڤەرا ئاڤا شین «یوجەل» یەک ژ چەکدارێن پەکەکێ ژی کوشتبوو ، مخابن، لێ من نەزانی ناڤێ چەکدارێ هاتیە کوشتن و سەدەما کوشتنا وی چ بوویە.

ئەڤ ئەو بوو یا ب سەرێ من ب خوە هاتی، چیرۆکێن دن یێن ب ڤی ئاوا نە هندکن، ب سەدان کەسێن دن یێن وەکە من هەنە کو د ناڤا پەکەکێ دە ب ڤی ئاوا دەست درێژیا سەکسی ل سەر هاتیە کرن، لێ نکارن دەنگ بکن.

دوور ژ ڤێ یا کو ب سەرێ من هاتی، ل داویا سالا 2021ان، من ژ هەڤالێن خوە بهیستیە کو دو چەکدارێن پەکەکێ  ل چیایێ گارە رەڤیانە و خواستنە ژ ڤێ جەهەنەما ب ناڤێ پەکەکێ خوە رزگار بکن، لێ بەلێ، مخابن ئەو دو هەڤال کو یەک ژێ کەچ بوو هاتینە گرتن، گەریلایا کەچ هاتیە ئیشکەنجەدان و  زندانکرن لێ گەریلایێ کور راستەراست هات کوشتن.

یا راست ل چیا تێکلیێن سەکسی د نێڤبەرا کەچ و کورێن گەریلا دە روو ددە، ئەڤ تشتەکی خوەزایی یە و ت کەس نکارە رێ لێ بگرە و ئینکار بکە، دەما تێکلیا سەکسی د نێڤبەرا کەچ و کورێن گەریلا دە چێدبە ئەو تێن دەستەسەرکرن و زندانکرن، ئەو تێن نەچارکرن کو خوە رەخنە بکن، پشتی دەمەکی د زندانێ دە دمینن و خوە رەخنە دکن ئەو تێن سەربەست بەردان.

نە ب تەنێ د نێڤبەرا چەکدارێن کەچ و کور دە، بەلکو د نێڤبەرا چەکدارێن کەچ ب خوە دە ژی کارێن سەکسی تێن ئەنجامدایین، هەڤرەگەزخوازی د ناڤا چەکدارێن پەکەکێ دە هەیە، من بهیست کو ل هەرێما زاپێ د نێڤبەرا دو چەکدارێن ژن دە کو مخابن ب تەنێ ناڤێ یەک ژ وان ل بیرا من مایە کو ئەو ژی ب کۆدناڤێ «تەکۆشین جودی» دهات ناسکرن و ژنە گەریلایەک دن دە سەکس هەبوویە، لێ پشتی ئەڤ یەک هاتیە هینبوون هەردو هاتنە گرتن و زندانکرن.

بەلێ، ئەڤ روویێ پەکەکێ یێ دورستە، گەر هوون بخوازن پەکەکێ ناس بکن، نابە ب کەن و بسکێن جوان یێن کچە گەریلایێن د چاپەمەنیا پەکەکێ دە تێن نیشاندان بهێن خاپاندن، نابە ب دیلانا کۆمەک گەریلایان، ب سترانەکی، ب وێنە و ڤیدیۆیەکی یان ب ئاخافتنەکی هوون وەکە من بهێن خاپاندن، د راستیێ دە  پەکەکە جەهەنەمەکە ژ بۆی تەڤ کوردان.