ھێزێن پێشمەرگەیێن کوردستانێ ل چیایێ قەرەچۆخ یێ ناڤچەیا مەخموورێ ل دژی داعشێ ئۆپەراسیۆنەکا لەشکەری ل دار خست.
راگھاندنا وەزارەتا پێشمەرگە راگھاند رۆژا 14ێ کانوونا 2022یێ، لیوایا 18 یا وەزارەتا پێشمەرگە ل قونتارا چیایێ قەرەچۆخ ئۆپەراسیۆنەکا سەربازی ل دژی تەرۆریستێن داعشێ ئەنجام دایە.
ھەروھا ئۆپەراسیۆنا ل گوندێن ل قونتارێن چیایێ قەرەچۆخ ھات لدارخستن، ئارمانجا ئۆپەراسیۆنێ پاقژکرنا ھەرێمێ ژ تەرۆریستێن داعشێ بوویە.
د ڤێ دەربارێ دا لیوا زریان ئیسمایل خەلیفە فەرماندارێ لیوایا 18 یا پیادە راگەھاند، پشتی ئۆپەراسیۆنێ ژی دێ ئۆپەراسیۆنێن ب ڤی رەنگی بەردەوام بن، پێشمەرگە ھەرتم ھشیارە ل ھەمبەر ھەر لڤ و تەڤگەرا تەرۆریستێن داعشێ.
ھەرچەند ھێزێن ئیراقێ ل ھەرێمێ ھەنە ژی لێ تەرۆریستێن داعشێ ل بەر سیبەرا وان دەست ب تەڤگەرێ کریە. لێبەلێ ژ بۆ رێلبگەرتنا داعشێ ھێزێن پێشمەرگە ل ھەرێمێ ئۆپەراسیۆنێن لەشکەری پێک تینن.
