ب سایا سیاسەتا سەرۆک بارزانی ئێدی سینۆر د ناڤبەرا پارچەیێن کوردستانێ دا ھەلوەشین

ب سایا سیاسەتا سەرۆک بارزانی ئێدی سینۆر د ناڤبەرا پارچەیێن کوردستانێ دا ھەلوەشین

ماھر حەسەن

سەرۆکێ نەتەوا کورد مەسعوود بارزانی د ڤان دەمێن داوین دا دیسا ب زەلالی و خورتی و ب ھێز دەرکەت پێشبەری تەڤ دونیایێ و تەکەز کر کو چ جوداھی د ناڤبەرا کەسێن ل عەفرین و ھەولێر دا تونە، نەمازە دەما کو ئەم گەشەدانێن بوویەران و ب لەز ل کوردستانا رۆژئاڤا دبینین، پتر ب جھ دبە کو مە یەک سەروەر و یەک سەرۆک ھەیە، ئەو ژی ب ناڤێ بارزانییە. بێ شک و گومانە کو ئارمانجکرنا ئارامیا کوردستانا سووریێ ژ دەستێ خێرنەخواز و نەمەردان ڤە ب ھەری خرابترین شێوەیێن خوە ئەڤە چەند سالن دیار بوویە، ب رێیا گرووپێن تەرۆریستێن خوەدێنەناس ل سەرانسەری کوردستانا رۆژئاڤا و ھەموو ناڤچەیێن وێ مینا ئاگری بەلاڤ بوونە، کو ب ھەلوەستێن خوەیێن ئەشکەرەیێن دژمنانە ل سەر پرس و مافێن کوردانیێن رەوا دەرکەتنە، لێ د ھەمان دەمێ دە ئەردھەژ ژی ب سەر وان دە چوو، پێریشانی و وێرانی زێدەتر بوو و کولا مە مەستر کر.

سەرۆکێ مە، ب ھەلوەستێن کوردیانە، کو دەستپێشخەریا پشتگریا کوردێن ل عەفرین و ل باکورێ کوردستانێ کری و ھەموو پشتەڤانیا ئالیکاریێ یا بھێز و پشتگر ژ بۆ کوردان ل ھەمبەر چاڤێن دونیایێ دا، ب تایبەتی بەر چاڤێن کەسێن کو ھەول ددن دەستھلاتێ ب دارێ زۆرێ ل دەڤەرێن کوردی مینا عەفرین ب دەست بخن، دیار کر کو ھەرێما کوردستان ب کارە ژ بۆ راوەستاندنا شەری و دەستدرێژیا نەرەوا ل دژی کوردێن ل رۆژئاڤایێ کوردستانێ.

ل ڤر دخوازم بێژم کو رێبەرێ نەمر مەلا موستەفا بارزانی ژ بۆ بدەستخستنا ئارامیا مە کار کر و ناسنامەیەکا یەکگرتی ئاڤا کر، ئەڤ رێباز ژی بوو سەدەما خورتکرنا پەیوەندیێن ھەڤسەنگ ناڤ ھەمی کوردان دا کو ب ھەڤ را و ب یەکدەنگ بێژن کوردستان یان نەمان. ئیرۆ سەرۆک مەسعوود ژی ب ئارمانجا خزمەتکرنا پرسا کورد چ ل سووریێ و چ ل ترکیێ و ئیرانێ راوەستیا و ژ بلی ئەوقاس زەخت، زۆرداری و دۆرپێچێن ئابۆری ل دژی ھەولێر دژمنان پێک ئانین، لێ سەرۆک ژی رامانێ خوە نەگوھەرت.

ب ڤی رەنگی، سەرۆکێ نەتەوا کورد مەسعوود بارزانی رێبازەک تایبەت و بنگەھەک تایبەت ب پێش خستیە کو ھەما ھەما نە مومکنە کو بهێت ھلوەشاندن و ئەڤ ستراتەژی بوو سەدەما ئارامیا ناڤبەرا کوردان دا. چ تەنگاسی ب سەر کوردان دا تێن، ژ ھەولێرا پایتەخت دهێت دەرمانکرن.

پوستێن ھەمان بەش