ھێزێن سووریا دەمۆکراتیک (ھەسەدێ) راگھاند، وان ژ بەر ئەردھەژێ چالاکیێن خوەیێن سەربازی راوەستاندنە و ئامادەکاریا خوە ژ بۆ ئالیکاریا زیاندیتیێن ئەرھەژێ نیشان دانە، لێ ژ ئالیێ ترکیێ ڤە ھاتیە رەدکرن.
بەردەڤکێ ھێزێن سووریا دەمۆکراتیک (ھەسەدێ) فەرھاد شامی راگھاند، ھەسەدێ ژ بەر ئەردھەژا 6ێ سباتێ یا ل باکورێ کوردستانێ و ترکیێ، ھەروھا ل رۆژئاڤایێ کوردستانێ و سووریێ، چالاکیێن خوەیێن سەربازی ل دژی ھێزێن ترکیێ راوەستاندنە.
فەرھاد شامی دیار کر کو وان ئامادەبوونا خوە ژ بۆ ئالیکاریکرنا زیاندیتیێن ئەردھەژا ل ناڤچەیێن باکورێ رۆژئاڤایێ سووریێ نیشان دانە، لێ بەلێ داخوازا وان ژ ئالیێ رەژیما بەشار ئەسەد، ئۆپۆزیسیۆنا سووریێ و دەستھلاتا ترکیێ ڤە ھاتیە رەدکرن.
شامی ھەروھا ئەشکەرە کر کو پشتی روودانا ئەردھەژێ، ترکیێ 20 جاران ئێریش کرنە و د ئەنجامێ دا دو وەلاتی ھاتنە کوشتن.
