دو ئەردهەژێن مەرەشێ، رۆژەڤا هەموو پارچەیێن کوردستانێ ب تایبەت باکورێ کوردستانێ و گەلێ هەرێمێ گوهه‌راندن، ئەم د سەردەمەکێ دا نە کو مرۆڤ د خەمگینیا مرنێ دا ئازارێن مەزن دكێشیت و ژ بۆ پاشەرۆژێ گەلەک دلترسن، هەر کەس ب ئاوایێن جودا ب ڤێ ئازارێ ڤه مژووله، یێن کو خوە ب ئۆلێ ڤە گرێددن، یێن کو مینا کو ئەردهەژ نەبوویە د خوازن ژ بیر بکن و هنەک ژی ب ئالیکاریێن مرۆڤی هەول ددن ڤێ ئێشا گران دەرباس بکن، لێ راستیەک هەیە کو هەموو ل چارەسەریێن تاکەکەسی دگەرن و د کارەساتێن وه‌ها مەزنێن جڤاکی دا، چارەسەریێن تاکەکەسی نە بەسن، پێویستی ب چارەسەریێن جڤاکی هەیە.
مخابن تشتا کو نها هەری زێدە وەکە کورد پێدڤی ئەوە کو دەزگەهێن نەتەوەیی کو کورد بێترس پشتا خوە بسپێرنێ، ئەڤ ژی دبە سەدەم کو کارەساتا ئەردهەژێ و ئازارا کو ل کوردان تێ ژیین دێ ژ بۆ پاشەرۆژێ ئەنجامێن خەرابکەر هەبن، بەریا هەر تشتی مەترسییا مەزن یا مینا گوهەرتنا دەمۆگرافیا باژارێن کوردان هەیە، ژ خوە گەلەک کوردێن وەلاتپارێز و رەوشەنبیر ژ گوهەرتنا دەمۆگرافیا باژارێن کوردان یێن رۆژئاڤایێ فراتێ نیگەرانن، ئەڤ رەوشا ل سەمسوور، مەرەش، رها، دیلۆک و ناڤچەیێن وان دبە کو د سەد سالێن پێش دا پاشەرۆژا کوردان بگوهەرە، پێویستە کورد سەرێ خوە بدن هەڤ و ل گۆری ڤێ مەترسیێ سیاسەتەکا هەڤبەش پێش بێخن.
د ڤێ رەوشێ دا، په‌كه‌كه یا کو خوە وەک خوەدیا یەکانە یا باکورێ کوردستانێ دبینە، ئەندام، مەدیا و ئەکیبا وێ یا نڤیسکار و وێنەکێشێن وێ د ناڤا خەباتەکی دژبەر دا نە. دەردێ وان ژی ئه‌وه: «پشتی ئەردهەژێ، دەزگەهێ خێرخوازیێ بارزانی خوینشەرینییەک مەزن پەیدا کر، گەلێ باکور و رۆژئاڤا هەڤسۆزییا بارزانییان کر».
دەزگەهێ خێرخوازییا بارزانی بەریا ل سەر بوویەرێ 24 ده‌مژمێر دەرباس ببن ل هەرێمێن ئەردهەژێ بوو، کۆمپانیا کاڤین کو مەزنترین گروپا ئینشائاتێ یە ب 200 وەساییتێن كاری ڤە بەشداری خەباتێن لێگەرین و رزگارکرنێ بوو، ل سەمسوورێ، ئەلبستان و ئسلاحیێ ژی دەزگەهێ خێرخوازییێ بارزانی یەکەم دەزگەهـ بوو کو خوارنا گەرم ل سه‌ر زراردیتیێن ئەردهەژێ بەلاڤکر، ل عەفرینێ کوردان وەقفا بارزانی ب هەمبێزی و جۆشه‌كا مه‌زن ڤه پێشوازی کر، د رۆژێن دژوار دا بارزانییان دەستێ خوە د خست بن کەڤر و د هەوارا مرۆڤان چوو، دەزگەهێ بارزانی بوو هێڤیەک د ناڤا ڤان هەرفتەک و کاڤلێن مەزن دا، په‌كه‌كە کەتییە ترسا خوە کو کەسێن ژ ڤێ فەلاکەتا مەزن رزگار بوونە بارزانییان وەک دەرگەهێ هێڤیێ ببینن.
هەر چەند مەدیایا په‌كه‌كێ ژ ده‌ستپێكا ئه‌ردهه‌ژێ زێدە دەنگ دەرنەخستبە ژی، لێ نها ڤەگەریایە سەر ستراتەژیا خوە یا دژه کورد، ئانگۆ «ستراتەژیا شەرمەزارکرنا نرخێن بارزانی، په‌ده‌كێ، پێشمەرگە و کوردستانێ».
یەک ب یەک دەست ب دژبەریێ کرن
راگەهاندنا په‌كه‌كێ ب چ ئاوایی هاریکاریێن ژ هەرێما کوردستانێ چوویی تۆمار نەکر. پڕ هەول ددان کو کامیرایێن وان خەباتکارێن دەزگەهێ خێرخوازییا بارزانی وێنه نه‌كن.
پاشێ ژی ب ئاوایەکی بێشەرم بەحسا سەردانا سەرۆکێ هەرێما کوردستانێ نێچیرڤان بارزانی ژ بۆ دەڤەرێن ئەردهەژێ كر و گۆتن کو «ئەو چوویە کارگەهێن خوە یێن دیلۆکێ کۆنترۆل بکە». ب ڤی ئاوایی رۆژنامەڤانێ په‌كه‌كێ عه‌زیز كویلوئۆگلو ب ناڤێ کۆد کەمال ئامەد، زیارەتا هەری ئینسانی یا جەنابێ نێچیرڤان بارزانی بەرۆڤاژی راگەهاند و دژمناتیا خوە یا ل دژی کوردان دیار كر.
چوونا دەزگەهێ خێرخوازییا بارزانی بوو عەفرینێ ژی کرن مژارا نیقاشێ. گەلۆ چ بوویە، ئەڤ ئالیکاری ب دەستوورا چەتەیان هاتنە شاندن، ژ بەر کو رێیەک دن تونە، هەلبەت هەدەفگرتنا بارزانیان ژ ئالیێ په‌كه‌كێ ڤەنە نوویە، دەرڤەیی رێکا ل سەر ترکیێ ژ بۆ گهاندنا ئالیکاریێن عەفرینێ چ رێکێن دن نەبوون، لێ ئەو په‌كه‌كە یا كو عەفرین رادەستی چەتەیان کرینە خوەدی مافێ ئاخفتنێ یە.
نها ژی دەست پێ کرنە دبێژن کو «په‌ده‌كه رێ نادە کو ئالیکاری د دەریێ سینۆرێ خابوورێ رە دەرباس ببە». په‌كه‌كێ دزانی کو هاریکاریێن وان ناگه‌هنه عەفرینێ، لێ دیسا ل سلێمانیێ دەست ب کامپانیا ئالیکاریێ کر. ئەڤ کامپانیایا ئالیکاریێ یا کو بێ دەستوور و نه زەلال په‌كه‌كە دمەشینە تەنێ رێخستن ل سەر کامپ و هێزا خوە یا لەشکەر دابەش دکە. مینا د کامپانیایێن بەرێ دە ژی کری. ئالیکاری ناچن گەلێ عەفرینێ. یانی ئالیکاری د بن ناڤێ عەفرینێ دە، ب ئارمانجا بەرژەوەندییێن خوە و ئاموورەک پرۆپاگاندایێ هاتییە کرن.
ئەم ڤێ یەکێ ژ ڤان چەند میناکان دبینن؛ په‌كه‌كێ شەرێ خوه یێ كو نه‌یی و یێ سه‌مبۆلیك ل دژ ده‌وله‌تا ترك راوەستاند، لێ ئەڤ فەلاکەتا مەزن یا کو ل کوردان قەومی ژی نەکاری سیاسەتا په‌كه‌كێ یا دژمناتیا په‌ده‌كێ و کوردان بسەکنینە. په‌كه‌كێ ل دژی کوردان ئاگربەست نەکریە. رۆژ رۆژا کو «گەلێ مە وێرانیەکە مەزن دیت، نکاریبوو تشتەکی بفکرە، ژ بۆ یەکتیا کوردان، سیاسەت، پرۆپاگاندا و رەقابەتێ دەینن ئالیەکێ، دەردێ گەل سڤک بکن و ئازارا هەیی دەرمان بکن رۆژا هەڤگرییێ یە» کو کورد خوە نەسپێرن سازییێن ترکان. لێ مخابن ل ڤێ رۆژا هەوارێ دە ژی په‌كه‌كێ دژمناهییا خوە ڤەدرێژە. د ڤان رۆژێن رەش ژی دا په‌كه‌كە و ئاکپە ب بەرژەوەندییا خوە تەڤگەرییان.
ئێریشا په‌كه‌كێ یا ل سەر تەڤگەرێن دن یێن کورد ب تایبەتی په‌ده‌كێ نیشا مە د دە کو فەلاکەتا هەری مەزن یا هاتی سەرێ کوردان په‌كه‌كە ب خوە یە. هێژ ب هەزاران مرۆڤ د بن خرابەیان دا نە، هەزاران مرۆڤ بێ مال و حال مانە، مالباتێن خوە ژ دەست دانە، جەنازەیێن خوە بێ کفن دەفن دکن… د ڤان زرۆفێن خەمگین دا ژی په‌كه‌كه ژ پشتگرییا کوردان دترسە. ب راستی په‌كه‌كه کارەساتا هەری مەزنە ب سەر کوردان دا هاتی. کورد دێ ژ کارەساتا ئەردهەژێ رزگار ببن، لێ مخابن ژ کارەساتا په‌كه‌كێ یا کو 40 سال ددۆمە نکارن خوە رزگار بکن. لێ تشت مسۆگەر ئەوە کو هەیا کورد خوە ژ کارەساتا په‌كه‌كێ رزگار نەکن نکارن خوە ژ چ کارەساتێن دن رزگار بکن.
