رێخستنا په‌كه‌كێ مرنا فه‌رماندارا خوه یا ب ناڤێ ده‌لال عه‌زیزئۆغلو ئاشكه‌ره كر كو ل 17 خزیرانا سالا رابووری ل هه‌رێما كه‌لارێ كه‌تیه به‌ر ئێریشه‌كه تركیێ، رێخستنێ مرنا وێ ژ نوو ڤه راگهاند ژ بۆ كو پرۆباگاندایێ د چالاكیێن 8ی ئادارێ ده ب وێ بكه.
د 17ێ خزیرانێ دە ئارتێشا ترک ل بەژاهیا باژارێ کەلارێ گرێدایی هەرێما گەرمیان يا ل سەر سینۆرێ باشوورێ کوردستانێ ئۆتۆمۆبیله‌ك هەدەف گرت بوو، 4 کادرۆیێن په‌كه‌كێ تێ ده بوون و ژیانا خوە ژ دەست دان، ل وێ ده‌مێ په‌كه‌كێ ته‌نێ ناڤێ فه‌رهاد شبلی راگهاند و یێن دن ڤه‌شارتن و ته‌نێ گۆتبوو وه‌لاتپارێزێن رۆژئاڤا بوون.
چاڤکانیێن دارکا مازی ل وێ ده‌مێ ئاشكه‌ر كربوو كو دەلال عه‌زیزۆغلو یا ب كۆد ناڤێ کۆد راپەرین ئامەد و هاتیجە هەزەر یا ب ناڤێ کۆد بێریڤان زیلان د وێ ئۆتۆمۆبیلێ ده بوون كو ل كه‌لارێ كه‌تیه به‌ر ئێریشا بالافرا كه‌شفێ، تەڤی کو 8 مەهـ د سەر بوویەرێ رە دەرباس بوونە، لێ په‌كه‌كێ هەتا نها ناڤێ ڤان کەسان ئەشکەرە نەکری بوو.
د ئێریشا کەلارێ دا بەرپرسێ په‌كه‌كێ «فەرهاد شیبلی» هاتیە کوشتن
هاتە راگهاندن کو ئەڤ هەر چار ناڤێن هه‌نێ سەردانا هن یەکینەیێن پەروەردەهیا لەشکەری یێن په‌كه‌كێ ل نێزی کەلارێ کرنە و ئەو کۆمیتەیا په‌كه‌كێ نه.
په‌كه‌كێ هەتا نها ونداکرنا ب دەهان کادرۆ و رێڤەبەران ڤەشارتیە، ده‌ربارێ ژیان ژ ده‌ست دانا عه‌لی حه‌یده‌ر قه‌یتان ژیدە هێژان ت داخویانی نەهاتنە دایین.
دەولەتا ترک د ڤان سالێن داوی دە ب تەکنۆلۆژیا پێشکەتی ئێریشێن خوە زێدە کریە و ناڤێ کەسێن لێ خستیە ئەشکەرە دکە، یانی هەم دەولەتا ترک کەسێ کو هاتیە گولەبارانکرن ناس دکە و هەم ژی رایا گشتی، لێ په‌كه‌كێ ئه‌شكه‌ره ناكه، ئەڤ یەک ژی د ناڤا مالباتان دە دبە سەدەما بەرتەکەکێ، هاتە دیارکرن کو په‌كه‌كێ ژ پێنگاڤا شەمزینانێ یا سالا 2012ان هەتا نها زێدەتری 500 کەسێن کو ناڤێن وان نەهاتن ئەشکەرەکرن ژیانا خوە ژ دەست دانە و د ناڤ وان دە رێڤەبەرێن پایەبلند ژی هەنە.
دەما هەوجە بکە پکک ڤان ناڤان ئەشکەرە دکە. هات دیارکرن ژ بۆ کو ب ناڤێ راپه‌رین ئامەد ژی پرۆپاگاندایا 8ێ ئادارێ وەرە کرن رێخستنێ ژ نوو ڤه مرنا وێ ئاشكه‌ره كریه.
راپەرین ئامەد کو د سالا 1992ان دە تەڤلی ناڤا رەفێن په‌كه‌كێ ببوو، وەکە یەک ژ شۆپدارێن په‌كه‌كێ تێ ناسکرن. هات زانین کو ئامەد کو پەروەردەیا ئۆجالان دیتیە ل ئامەد، ئەورۆپا، قەندیل، شەنگال و رۆژئاڤا خەباتێن خوە مه‌شاند بوون.
