به‌سێ ده‌ره‌وان به‌س ناكه‌!

bese-hozat-pkk-bcf-kurdistan-erdhej

به‌سێ هۆزات یا هه‌ڤسه‌رۆكا كه‌جه‌كێ، ژ بۆ كو حه‌مله‌یا ئالیكاریێن باشوورێ كوردستانێ ژ بۆی زیاندیتیێن ئه‌ردهه‌ژێ یێن ل باكور و رۆژئاڤا بێ واته‌ بكه‌، ل مه‌دیا رێخستنێ ده‌ركه‌ت و نرخاندن كر، به‌سێ دگۆ: «په‌ده‌كێ ل باشوورێ گه‌لێ مه‌ ئاسته‌نگ كر كو ئالیكاریێ بكن».

ل رۆژا 28 سباتا 2023ان، به‌سێ هۆزات به‌شداری به‌رنامه‌یا تایبه‌ت یا «مه‌دیا هه‌به‌ر تی ڤی» یا په‌كه‌كێ بوو، وه‌كه‌ هه‌رجار راستی به‌رو‌ڤاژ كر و ده‌ربارێ فه‌لاكه‌تا ئه‌ردهه‌ژی و ئالیكاریێن باشوور ژ بۆی زیاندیتییان ئانی زمان كو «په‌ده‌كێ گه‌لێ مه‌ ل باشوور ئاسته‌نگ كر و نه‌هشت ئالیكاریێ بكن».

 د به‌شه‌كا دن یا گۆتنێن خوه‌ ده‌ به‌سێ گۆ هه‌ڤگرتن و پشتگرییا «هه‌ده‌پێ، حه‌ده‌كی، كه‌جه‌دێ و ده‌به‌پێ و ته‌ڤگه‌را ئیسلامی ئا ده‌مۆكراتیك!» و سازیێن ل تركیێ گه‌له‌كی خورت بوو و ژ به‌ر ڤێ گه‌لێ مه‌ یێ ل باكور هنه‌كی ل به‌ر خوه‌ دا.

10 چادركێن هه‌ده‌پێ و 242 بارهه‌لگرێن وه‌قفا بارزانی!

ته‌ڤی كو مه‌هه‌ك ل سه‌ر ئه‌ردهه‌ژا 6ی سباتێ ده‌رباسبوو، لێبه‌لێ هێژان حه‌مله‌یا ئالیكاریێ یا باشوورێ كوردستانێ یا كو ب رییا «وه‌قفا بارزانی» تێ ئه‌نجام دایین وه‌كه‌ مانشه‌ت و سه‌ردێرا نووچه‌یێن مه‌دیا تركیێ و جیهانێ نه‌‌، ده‌ڤ ژێ به‌رده‌ گه‌لێ مه‌ یێ باكور و رۆژئاڤا كوردستانێ ب چ جووش و كێفخوه‌شیه‌ك مه‌زن و ب ئالا ره‌نگینێ كوردستانێ ئه‌ڤ حه‌مله‌ پێشوازی كر، به‌لێ ئه‌ڤ یێك ژ بۆی په‌كه‌كێ وه‌كه‌ ژه‌هرا مار بوو، ژ بۆی به‌سێ و رێڤبه‌رێن په‌كه‌كێ باكور و رۆژئاڤا ب ته‌ڤاهی وێران و كاڤل ببان، نه‌كو ناڤێ كوردستانێ و بارزانی ئه‌وقاس ل ور ب باندۆر ببا.

 تیمێن ئالیكاریێ یێن باشوورێ كوردستانێ و وه‌قفا بارزانی، ل به‌ر چاڤێ هه‌موو دنیایێ وه‌كه‌ یه‌كه‌مین تیما ئالیكاریێ بوو كو گهیشتن هه‌رێمێن ئه‌ردهه‌ژێ، هێژان 24 ساعه‌ت ده‌رباس نه‌بووی ئه‌و ل ور ئاماده‌بوون، ب ماكینه‌یێن كار و سه‌دان بارهه‌لگرێن ئالیكارییان د ده‌ریێ ئیبراهیم خه‌لیل ره‌ ده‌رباس بوون، تیما ئالیكاریێ یا باشوور ئه‌و قاس مه‌زن و ب باندۆر بوو كو خوه‌ ب سه‌دان كه‌سایه‌تی، پارلمه‌نته‌ر و سیاسێن فاشێست یێن ترك ژی نكارین راستییا وان ڤه‌شێرن و ناچار مان ل داویێ په‌سنێ ڤێ ئالیكاریێ بدن، لێبه‌لێ په‌كه‌كه‌ یا كو خوه‌ ب پارتیه‌كه‌ كوردستانی دده‌ ناسكرن، ئه‌ڤ قه‌ده‌ر بارهه‌لگر و تیمێن باشوور نه‌دیتن، لێ 10 چادركێن 5 پارتیێن خوه‌ یێن باكور دیتن!.

ئه‌مێ ب داتا و ده‌لیل به‌رسڤا به‌سێ بدن:

وه‌قفا بارزانی وه‌كه‌ پێشه‌نگا هه‌موو دنیایێ یه‌كه‌مین بوو كو ب ده‌هان بارهه‌لگرێن ئالیكاریێن له‌زگین، تیمێن دختۆران، تیمێن خه‌لاسكرنێ و ماكینه‌یێن كار گهیشتنه‌ باكورێ كوردستانێ، هێژان 24 ساعه‌ت ده‌رباس نه‌بوو تیمێن باشوورێ كوردستانێ ل باژارێن «دیلۆكێ، سه‌مسوورێ، ئورفا و ئه‌ده‌نه‌ و ئامه‌دێ، مه‌ره‌ش و مه‌له‌تیێ» به‌لاڤه‌ بوون، وان ئینسان ژ بنێ هه‌رفته‌یان خه‌لاس كرن، ئالیكاری دان وان، بریندار ته‌داوی كرن.

پشتره‌ ب دو رۆژان تێمێن وه‌قفا بارزانی د ده‌ریێ سه‌لامیێ ره‌ ده‌رباسی عه‌فرینێ و هه‌رێمێن ئه‌ردهه‌ژێ ل رۆژئاڤا كوردستانێ بوون و هێژان ژی ل ورن و ل سه‌ر ئه‌ركا خوه‌ ئا مرۆڤاتێ به‌رده‌وامن، نها ژی ئۆفیسه‌ك ل عه‌فرینێ ئاڤاكرنه‌ و ئالیكاری ژ ور راسته‌ راست بۆ مه‌غدوورێن ئه‌ردهه‌ژێ دچن.

ل گۆری داوی راپۆر كو ژ وه‌قفا بارزانی ده‌ركه‌تی یه‌ و هه‌موو داتا ب ده‌لیل خستنه‌ د ناڤا راپۆرێ ده‌، هه‌یا رۆژا 4 ئادارێ ئه‌ڤ ئالیكاری ژ بۆی باكور و رۆژئاڤا كوردستانێ هاتنه‌ كرن:

  • 142 بارهه‌لگرێن ئالیكارییان

  • 86 بۆ باكورێ كوردستانێ و تركیێ.

  • 56 بۆ رۆژئاڤا كوردستانێ.

  • ئالیكاری ووسا بوون:

  • 000 خوارنێن گه‌رم.

  • 064 به‌تانی، دۆشه‌ك و بالیف.

  • 988 سێتێن ئاڤا ڤه‌خوارنێ.

  • 430 پاكه‌تێن خوارنێن هشك.

  • 857 خوارنێن بله‌ز.

  • 723 ئالیكاریێن پزیشكی.

  • 107 سوپا.

  • 034 جلك.

  • 225 چادر.

  • 000 په‌ره‌یێن كاش ب لیرێ تركی.

  • 802 پاكه‌تێن زارۆكان و شیرێ زارۆكان.

  • 100 ماكینه‌یێن ئینشائاتێ.

د ڤێ لینكێ ده‌ هوون دكارن هه‌موو هۆرگلیێن ئالیكاریێن باشوورێ كوردستانێ و وه‌قفا بارزانی ببینن:

حكوومه‌تا باشوورێ كوردستانێ، ژ ده‌ستپێكا فه‌لاكه‌تا ئه‌ردهه‌ژێ فه‌رمان دا كامپانی ژ بۆی كۆمكرنا ئالیكارییان ژ بۆی زیاندیتیێن ئه‌ردهه‌ژێ ل ته‌ڤ باژار و باژارۆكێن كوردستانێ بێن چێكرن، ب سه‌دان بارهه‌لگران ئه‌ڤ ئالیكاریێن گه‌لێ باشوور راكرن باكور و رۆژئاڤا كوردستانێ، دیمه‌نێن ده‌رباسبوونا ئالیكارییان ل مه‌دیا جیهانێ بوون رۆژه‌ڤ.

 ته‌ڤی ڤێ بارهه‌لگرێن وه‌قفا بارزانی ب وێنه‌یا گه‌نه‌رال مسته‌فا بارزانی و گۆتنا وی یا ((شانازی یه‌ كو مرۆڤ خزمه‌تكارێ ملله‌تێ خوه‌ به‌)) كو ل سه‌ر بارهه‌لگران هاتبوو نڤیساندن ل باژارێن تركیێ و باكورێ كوردستانێ د گه‌ریان و ئالیكارییا مه‌غدووران دكر، ئه‌ڤان دیمه‌نان دلێ تركێن فاشیست ژی نه‌رم كر و رایه‌دارێن وان ب فه‌رمی سپاسییا ڤێ حه‌مله‌یێ كر، لێبه‌لێ په‌كه‌كێ ئه‌ڤ یێك نه‌دی و ژ نوو ڤه‌ رابوویه‌ شه‌رێ خوه‌ یێ مه‌دیایی ل دژی باشوورێ كوردستانێ و په‌ده‌كێ دۆماندی یه‌، كه‌تیه‌ ناڤا هه‌ولێن مه‌زن ژ بۆ كو حه‌مله‌یا ئالیكاریێن باشوور بێ واته‌ بكه‌.

ئه‌ردهه‌ژێ ئیسبات كر كو ئه‌ڤێ رێخستنا ژێره‌ دبێژن په‌كه‌كه‌ ب قه‌ده‌ر زه‌ره‌ت ئه‌لمسقال ژی خێرێ ژ بۆی كوردان ناخوازه‌

په‌كه‌كه‌ كو هه‌یا رۆژا مه‌ یا ئیرۆ یێك ده‌ستكه‌فتییا وێ ژ بۆ كورد و كوردستانێ تونه‌، نه‌كاری د فه‌لاكه‌تێن خوه‌زایی یێن ب سه‌ر گه‌لێ مه‌ دا ژی هاتنه‌ خوه‌ وه‌كه‌ پارتییه‌كه‌ كورد نیشانی گه‌ل بده‌، وێ شه‌رێ خوه‌ یێ سه‌مبۆلیك ل دژی تركان راوه‌ستاند، لێبه‌لێ ل دژی باشوورێ كوردستانێ كو مژوولی ئالیكارییا برایێن خوه‌ یێن باكور و رۆژئاڤا بوو نه‌ سه‌كناند، هه‌ر رۆژ  رێڤه‌به‌ره‌كێ رێخستنێ ل مه‌دیایێ ده‌ردكه‌ڤه‌ و ده‌ره‌وان ل گه‌ل دكه‌، لێبه‌لێ ڤێ ئه‌ردهه‌ژێ راستییه‌كه‌ دن یا په‌كه‌كێ ب زه‌لالی نیشا گه‌ل دا و ژ بۆی باكور و رۆژئاڤا ئیفشا بوو كو ئه‌ڤێ رێخستنا ژێ ره‌ دبێژن په‌كه‌كه‌ ب قه‌ده‌ر زه‌ره‌ت ئه‌لمسقال ژی خێرێ ژ بۆی وان ناخوازه‌.

پوستێن ھەمان بەش